Երուսաղեմի երաժշտության և պարի ակադեմիա

Վիքիպեդիայից՝ ազատ հանրագիտարանից
Jump to navigation Jump to search
Երուսաղեմի երաժշտության և պարի ակադեմիա
AcademyMusic8145.jpg
Տեսակերաժշտական դպրոց
Հիմնադրված է1933
ԵրկիրFlag of Israel.svg Իսրայել
ՏեղագրությունԵրուսաղեմ
Կայքjamd.ac.il/en/
Կոորդինատներ: 31°46′36.000012100003″ հս․ լ. 35°11′41.640000099989″ ավ. ե. / 31.77666667002777956° հս․. լ. 35.19490000002777208° ավ. ե. / 31.77666667002777956; 35.19490000002777208
Jerusalem Academy of Music and Dance Վիքիպահեստում

Երուսաղեմի երաժշտության և պարի ակադեմիա (եբր.՝ האקדמיה למוסיקה ולמחול בירושלים‎), երաժշտության և կատարողական արվեստի դպրոց Երուսաղեմում, Իսրայել: Գտնվում է Երուսաղեմի հրեական համալսարանի Գիվաթ Ռամ կամպուսում:

Պատմություն[խմբագրել | խմբագրել կոդը]

Երուսաղեմի երաժշտական կոնսերվատորիան հիմնադրվել է 1933 թվականի օգոստոսին ջութակահար Էմիլ Հաուսերի կողմից, որը եղել է հաստատության առաջին տնօրենը: Նրա կինը, մանկաբուժության ռահվիրա Հելենա Կագանը, 1938-1946 թվականներին եղել է ակադեմիայի պատվավոր քարտուղար[1]: Դպրոցի տնօրենն էր դաշնակահար Յոժեեդ Դոստորևսկին, որը Վիեննայից արտագաղթել էր Երուսաղեմ: Իսրայելի կոմպոզիտոր Յոզեֆ Թալը ակադեմիան ղեկավարել է 1948-1952 թվականներին[2]: Դասեր անցկացվում էին Երուսաղեմի կենտրոնում գտնվող Կիկարի Սիոնի անկյունում գտնվող շենքում[3]: Ուսանողների թվի աճով պայմանավորված դպրոցը տեղափոխվեց Հիլել փողոցի վրա գտնվող Շմիդտ շենք:

1958 թվականին «Նորման» հիմնադրամի (այժմ Ամերիկա-իսրայելական մշակութային հիմնադրամ) նախագահ Սամուել Ռուբինը Երուսաղեմի «Ռեհավիա» թաղամասում գտնվող Սմոլենսկին փողոցի վրա գտնվող շենքի գնման համար մեծ գումար է հատկացրել: Բացման հանդիսավոր արարողությանը մասնակցել են Գոլդա Մեիրը, Տեդի Կոլլեկը և այլ բարձրաստիճան պաշտոնյաներ: Արարողության ժամանակ դպրոցը վերանվանվել է Երուսաղեմի Ռուբինի երաժշտության ակադեմիա[4]:

Նույն տարում ստեղծվել է ակադեմիայի գրադարանը Կլոդ Աբրավանելի ղեկավարությամբ: Նրա ղեկավարության 35 տարիների ընթացքում գրադարանը հավաքել է գրքեր, ամսագրեր, առաջին հրատարակություններ և այլն: Հավաքածուն այժմ գտնվում է Ակադեմիայի գրադարանում և Իսրայելի երաժշտական արխիվներում՝ հիմնադրված 1988 թվականին[5]:

Պաղեստինի և Իսրայելի արևելա-հրեական համայնքների էթնիկ երաժշտության մեջ մասնագիտացած Էդիթ Գերսոն-Կիվինը 1942 թվականին ակադեմիայում դասավանդել է երաժշտության պատմություն: Էմիլ Հաուսերի խրախուսմամբ նա հիմնադրել է Պաղեստինի ժողովրդական բանահյուսության և ազգագրության ինստիտուտի ձայնագրերի արխիվը և ակադեմիայի էթնիկ երաժշտական գործիքներին հավաքածուն[6]:

1965 թվականին Իսրայելում պարային արվեստի ռահվիրա Հասիա Լևի-Ագրոնը ստեղծել է դպրոցի պարային բաժինը[7]: Իսրայելցի դիրիժոր Մենդի Ռոդանը դպրոցը գլխավորել է 1984-1993 թվականներին[8]:

Աստիճաններ[խմբագրել | խմբագրել կոդը]

Դպրոցն ունի ավելի քան 600 ուսանող: Ակադեմիան անկախ հաստատություն է՝ ճանաչված Իսրայելի բարձրագույն կրթության խորհրդի կողմից: Համագործակցում է նաև Երուսաղեմի հրեական համալսարանի հետ: Դպրոցն ունի Կատարողական արվեստի, կոմպոզիցիայի, դիրիժորության և երաժշտական կրթության ֆակուլտետներ և պարային ֆակուլտետ[9]

  • Երաժշտության բակալավր (B. Mus.)
  • Երաժշտական կրթության բակալավր (B. Ed. Mus.)
  • Պարային արվեստի բակալավր (B. Dance) Երուսաղեմի հրեական համալսարանի հետ համատեղ
  • Երաժշտության մագիստրոս (M. A. Mus.) Երուսաղեմի հրեական համալսարանի հետ համատեղ

Ավագ դպրոց[խմբագրել | խմբագրել կոդը]

Երուսաղեմի երաժշտության և պարի ակադեմիայի ավագ դպրոց

Ակադեմիայի ավագ դպրոցը գտնվում է Ակադեմիայի գլխավոր շենքի հարևանությամբ գտնվող Գիվատ Ռամում գտնվող Յունես և Սորայա Նազարյան շենքում: Հիմնադրվել է 1960-ական թվականների վերջին, ուսումնական ծրագիրը համատեղում է ընդհանուր ուսումը երաժշտության և պարային մասնագիտացման հետ[10]:

Ամառային ծրագրեր[խմբագրել | խմբագրել կոդը]

Ակադեմիայում կազմակերպվում է ամենամյա երկշաբաթյա ծրագիր՝ International Summer Institute for Strings[11]:

Կոնսերվատորիա[խմբագրել | խմբագրել կոդը]

Կոնսերվատորիան առաջարկում է երաժշտական և պարային անհատական և խմբակային դասընթացներ հինգ տարեկանից սկսած ուսանողների համար: Ուսանողները մասնակցում են ակադեմիայի ավագ դասախոսների կողմից կազմակերպված հատուկ սեմինարներին և վարպետության դասերին, ինչպես նաև հանդես են գալիս որպես մենակատարներ և անսամբլներ Իսրայելում և արտասահմանում: Կոնսերվատորիայում սովորում են ավելի քան 700 ուսանողներ[12]:

Ծանոթագրություններ[խմբագրել | խմբագրել կոդը]

  1. Jewish Women Encyclopedia: Helena Kagan Archived August 1, 2016, at the Wayback Machine.
  2. «Israel Music Information Center: Composers»։ Imi.org.il։ September 18, 1910։ Արխիվացված է օրիգինալից September 28, 2011-ին։ Վերցված է September 19, 2011 
  3. הרסייך ומחריבייך ממך יצאו: סיור בין הבתים הנכחדים של ירושלים Archived March 4, 2016, at the Wayback Machine.
  4. JAMD, History Archived May 28, 2011, at the Wayback Machine.
  5. idem.
  6. Jewish Women Encyclopedia: Edith Gerson-Kiwi Archived August 2, 2016, at the Wayback Machine.
  7. «Hassia Levy-Agron»։ Jwa.org։ Վերցված է September 19, 2011 
  8. «Obituary, Mendi Rodan»։ Thejc.com։ Վերցված է September 19, 2011 
  9. «JAMD President's message»։ Jamd.ac.il։ Վերցված է September 19, 2011 
  10. Dance Program Music Program (February 21, 2011)։ «JAMD website, High School»։ Jamd.ac.il։ Վերցված է September 19, 2011 
  11. «Summer Institute for Strings»։ Livemusic.co.il։ Վերցված է September 19, 2011 
  12. «Jerusalem Academy of Music and Dance Conservatory»։ Jamd.co.il։ Վերցված է October 9, 2011 

Արտաքին հղումներ[խմբագրել | խմբագրել կոդը]