Յուրի Բաշմետ

Յուրի Բաշմետ
Ծնվել է	հունվարի 24, 1953 (71 տարեկան); Դոնի Ռոստով, ՌԽՖՍՀ, ԽՍՀՄ
Երկիր	ԽՍՀՄ և Ռուսաստան
Ժանրեր	դասական երաժշտություն
Մասնագիտություն	դիրիժոր, երաժշտության ուսուցիչ, ջութակահար, վիոլինահար և հասարակական գործիչ
Գործիքներ	ալտ
Աշխատավայր	Մոսկվայի կոնսերվատորիա
Լեյբլ	Գերմանական գրամոֆոն, Մելոդիա և RCA Red Seal Records
Կրթություն	Մոսկվայի կոնսերվատորիա
Պարգևներ	; ; ; ; Սուրբ Սերաֆիմ Սարովսկու շքանշան ; ; ; Լեոնի Սոնինգի մրցանակ Ռուսաստանի Դաշնության կառավարական մրցանակ Լև Նիկոլաևի անվան ոսկե մեդալ և
Կայք	web.archive.org/web/20051206030604/http://www.yuribashmet.com/
	Yuri Abramovich Bashmet Վիքիպահեստում

Յուրի Աբրամովիչ Բաշմետ (հունվարի 24, 1953(1953-01-24)^[1], Դոնի Ռոստով, ՌԽՖՍՀ, ԽՍՀՄ), ռուսաստանցի ալտահար և դիրիժոր, «Նոր Ռուսաստան» սիմֆոնիկ նվագախմբի գեղարվեստական ղեկավար ու գլխավոր դիրիժոր։

Կենսագրություն

Յուրի Բաշմետը ծնվել է 1953 թ. հունվարի 24-ին Ռուսաստանի Դոնի Ռոստով քաղաքում՝ Աբրամ Բաշմետի և Մայա Բաշմետի ընտանիքում։ Հասիդական (միստիկ մովսիսադավանության) կարևոր տոհմի՝ ռաբբի Բեշտի ուղիղ շառավիղ է։ Մոր ցանկությամբ սկսել է ջութակ նվագել, բայց այդպես էլ չի սիրել ջութակը։ Մանուկ ժամանակ տարված է եղել կիթարով։ 1958 թվականին Բաշմետների ընտանիքը տեղափոխվել է Լվով, որտեղ նա ստացել է իր միջնակարգ մասնագիտական կրթությունը։

1971-1976 թթ. սովորել է Մոսկվայի պետական կոնսերվատորիայում։ Ընկերոջ խորհրդով ջութակից փոխվել է ալտի։ Առաջին ալտի ուսուցիչն է եղել Վադիմ Բորիսովսկին, որի մահից հետո 1972 թ. փոխադրվել է Ֆյոդոր Դրուժինի դասարանը։

1975 թ. Բուդապեշտում Ալտահարների միջազգային մրցույթում գրավել է 2-րդ մրցանակը և 1976 թ. առաջին մրցանակը Մյունիխում անցկացվող միջազգային երաժշտության մրցույթում։

1970-1980-ական թթ. հանդես է եկել որպես մենակատար։ Հանդես է եկել նաև Ռ. Բարշայի կամերային նվագախմբի հետ։ Մենահամերգներ է ունեցել աշխարհի տարբեր ծայրերում՝ Ռուսաստանում, Եվրոպայում, Ամերիկայում, Ավստրալիայում։ Ունեցել է համատեղ համերգներ այնպիսի հանրահայտ դիտիժորների հետ ինչպիսիք են Ռաֆաել Կուբելիկը, Մտիսլավ Ռոստրոպովիչը, Բեռնարդ Հեիտինգը և այլք։ Այժմ նա համերգներ է ունենում Մարթա Ագրերիխի, Նատալիա Գութմանի, Աննա-Սոֆի Մուտտերի, Օլեգ Կոգանի, Վիկտոր Տրետիակովի, Շլոմո Միտցի և այլ հանրահայտ կատարողների հետ։

1978 թվականից դասավանդում է Մոսկվայի կոնսերվատորիայում. 1988 թվականից՝ որպես դոցենտ, իսկ 1996 թվականից՝ որպես պրոֆեսոր։ 1980 թվականից աշխարհի ամենաճանաչված երաժշտական դպրոցներում վարում է վարպետության դասեր։

1985 թվականից հանդես է գալիս նաև որպես դիտիժոր։ Բաշմետը «Նոր Ռուսաստան» նվագախմբի գլխավոր դիրիժորն է, կազմել է բազմաթիվ երիտասարդական և ուսանողական նվագախմբեր։ Հիմնականում նա հանդես է գալիս իր իսկ կազմած «Մոսկվայի սոլիստներ» կամերային նվագախմբի հետ՝ որպես մենակատար և դիրիժոր։

20-րդ դարի և ժամանակակից շատ կոմպոզիտորներ իրենց ալտի համար գրված կոնցերտները նվիրել են Բաշմետին։ Նա նվագում է Պաոլո Տեստորեի 1758 թ. ալտը։

2012 թվականին հանդես է եկել որպես ՌԴ Նախագահի թեկնածու Վլադիմիր Պուտինի վստահված անձ։

1988 թվականի երկրաշարժի օրերին Բաշմետը հանդես է եկել որպես բարեգործական միջոցառումների և համերգների կազմակերպիչ և մասնակից։ Նա շարունակաբար աջակցել է հայազգի երիտասարդ կատարողների և կայացած կոմպոզիտորների միջազգային ճանաչմանն ու առաջխաղացմանը, պատվիրել է ստեղծագործություններ հայազգի մի շարք կոմպոզիտորների և կատարել աշխարհի հանրահայտ բեմերում։

Իր նվագախմբով այցելել է Հայաստան 2003, 2004, 2005, 2009, 2013 թվականներին, իսկ իբրև մենակատար՝ 2010 թվականին Հայաստանում կազմակերպված Սոֆյա Գուբայդուլինայի օրերին։

2013 թ. սեպտեմբերի 11-ին Հայաստանի Նախագահի հրամանագրով պարգևատրվել է Պատվո շքանշանով^[2]։

Ծանոթագրություններ

Վիքիպահեստն ունի նյութեր, որոնք վերաբերում են «Յուրի Բաշմետ» հոդվածին։

[_b300bf26ff2f8b44-1] 1,0 ^1,1 Բրոքհաուզի հանրագիտարան (գերմ.)

[2] Յ. Բաշմետին Պատվո շքանշանով պարգևատրելու մասին

[1]

[2]