Յուրի Բալյան

Վիքիպեդիայում կան հոդվածներ Բալյան ազգանունով այլ մարդկանց մասին։

Յուրի Բալյան
Ծնվել է	հոկտեմբերի 21, 1938(1938-10-21) Երևան, Հայկական ԽՍՀ, ԽՍՀՄ
Մահացել է	անհայտ
Մասնագիտություն	երաժիշտ
Գործիքներ	Շեփոր
Աշխատավայր	Երևանի Կոմիտասի անվան պետական կոնսերվատորիա և Ալեքսանդր Սպենդիարյանի անվան օպերայի և բալետի ազգային ակադեմիական թատրոն
Կրթություն	Երևանի Կոմիտասի անվան պետական կոնսերվատորիա
Պարգևներ

Յուրի Արմենակի Բալյան (հոկտեմբերի 21, 1938(1938-10-21), Երևան, Հայկական ԽՍՀ, ԽՍՀՄ - անհայտ), հայ երաժիշտ, շեփորահար, Հայաստանի վաստակավոր արտիստ (1990)։

Կենսագրություն

Յուրի Բալյանը ծնվել է 1938 թվականի հոկտեմբերի 21-ին, Երևան քաղաքում։ 1965 թվականին ավարտել է Երևանի պետական կոնսերվատորիան և (Միքայել Խաչատրյանի դասարան) և նույն կոնսերվատորիայի ասպիրանտուրան։ 1960-1966 թվականներին եղել է Ա. Սպենդիարյանի անվան օպերայի և բալետի ազգային ակադեմիական թատրոնի սիմֆոնիկ նվագախմբի մենակատար, 1966 թվականիցից՝ Ֆիլհարմոնիկ նվագախմբի կոնցերտմայստեր, շեփորահար։

1967 թվականից դասավանդել է Երևանի պետական կոնսերվատորիայում (պրոֆ.՝ 1991 թվականից, ամբիոնի վարիչ՝ 1992–2002 թվականներին)։ Կատարել է շեփորի (նվագախմբի և դաշնամուրի հետ) համար մի շարք կոնցերտներ, ֆանտազիաներ, սկերցոներ, նաև Ա. Հարությունյանի, Ա. Աճեմյանի, Բ. Կոտոյանի, Յ. Հայդնի, Ջ. Գերշվինի և ուրիշ երաժիշտների երկերից։

Յուրի Բալյանը եղել է հայ կոմպոզիտորների շեփորի համար ստեղծագործությունների առաջին կատարողը։ Գրել է գործեր շեփորի և դաշնամուրի, փողային գործիքների եռյակի, քառյակի, կվինտետի, փողային նվագախմբի համար («Տասներկու ստեղծագործություն շեփորի և դաշնամուրի համար», 2008, «Մանկական պիեսներ շեփորի և դաշնամուրի համար», 2012)։

Յուրի Բալյանը հանդես է եկել Մոսկվայի, Լենինգրադի, Կիևի և այլ քաղաքների սիմֆոնիկ նվագախմբերի հետ։

ԽՍՀՄ համամիութենական մրցույթի (1963, Լենինգրադ), Հանրապետական փառատոնի (1965, ոսկե մեդալ) դափնեկի է։

Արտաքին հղումներ

• Ассоциация музыкантов – духовиков ЦДРИ (к 50 летию со дня основания)

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։