Յուլի Վանագ

Յուլի Վանագ լատիշ․՝ Jūlijs Vanags
Ծնվել է	հուլիսի 8, 1903(1903-07-08)
Ծննդավայր	Medņi parish, Դվինսկի գավառ, Վիտեբսկի նահանգ, Ռուսական կայսրություն
Վախճանվել է	հոկտեմբերի 12, 1986(1986-10-12) (83 տարեկան)
Վախճանի վայր	Ռիգա, Լատվիական ԽՍՀ, ԽՍՀՄ
Գերեզման	Ռայնիսի գերեզմանատուն
Մասնագիտություն	թարգմանիչ, գրող և սցենարիստ
Լեզու	լատիշերեն
Քաղաքացիություն	Լատվիա և  ԽՍՀՄ
Ուշագրավ աշխատանքներ	Anthem of the Latvian Soviet Socialist Republic?
Կուսակցություն	ԽՄԿԿ
Պարգևներ	և

Յուլի Պետրովիչ Վանագ (լատիշ․՝ Jūlijs Vanags, հուլիսի 8, 1903(1903-07-08), Medņi parish, Դվինսկի գավառ, Վիտեբսկի նահանգ, Ռուսական կայսրություն - հոկտեմբերի 12, 1986(1986-10-12), Ռիգա, Լատվիական ԽՍՀ, ԽՍՀՄ), լատվիացի գրող, բանաստեղծ, արձակագիր, թարգմանիչ։ Լատվիայի ԽՍՀ մշակույթի վաստակավոր գործիչ (1953)։ ԽՄԿԿ անդամ 1963 թվականից։

Կենսագրություն

Յուլի Վանագը ծնվել է 1903 թվականին Եկաբպիլայի նահանգում։ Եղել է «Ռադիո-վոլնա» ամսագրի խմբագիր, «Կարոգս» ամսագրի պատասխանատու քարտուղար, Լատվիայի Գրողների միության վարչության քարտուղար։ Գրական գործունեությունն սկսվել է 1927 թվականից։ 1941 թվականին գրել է (Ֆրիցիս Ռոքպելնիսի հետ համատեղ) «Նրանք հարթեցին ճանապարհը» պիեսը, որը ներկայացնում է Լատվիայի ժողովրդի պայքարը խորհրդային իշխանության համար և «Ռուտա» լիբրետո-օպերան (բեմադրվել է 1943 թվականին)։ «Հանդիպում լողափին» պիեսում (1948) ներկայացրել է Խորհրդային Լատվիայում արդյունաբերության վերականգնումն ու ժողովրդի սոցիալիստական մտքի աճը։ Վանագի պիեսները բեմադրվել են Ռիգայի «Դայլես» գեղարվեվտական թատրոնում և այլ թատրոններում։ Երեխաների համար գրել է «Փոքրիկ կոլտնտեսականներ» (1950), «Կապիտան Ազանը» (1955), «Անտիսի և ծաղիկների հեքիաթը» ժողովածուները։ Հեղինակ է բազմաթիվ պիեսների, պատմվածքների ու վիպակների։

Յուլի Պետրովիչ Վանագի (1903-1986) հուշարձանը Լիեպնայում

Պարգևներ

• Լատվիայի ԽՍՀ մշակույթի վաստակավոր գործիչ (1953)
• Հոկտեմբերյան հեղափոխության շքանշան
• Աշխատանքային կարմիր դրոշի շքանշան
• Կարմիր աստղի շքանշան
• «Պատվո նշան» շքանշան

Ստեղծագործություններ

• «Խորը հերկում» (1950)
• «Դառը ծաղիկներ» (1960)
• «Պոեզիա» (1973)
• «Հիշի՛ր, իմ երիտասարդություն» (1976)

Պիեսներ

• «Նրանք ճանապարհ են հարթել» (1941)
• «Հանդիպում ափին» (1948)

Կինոսցենարներ

• «Գարնանային սառնամանիքներ»
• «За лебединой стаей облаков»

Աղբյուրներ

• Ванагс, Юлий Петрович — статья из Большой советской энциклопедии.
• Литературная газета. - 1986. - 22 окт. (некролог)