Մրջնալդեհիդ

Վիքիպեդիայից՝ ազատ հանրագիտարանից
Jump to navigation Jump to search
Մրջնալդեհիդ
Structural formula of formaldehyde.svg
Քիմիական բանաձևCH₂O
Մոլային զանգված30,011 զանգվածի ատոմական միավոր[1] գ/մոլ
Խտություն0,8153 գ/սմ³ գ/սմ³
Իոնիզացման էներգիա10,88±0,01 Էլեկտրոն-վոլտ[2] կՋ/մոլ
Հալման ջերմաստիճան-134±1 °F[2] °C
Եռման ջերմաստիճան-6±1 °F[2] °C
Գոյացան էնթալպիա-115,9 կՋ/մոլ կՋ/մոլ
Գոլորշու ճնշում1±1 Մթնոլորտ[2]
Քիմիական հատկություններ
Դասակարգում
CAS համար50-00-0
PubChem712
EINECS համար200-001-8
SMILESC=O
ЕС200-001-8
RTECSLP8925000
ChEBI692
IDLH24,6±0,1 milligram per cubic meter[2]
Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Մրջնալդեհիդ, ֆորմալդեհիդ, մեթանալ, СН20, պարզագույն ալդեհիդը։ Սուր, գրգռող հոտով, անգույն, թունավոր գազ է։

Հալման ջերմաստիճանը՝ - 118°С, եռմանը՝ - 19,2°С։ Լավ լուծվում է ջրում և սպիրտում։ Ուժեղ վերականգնիչ է, տալիս է «արծաթահայելու» ռեակցիան։ Վերականգնում է նաև Au, Pt, Cu, Bi և այլն։ Խառնուրդները օդի հետ (7-72 ծավ․%) պայթուցիկ են։ Հեշտությամբ պոլիմերվում է՝ առաջացնելով պոլիմրջնալդեհիդ՝ (H2CO)n։ Ջրային լուծույթներում մրջնալդեհիդը պոլիմերվում է դանդաղ և առաջացնում տրիօքսան և պարամրջնալդեհիդ։ Մրջնալդեհիդը ամոնիակի հետ առաջացնում է ուրոտրոպին, միզանյութի հետ՝ միզանյութ-մրջնալդեհիդային խեժեր, ֆենոլի հետ՝ ֆենոլ-մրջնալդեհիդային խեժեր ևայլն։ Օգտագործվում է նաև պոլիվինիլացետալներ, իզոպրեն, դեղանյութեր, ներկանյութեր ստանալու, կաշին դաբաղելու համար։ Մրջնալդեհիդի 37-40%-անոց ջրային լուծույթը ֆորմալինն է։ Մրջնալդեհիդը ստանում են մեթիլ սպիրտը կամ մեթանը օդի թթվածնով օքսիդացնելով։ Մրջնալդեհիդի թույլատրելի պարունակությունը օդում 0,001 մգհ է։

ՍՏԱՑՈՒՄ[խմբագրել | խմբագրել կոդը]

Առաջին անգամ ֆորմալդեհիդ ստացելէ Բուտլերովը 1859 թվականին:1867 թվականին Գոֆմանը նույնպես ստացել է Ֆորմալդեհիդ մեթանոլի գոլորշիները և օդը  բաց թողնելով տաք պլատինային կծիկի վրա:1882 թվականին Կեկուլեն բնութագրեց մաքուր ֆորմնալդեհիդի ստացման եղանակը :

1.   Արդյունաբերության մեջ մեթանն օքսիդացնում են թթվածնով , կատալիզատորի Mn2+ -ի լուծելի աղի (կամ ազոտի օքսիդների) առկայությամբ:

CH4 + O2 =   CH2(OH)2  =CH2O + H2O

2.Արդյունաբերության մեջ և լաբորատորիայում մեթանոլն օքսիդացնում են պղնձի (ll)օքսիդով .

CH2OH = CH2(OH)2  =CH2O + H2O + Cu

ՔԻՄԻԱԿԱՆ ՀԱՏԿՈՒԹՅՈՒՆՆԵՐ[խմբագրել | խմբագրել կոդը]

Ի  շնորհիվ ածխածնի ատոմում ցածր էլեկտորնային խտության ֆորմալդեհիդը մտնում է տարբեր ռեակցիաների մեջ:Իր ռեակցիոնունակությամբ այն գերազանցում է մնացած ալդեհիդներին և կետոններին:

ՕՔՍԻԴԱՑՈՒՄ - ՎԵՐԱԿԱՆԳՆՈՒՄ[խմբագրել | խմբագրել կոդը]

Ֆորմալդեհիդը վերականգնվում է ջրածնով  մինչև մեթանոլ  նիկելի, պլատինի, պղնձի եւ այլ կատալիզատորների ներկայությամբ:

Մինչև մրջնաթթու  կամ մինչև ածխաթթու գազ և ջուր օքսիդացման համար ֆորմալդեհիդն օքսիդացնում են կալիումի պերմանգանատով , կալիումի դիքրոմատով: Ֆորմալդեհիդը կարող է օքսիդանալ նաև պղնձի հիդրօքսիդով:

5HCHO +4KMnO4 + 6H2SO4 =  4MnSO4  +  2K2SO4   +  5CO2  + 11H2O

     HCHO + 2Cu(OH)2 = HCOOH  +  Cu2O  + H2O

ՄԻԱՑՄԱՆ ՌԵԱԿՑԻԱՆԵՐ[խմբագրել | խմբագրել կոդը]

Ֆորմալդեհիդը միանում է նատրիումի հիդրոսուլֆիտի հետ,առաջացնելով բյուրեղային միացություն:

HCHO + HOSO2Na = CH2OHOSO2Na

Այս ռեակցիան կիրառում են ֆորմալդեհիդը այլ նյութի խառնուրդից բաժանելու համար:

Ֆորմալդեհիդը միանում է ցիանաջրածնական թթվի հետ առաջացնելով օքսինիտրիլներ: Ռեակցիան հայտնի է ցիանհիդրինային ռեակցիա անունով:

CH2O  + HCN=  CH3OCN

Այս ռեակցիան կիրառում են ածխածնային շղթայի երկարացման համար:

Թթվի առկայությամբ ալդեհիդները միանում են սպիրտների հետ, առաջացնելով կիսաացետալներ և ացետալներ:

CH2O + C2H5OH =  C2H4O2

ԿԻՐԱՌՈՒՄ[խմբագրել | խմբագրել կոդը]

Ֆորմալդեհիդի գերակշռող մասն օգտագործվում է :Ֆենոլֆորմալդեհիդային խեժերի ստացման համար : Ֆորմալինը բժշկության մեջ կիրառվում է որպես ախտահանիչ , կաշվի վերամշակման գործում ,օրգանական սինթեզում և այլն:

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 68 CC-BY-SA-icon-80x15.png