Մորիս Թիյե

Մորիս Թիյե Maurice Tillet
Թիյեն 1940 թ.-ին
Ռինգային անուն(ներ)	Ֆրանսիացի հրեշտակ
Ընդհանուր տեղեկություններ
Ծննդյան թվական	1903 հոկտեմբերի 23
Ծննդավայր	Ուրալյան լեռներ, Ռուսական կայսրություն
Վախճանի թվական	սեպտեմբերի 4, 1954(1954-09-04) (տարիքը 50)
Վախճանի վայր	Չիկագո, Իլինոյս, ԱՄՆ
Մարզիչ	Կարլ Պոյելլո
Դեբյուտ	Փետրվար, 1937
Կարիերայի ավարտ	Փետրվարի 14, 1953

Մորիս Թիյեն ընդդեմ Լու Թեզի (1940)

Մորիս Թիյե (ֆր.՝ Maurice Tillet, հոկտեմբերի 23, 1903(1903-10-23), Chelyabinsk Uyezd, Օրենբուրգի մարզ, Ռուսական կայսրություն - սեպտեմբերի 4, 1954(1954-09-04), Չիկագո, Իլինոյս, ԱՄՆ, առավել հայտնի «Ֆրանսիացի հրեշտակ» ռինգային անվամբ), ֆրանսիացի պրոֆեսիոնալ ըմբշամարտիկ։ Առավել լայն ճանաչում է վայելել 1940-ական թվականներին՝ «American Wrestling Association» (AWA) կազմակերպությունում երկու անգամ ճանաչվելով աշխարհի ծանրքաշային չեմպիոն։

Կարիերա

Ծնվել է Ռուսական Կայսրությունում՝ ֆրանսիացի ծնողների ընտանիքում։ Տիրապետել է 14 լեզվի, զբաղվել բանաստեղծական և դերասանական գործունեությամբ։ 20 տարեկանից հետո Թիյեի մոտ հայտնաբերվել է ակրոմեգալիա կոչվող հազվագյուտ հիվանդությունը, որը մարդու մոտ առաջացնում է ոսկորների անկանոն ու անկառավարելի աճ։ Ձեռք բերելով ռախիտային կառուցվածք՝ Թիյեն ստիպված է լինում գտնել մի այնպիսի աշխատանք, որը կնույնացվի իր արտաքին տեսքի հետ, ուստի որոշում է տեղափոխվել ԱՄՆ և զբաղվել պրոֆեսիոնալ ըմբշամարտով։ Ռինգում հանդես է գալիս որպես բացասական կերպար և ձեռք է բերում «Ֆրանսիացի հրեշտակ» (անգլ.` "the French Angel") մականունը։

Մահացել է 1954 թվականին՝ սրտանոթային հիվանդությունից։ Հոգեվարքի ժամանակ համաձայնել է, որ իր դեմքից մահադիմակներ ստանան։ Հետագայում մահադիմակները հանգրվանել են տարբեր թանգարաններում։

Շրեկի նախատիպ

Ըստ որոշ զրույցների, Շրեկ անիմացիոն կերպարը ստացվել է Թիյեի արտաքինի մոդելավորմամբ, սակայն մինչ օրս «DreamWorks Animation» ստուդիան այդ մասին որևէ մեկնաբանություն չի տվել։

Արտաքին հղումներ

• Հոդված «Թայմ» ամսագրում Արխիվացված 2012-05-29 Wayback Machine(անգլ.)