Մոնիկա Լովինեսկու

Մոնիկա Լովինեսկու
Ծնվել է	նոյեմբերի 19, 1923
Ծննդավայր	Բուխարեստ, Ռումինիա
Վախճանվել է	ապրիլի 20, 2008 (84 տարեկան)
Վախճանի վայր	Վիլե լե Բել
Գրական անուն	Monique Saint-Côme, Claude Pascal, Claude Jaillet և Adriana Georgescu
Մասնագիտություն	լեզվաբան, լրագրող, ինքնակենսագիր, գրական քննադատ, ակնարկագիր և թարգմանչուհի
Լեզու	ֆրանսերեն
Քաղաքացիություն	Ռումինիա
Կրթություն	Բուխարեստի համալսարանի գրականության ֆակուլտետ
Ուշագրավ աշխատանքներ	Q12731823?
Պարգևներ	և
Ամուսին	Virgil Ierunca?
	Monica Lovinescu Վիքիպահեստում

Մոնիկա Լովինեսկու (ռումիներեն՝ moˈnika loviˈnesku, նոյեմբերի 19, 1923(1923-11-19)^[1]^[2], Բուխարեստ, Ռումինիա - ապրիլի 20, 2008(2008-04-20)^[3]^[1]^[2], Վիլե լե Բել), ռումինացի էսսեիստ, կարճ պատմվածքների հեղինակ, գրաքննադատ, թարգմանիչ և լրագրող, հայտնի է որպես Ռումինիայում կոմունիստական ռեժիմի հակառակորդ։ Նա մի քանի աշխատանք է հրապարակել Մոնիկա Սենտ-Քամ և Կլոդ Պասկալ կեղծանունների ներքո։ Նա եղել է գրական գործիչ Էուջեն Լովինեսկուի դուստրը և գրաքննադատ Վիրջիլ Իերունկայի կինը։

Կենսագրություն

Մոնիկա Լովինեսկուն ծնվել է Բուխարեստում։ Ավարտել է Բուխարեստի համալսարանի գրականագիտության ֆակուլտետը։ Իր գրական նորամուտը կատարել է Vremea ամսագրում, պարբերաբար հրատարակել է իր արձակ ստեղծագործությունները Revista Fundaţiilor Regale պարբերականում և Democraţia թատերական հրատարակությունում։ Ռումինիայում խորհրդային կարգերի հաստատման ուղղությամբ տարվող աշխատանքների պատճառով նա ստիպված է եղել հեռանալ Ֆրանսիա։ Այնտեղ գնալու համար նա ստացել է կրթաթոշակ Ֆրանսիայի կառավարության կողմից 1947 թվականի սեպտեմբերին, այնուհետև խնդրել է քաղաքական ապաստան (1948 թվականի օգոստոս) Ռումինիայի՝ ժողովրդական հանրապետություն դառնալուց հետո։

Նա հրատարակել է ստեղծագործություններ իր հայրենիքում տիրող կոմունիզմի, ինչպես նաև ռումինական գրականության մասին։ Նրա հոդվածները հաճախ հրատարակվել են այնպիսի հեղինակավոր ամսագրերում, ինչպիսիք են՝ Kontinent, Les Cahiers de l'Est և L'Alternative։ Նա տպագրել է էսսեների ժողովածու Histoire des spectacles խորագրով (հրատարակվել է Éditions Gallimard-ի կողմից)։

1951 թվականից մինչև 1974 թվականը Մոնիկա Լովինեսկուն եղել է Radiodiffusion Française-ի ռումիներեն ռադիոհաղորդումների մասնակից, ինչպես նաև Արևելյան Եվրոպայի համար նախատեսված ռադիոկայանի անդամ։ 1960-ական թվականներից եղել է Radio Free Europe-ի լրագրող՝ պատրաստելով երկու ամենշաբաթյա հաղորդումներ, որոնք նպաստել են Նիկոլաե Չաուեշեսկուի վարչակարգի դեմ ներքին ընդդիմության ձևավորմանը։ Նրանց գլխավոր նպատակն էր ռումինացիներին իրազեկել ազատ աշխարհում տիրող մշակութային և քաղաքական միտումների մասին։ Ելույթների մի մասը թողարկվել է որպես Unde Scurte («Կարճ ալիքներ») Մադրիդում (1978)։

Նա եղել է հարձակումների թիրախ Ռումինիայի կոմունիստական մամուլում, դրանցից ամենահայտնիների հեղինակները եղել են Էժեն Բարբուն և Կորնելիու Վադիմ Թյուդորը։ 1977 թվականին նա ծեծի է ենթարկվել Պաղեստինի ազատության կազմակերպության երեք անդամների կողմից (որոնցից մեկը ծպտված էր որպես ֆրանսիական փոստատար) Նիկոլա Չաուշենսկուի հանձնարարությամբ^[5]։

Լովինեսկուն ֆրանսերեն է թարգմանել ռումինական գրականության որոշ նմուշներ։

Մոնիկա Լովինեսկուն մահացել է 2008 թվականին Փարիզում։

Ծանոթագրություններ

↑ ^1,0 ^1,1 ^1,2 ^1,3 ^1,4 FemBio տվյալների շտեմարան (գերմ.)
↑ ^2,0 ^2,1 ^2,2 ^2,3 ^2,4 Babelio (ֆր.) — 2007.
↑ ^3,0 ^3,1 ^3,2 http://www.iht.com/articles/ap/2008/04/21/europe/EU-GEN-Romania-Obit-Lovinescu.php
↑ ^4,0 ^4,1 ^4,2 ^4,3 Չեխիայի ազգային գրադարանի կատալոգ
↑ 1928-, Pacepa, Ion Mihai, (1990) [1987]. Red horizons : the true story of Nicolae and Elena Ceausescus' crimes, lifestyle, and corruption. Washington, D.C.: Regnery Gateway. ISBN 9780895267467. OCLC 21980052. {{cite book}}: |last= has numeric name (օգնություն)CS1 սպաս․ բազմաթիվ անուններ: authors list (link) CS1 սպաս․ հավելյալ կետադրություն (link)

Վիքիպահեստն ունի նյութեր, որոնք վերաբերում են «Մոնիկա Լովինեսկու» հոդվածին։

[_c120ed6f3624903f-1] 1,0 ^1,1 ^1,2 ^1,3 ^1,4 FemBio տվյալների շտեմարան (գերմ.)

[_7c7e484e89f02f75-2] 2,0 ^2,1 ^2,2 ^2,3 ^2,4 Babelio (ֆր.) — 2007.

[_4e655f98d97fd3e3-3] 3,0 ^3,1 ^3,2 http://www.iht.com/articles/ap/2008/04/21/europe/EU-GEN-Romania-Obit-Lovinescu.php

[_244e71e7919f9920-4] 4,0 ^4,1 ^4,2 ^4,3 Չեխիայի ազգային գրադարանի կատալոգ

[5] 1928-, Pacepa, Ion Mihai, (1990) [1987]. Red horizons : the true story of Nicolae and Elena Ceausescus' crimes, lifestyle, and corruption. Washington, D.C.: Regnery Gateway. ISBN 9780895267467. OCLC 21980052. {{cite book}}: |last= has numeric name (օգնություն)CS1 սպաս․ բազմաթիվ անուններ: authors list (link) CS1 սպաս․ հավելյալ կետադրություն (link)

[1]

[2]

[3]

[4]

[5]