Մինաս Սարգսյան
Մինաս Սարգսյան | |
---|---|
Ծնվել է | դեկտեմբերի 11, 1870 |
Ծննդավայր | Վերին Ագուլիս, Նախիջևանի գավառ, Երևանի նահանգ, Կովկասի փոխարքայություն, Ռուսական կայսրություն |
Մահացել է | մայիսի 29, 1955 (84 տարեկան) |
Մահվան վայր | Երևան, Հայկական ԽՍՀ, ԽՍՀՄ |
Մասնագիտություն | հեղափոխական |
Մինաս Մկրտչի Սարգսյան (դեկտեմբերի 11, 1870, Վերին Ագուլիս, Նախիջևանի գավառ, Երևանի նահանգ, Կովկասի փոխարքայություն, Ռուսական կայսրություն - մայիսի 29, 1955, Երևան, Հայկական ԽՍՀ, ԽՍՀՄ), Անդրկովկասում խորհրդային իշխանության հաստատման աջակից, ԽՄԿԿ անդամ (1905)։
Գործունեություն[խմբագրել | խմբագրել կոդը]
1888-1905 թվականներին եղել է հնչակյան կուսակցության անդամ։ Մասնակցել է Բաքվի նավթագործների 1903-1904 թվականների գործադուլներին։ 1905 թվականին Թիֆլիսում մարտնչել է մարտական դրուժինայի շարքերում։ 1905 թվականի վերջին վերադարձել է Բաքու, աշխատանքի անցել Բալախանիի նավթահանքերում, կատարել ՌՍԴԲԿ Բաքվի կոմիտեի հանձնարարությունները։ 1917-1918 թվականներին «Բակինսկի ռաբոչի» («Бакинский рабочий) թերթի բանվոր թղթակիցներից էր։ 1918 թվականի մարտին մասնակցել է Բաքվի կոմունայի համար մղված մարտերին։ Կոմունայի օրերին եղել է Բաքվի Զավոկզալնի շրջանի պարենկոմի նախագահի տեղակալ։ 1920 թվականին ձերբակալվել և կարճ ժամանակով բանտարկվել է՝ զենք գնելու և պահեստավորելու համար։ 1920 թվականին Բաքվի կոմիտեն Սարգսյանին ուղարկել է Զանգեզուր, ուր նա կռվել է դաշնակցականների դեմ։ 1925 թվականից աշխատել է ՀԽՍՀ ժողտնտխորհում, միաժամանակ ընտրվել կուսհանձնաժողովի անդամ։ 1926-1927 թվականներին եղել է Երևանի քաղսովետի գործկոմի նախագահի տեղակալ, 1928-1936 թվականներին՝ ՀԿԿ ԿԿ պատվավոր քարտուղար։ Ընտրվել է ՀԽՍՀ ԿԴԿ նախագահության և Անդրֆեդերացիայի ԿԴԿ անդամ։ Պարգևատրվել է ՀԽՍՀ Աշխատանքային կարմիր դրոշի շքանշանով (1932)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 223)։ |