Միզգին Այ
| Միզգին Այ | |
|---|---|
_(cropped).jpg) | |
| Անձնական տեղեկություն | |
| Սեռ՝ | իգական |
| Մասնագիտացում | վազորդ |
| Երկիր |  Թուրքիա |
| Ծննդյան ամսաթիվ | հունիսի 22, 2000[1] (25 տարեկան) |
| Ծննդավայր | Բաթման |
Միզգին Այ (թուրքերեն՝ Mizgin Ay. հունիսի 22, 2000[1], Բաթման), ազգությամբ քուրդ թեթևատլետ, արագավազորդուհի, ով հանդես է գալիս 100 մ, 200 մ եւ 400 մ մրցատարածություններում՝ միջազգային մրցումներում ներկայացնելով Թուրքիան։
Կյանքի վաղ տարիներ
[խմբագրել | խմբագրել կոդը]Միզգին Այը ծնվել է 2000 թվականի հունիսի 22-ին Հարավարևելյան Թուրքիայում՝ Բաթման քաղաքում[2][3]։
Վազք մարզաձևով սկսել է զբաղվել դեռևս կրտսեր դպրոցական տարիքից։ Տասը տարեկան է եղել, երբ բացահայտվել է նրա առանձնահատուկ օժտվածությունը կարճ տարածություններում վազքի մեջ։ Երկու տարի անց նա մասնակցել է թեթևաթլետիկական մրցումների։ 2014 թվականին իր նվաճած ոսկե մեդալների թիվը հասցրել է վեցի՝ հաղթանակներ տանելով բոլոր մրցումներում, որոնց մասնակցել է։ 16 տարեկանում անդամագրվել է Fenerbahçe Athletics / Ֆեներբախչե աթլետիկս մարզական ակումբին[4]։
Կարիերա
[խմբագրել | խմբագրել կոդը]Այը 2017 թվականին Նայրոբիում ( Քենիա) անցկացված թեթևաթլետիկայի աշխարհի երիտասարդական առաջնությունում ոսկե մեդալ է նվաճել 100 մ[5] և բրոնզե մեդալ՝ 200 մ մրցավազքում[6]։ 2017 թվականին Ադրբեջանի մայրաքաղաք Բաքվում կայացած իսլամական համերաշխության խաղերում մեկական բրոնզե մեդալ է նվաճել 100 մ վազքում և 4 x 400 մ փոխանցումավազքում[4]։
2018 թվականին Ստամբուլում (Թուրքիա ) կայացած Բալկանյան թեթևաթլետիկական մարզադահլիճային 23-րդ առաջնությունում 60 մ մրցատարածությունն անցնելով 7,38 վայրկյանում՝ գրավել է առաջին տեղը միաժամանակ սահմանել մինչև 20 տարեկանների նոր ազգային ռեկորդ[4]։
2019 թվականին Էրզրում քաղաքում անցկացված սպրինտի և փոխանցումավազքի միջազգային գավաթի խաղարկության մրցումներում 100 մ մրցատարածությունում նվաճել է ոսկե մեդալ[7]։
2020 թվականին Ստամբուլում (Թուրքիա ) կայացած Բալկանյան թեթևաթլետիկական մարզադահլիճային առաջնությունում արծաթե մեդալի է արժանացել՝ 60 մ մրցատարածությունում գրավելով երկրորդ տեղը[8][2]։
Անձնական լավագույն ցուցանիշները
[խմբագրել | խմբագրել կոդը]| Մրցաձևը | Արդյունքը | Մրցավայրը | Ամսաթիվը |
|---|---|---|---|
| 100 մ | 11.57 վրկ. (քամի՝ +1.3 մ/վ) |  Քենիա, Նայրոբի |
13 հուլիսի 2017թ |
| 200 մ | 23.76 վրկ. (քամի՝ -0.7 մ/վ) | Քենիա, Նայրոբի |
16 հուլիսի 2017թ |
| 400 մ | 54.37 վրկ. | Թուրքիա, Անկարա |
24 օգոստոսի 2016թ |
Ծանոթագրություններ
[խմբագրել | խմբագրել կոդը]- 1 2 World Athletics database
- 1 2 «Mizgin Ay Batmanlıların göğsünü kabarttı». Haber 7 (թուրքերեն). 2020 թ․ փետրվարի 6. Վերցված է 2021 թ․ օգոստոսի 13-ին.
- ↑ «Mizgin Ay» (թուրքերեն). Eurosport. Վերցված է 2021 թ․ օգոստոսի 13-ին.
- 1 2 3 «Mizgin Ay». Türk Sporu (թուրքերեն). Արխիվացված է օրիգինալից 2021 թ․ օգոստոսի 13-ին. Վերցված է 2021 թ․ օգոստոսի 13-ին.
- ↑ Wesley Botton (2017 թ․ հուլիսի 13). «Report: Girls' 100m – IAAF World U18 Championships Nairobi 2017». Iaaf.org. Վերցված է 2017 թ․ հուլիսի 13-ին.
- ↑ Jon Mulkeen (2017 թ․ հուլիսի 16). «Report: Girls' 200m – IAAF World U18 Championships Nairobi 2017». Iaaf.org. Վերցված է 2017 թ․ հուլիսի 16-ին.
- ↑ «100 metrede altın madalyanın sahibi: "Mizgin Ay"». Türk S>poru (թուրքերեն). 2019 թ․ հուլիսի 25. Արխիվացված է օրիգինալից 2021 թ․ օգոստոսի 13-ին. Վերցված է 2021 թ․ օգոստոսի 13-ին.
- ↑ «Milli atlet Mizgin Ay'dan gümüş madalya». Fanatik (թուրքերեն). 2020 թ․ փետրվարի 15. Վերցված է 2021 թ․ օգոստոսի 12-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Միզգին Այ» հոդվածին։ |
| ||||||
