Պանտելիչը հայտնի է նրանով, որ իր կարիերայի ընթացքում հանդես է եկել 8 տարբեր երկրների 11 ակումբներում՝ հասցնելով խաղալով Հունաստանում[4], Ֆրանսիայում, Շվեյցարիայում, Իսպանիայում, Ավստրիայում, Սերբիայում, Գերմանիայում և Հոլանդիայում։
2008/09 մրցաշրջանից հետո Մարկոն հեռացել է Բեռլինի «Հերթա» ֆուտբոլային ակումբից[5], որի կազմում Բունդեսլիգայում անցկացրած 4 մրցաշրջանում խփել է 45 գնդակ, և մինչև 2009 թվականի սեպտեմբերը մնացել է առանց ակումբ[6], մինչև վերջապես տեղափոխվել է Ամստերդամի«Այաքս» ֆուտբոլային ակումբ[7]։
«Այաքսի» կազմում Մարկոն հարձակվողների զույգ է կազմել ուրուգվայցի երիտասարդ խաղացող Լուիս Սուարեսի հետ, ում հետ Նիդեռլանդների առաջնության 2009/10 մրցաշրջանի 34 խաղերում խփել են 51 գոլ (35 գոլ Սուարեսը, 16 գոլ՝ Պանտելիչը)։ Հաջորդ մրցաշրջանում այդ զույգն այլևս «Այաքսի» կազմում չէր. Սուարեսը տեղափոխվել է «Լիվերպուլ», և Պանտելիչը՝ հունական «Օլիմպիակոս»[8]։ Մարկոն վերադարձել է Հունաստան իր կարիերայի սկզբում «Իրակլիսում» խաղալուց 13 տարի անց։