Մասնակից:Armine Harutyunyan1/Ավազարկղ11

Վիքիպեդիայից՝ ազատ հանրագիտարանից

Ստուգված է

Armine Harutyunyan1/Ավազարկղ11
Հիմնական տվյալներ

Մեցի Սուրբ Ստեփանոսի տաճար (ֆր.՝ Cathédrale Saint Étienne de Metz), հայտնի է որպես Մեցի Մայր տաճար, հռոմեական կաթոլիկ տաճար Լոթարինգիայի մայրաքաղաք Մեցում, Ֆրանսիա[1]։ Տաճարը հռոմեական կաթոլիկ թեմի Մայր տաճարն է և Մեցի եպիսկոպոսի նստավայրը[2]։ Եկեղեցու գանձարանը ցուցադրում է հազարամյակների հարուստ հավաքածու, ներառյալ Սուրբ Հաղորդության համար անհրաժեշտ իրերը[1][3][4]։

Մեցի Սուրբ Ստեփանոսի տաճարում է գտնվում աշխարհի ամենաբարձր նավը։ Տաճարն անվանվել է «Տիրոջ լույս» (ֆր.՝ la Lanterne du Bon Dieu)։ Նրանում է գտնվում վիտրաժների ամենամեծ էքսպանսիան աշխարհում՝ 6,496 մ քառ․[5]։ Ապակե պատուհանները կառուցված են գոթական և վերածննդի ճարտարապետական ոճով։

Ճարտարապետություն[խմբագրել | խմբագրել կոդը]

Սուրբ Ստեփանոսի տաճարը կառուցված է գոթական ճարտարապետական ոճով, տեղի դեղին կրաքարով։ Տաճարի տրանսեպտը և խորանը նախագծված է ֆրանսիական գոթական ճարտարապետության ոճով։ Այնուամենայնիվ, համեմատած մյուս տաճարների հետ, այստեղ ցուցադրվում են եզակի տարբերակիչ հատկանիշներ ինչպես հատակագծում, այնպես էլ ճարտարապետության մեջ։ Մեցի տաճարն ուղղված է դեպի հյուսիս-արևելք։ Ի տարբերություն Ֆրանսիայի և Գերմանիայի մյուս գոթական տաճարների, այս տաճարն ունի երեք պորտալներ, որոնք ամբողջանում են վարդագույն պատուհանով, և երկու աշտարակներով։ Սուրբ Ստեփանոսի տաճարի արևմտյան ճակատում կա պատշգամբ։

Տաճարի հարավ-արևմտյան ճակատամասին կից գտնվում է նարտեքսը։ Նավն ուղեկցվում է արկբուտաններով, և նրա բարձրությունը հասնում է մինչև 41,41 մետրի։ Բարձրադիր նավը համադրվում է առավել ցածր ենթակողմերով, որոնց բարձրությունը 14,3 մետր է։

Իր պատմության ընթացքում Սուրբ Ստեփանի տաճարը ենթարկվել է ճարտարապետական և դեկորատիվ փոփոխությունների՝ նեոկլասիկալ և նեոգոթիկա ճարտարապետական ոճերի հավելումներով։

Շինարարության պատմությունը[խմբագրել | խմբագրել կոդը]

Նախկին Սուրբ Ստեփանոս տաճարի շինարարությունը սկսվել է 5-րդ դարից և նվիրաբերվել է Սուրբ Ստեփանոս Նախավկային[6]: Ըստ Ֆրանկների պատմիչ Գրիգոր Տուրցիի, Սուրբ Ստեփանոսի սրբարանը եղել է միակ կառույցը, որը պահպանվել է 451 թվականին հոների առաջնորդ Աթթիլայի կողմից իրականացրած ավերման ժամանակ[7]: Ներկայիս գոթական տաճարի շինարարությունը սկսվել է 1220 թվականին, Օտտոնյան բազիլիկի տեղում, որը 10-րդ դարի կառույց էր[8][9]: 12-րդ դարում գոթական մատուռը վերափոխվեց Մայր տաճարի, ինչի արդյունքում հիմնական արևմտյան պորտալը բացակայեց, իսկ նախկին մատուռի մուտքը դարձավ տաճարի հարավարևմտյան նախասրահը[9][10]: Սուրբ Ստեփանոս տաճարի շինարարությունն ավարտվել է մոտ 1520 թվականին, իսկ նոր տաճարի օծումը տեղի է ունեցել 1552 թվականի ապրիլի 11-ին[11]:

1755 թվականին, տաճարի արևմտյան հատվածում նեոկլասիկալ ոճով պորտալ կառուցելու համար ֆրանսիացի ճարտարապետ Ժակ Ֆրանսուա Բլոնդելին պարգևատրվել է Ճարտարապետության Արքայական ակադեմիայի կողմից։

1877 թվականին հրավառության պատճառով բռնկված հրդեհը մեծ վնաս հասցրեց Մեցի տաճարին: Այս միջադեպից հետո որոշվեց տաճարը վերանորոգել նեոգոթական ճարտարապետության ոճով: Արևմտյան ճակատամասն ամբողջությամբ վերակառուցվեց 1898-1903 թվականներին, իսկ Բլոնդելի կողմից կառուցված պորտալը քանդվել է, և նոր` նեոգոթական ոճով կառուցված պորտալ է ավելացվել:

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ 1,0 1,1 «Official website of the Saint-Stephen Cathedral» (ֆրանսերեն). Վերցված է 29 June 2012-ին.
  2. ↑ «Official website of the Bishopric of Metz» (ֆրանսերեն). Վերցված է 6 January 2013-ին.
  3. ↑ «INA Archive (1969) Trésor de la cathédrale de Metz, Lorraine soir, ORTF» (VIDEO) (ֆրանսերեն). Վերցված է 2 July 2012-ին.
  4. ↑ «INA Archive (1980) Patrimoine: trésor de la cathédrale de Metz, Lorraine soir, France 3 régions» (VIDEO) (ֆրանսերեն). Վերցված է 2 July 2012-ին.
  5. ↑ Jolin J.L. (2001) La lanterne du Bon Dieu. Eds. Serpnoise. 2-87692-495-1. (Ֆրանսերեն)
  6. ↑ Vallery-Radot J. (1931) La cathédrale de Metz, description archéologique. Eds A. Picard, Paris. (Ֆրանսերեն)
  7. ↑ «Gregory of Tours (c. 538-594 A.D.) Historiae, Libri X. The Latin Library» (լատիներեն). Վերցված է 6 January 2013-ին.
  8. ↑ Marot P. (1931) La cathédrale de Metz, histoire de la construction. Eds A. Picard, Paris. (Ֆրանսերեն)
  9. ↑ 9,0 9,1 «Timeline of the construction of Metz Cathedral, from 10th to 13th century» (VIDEO). Վերցված է 6 January 2013-ին.
  10. ↑ Villes A. (2004) Remarques sur les campagnes de construction de la cathédrale de Metz au XIIieme siecle. Bulletin Monumental 162, Paris. (Ֆրանսերեն)
  11. ↑ «Timeline of the construction of Metz Cathedral, from 14th to 16th century» (VIDEO). Վերցված է 6 January 2013-ին.

Արտաքին հղումներ[խմբագրել | խմբագրել կոդը]

Վիիքպահեստ
Ստացված է «https://hy.wikipedia.org/w/index.php?title=Մասնակից:Armine_Harutyunyan1/Ավազարկղ11&oldid=8549953» էջից