Մամիկոն Առուստամյան

Մամիկոն Առուստամյան
Ծնվել է	փետրվարի 7, 1910(1910-02-07) Էրքեջ, Ելիզավետպոլի նահանգ, Ռուսական կայսրություն
Մահացել է	հուլիսի 21, 1995(1995-07-21) (85 տարեկանում) Երևան, Հայաստան
Ազգություն	հայ
Մասնագիտություն	փիլիսոփա
Հաստատություն(ներ)	Երևանի պետական համալսարան
Գործունեության ոլորտ	փիլիսոփայություն
Ալմա մատեր	Բաքվի պետական համալսարան

Մամիկոն Առուստամի Առուստամյան (փետրվարի 7, 1910(1910-02-07), Էրքեջ, Ելիզավետպոլի նահանգ, Ռուսական կայսրություն - հուլիսի 21, 1995(1995-07-21), Երևան, Հայաստան), հայ փիլիսոփա, փիլիսոփայական գիտությունների դոկտոր (1971), պրոֆեսոր (1972), Հայրենական Մեծ պատերազմի մասնակից։

Կենսագրություն

1923 թվականին ավարտել է տեղի յոթնամյա դպրոցը, այնուհետև՝ Կիրովաբադի մանկավարժական տեխնիկումը, 1940 թվականին՝ Ադրբեջանի պետական համասլարանի պատմության ֆակուլտետը։ Համալսարանն ավարտելուց հետո նույն տարում զորակոչվել է խորհրդային բանակ, մասնակցել Հայրենական մեծ պատերազմին:

1945 թվականին ընդունվել է ԵՊՀ ասպիրանտուրա: 1950 թվականին պաշտպանել է թեկնածուական ատենախոսություն: 1958 թվականին ստացել է դոցենտի կոչում:

1947-1986 թվականներին դասավանդել է ԵՊՀ-ում: 1948-1963 թվականներին աշխատել է ԵՊՀ ԽՄԿԿ պատմության ամբիոնի դոցենտ: 1969 թվականին պաշտպանել է դոկտորական ատենախոսություն, 1972 թվականին նրան շնորհվել է պրոֆեսորի կոչում: 1973-1983 թվականներին եղել է ԵՊՀ գիտական կոմունիզմի ամբիոնի վարիչ։

Գիտական հետազոտությունները վերաբերում են սոցիալիստական երկրների, սոցիալիզմի համերաշխության համակարգի զարգացման օրինաչափություններին։ Հեղինակ է 80-ից ավելի գիտական աշխատությունների՝ 5 մենագրության, դասագրքերի, ուսումնամեթոդական ձեռնարկների և բազմաթիվ հոդվածների:

Պարգևատրվել է Հայրենական պատերազմի II աստիճանի շքանշանով, մեդալներով, ՀԽՍՀ Գերագույն խորհրդի պատվոգրերով:

Մատենագիտություն

• Առուստամյան Մ. Ա., Սոցիալիստական երկրների համագործակցությունը և զարգացման մակարդակների աստիճանական հավասարեցումը, Երևան, 1971։
• Առուստամյան Մ. Ա., Տնտեսական փոխօգնության խորհրդի անդամ սոցիալիստական երկրների ինտեգրացիայի մասին, Երևան, 1974։
• Առուստամյան Մ. Ա., Համաշխարհային հեղափոխական սիստեմի մի քանի օրինաչափություններ, Երևան, 1983։

Ծանոթագրություններ

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։