Ղազախստանի համալսարան
 | |
| Տեսակ | համալսարան, հասարակական համալսարան և ազատ հասանելիության հրատարակություն |
| Հիմնադրված է | 1934 |
| Անվանված է | Ալ Ֆարաբի |
| Ընդհանուր անձնակազմ | 2000 մարդ |
| Անդամակցություն | Եվրոպայի համալսարանների միություն[1] և Ֆրանկոֆոնիայի համալսարանական գործակալություն[2] |
| Երկիր |  Ղազախստան[3] |
| Տեղագրություն | Ալմաթի |
| Պարգևներ |  |
| Կայք | kaznu.kz |
 Al-Farabi Kazakh National University Վիքիպահեստում | |
Ղազախստանի ալ-Ֆարաբիի անվան ազգային համալսարան (ղազ.՝ Əл Фараби атындағы Қазақ Ұлттық Университеті), Ղազախստանի առաջատար բարձրագույն ուսումնական հաստատությունը։ Հիմնվել է 1934 թվականին Ալմա Աթայում[4]։
Ղազախստանի ազգային համալսարանում գործում է բազմաստիճան կրթական համակարգ, որ ներառում է բարձրագույն հիմնական կրթություն (բակալավրիատ), բարձրագույն հատուկ կրթություն, մագիստրատուրա, ասպիրանտուրա և դոկտորանտուրա։ Համալսարանում պատրաստվում են ավելի քան 180 բնագավառի մասնագետներ։ Նրա կազմում գործում են 14 ֆակուլտետ (մեխանիկա-մաթեմատիկական, ֆիզիկատեխնիկական, քիմիայի և քիմիական տեխնոլոգիաների, կենսաբանության, աշխարհագրական և բնօգտագործման, իրավաբանական, պատմության, հնէաբանության և ժողովրդագրության, փիլիսոփայության և քաղաքագիտության, բանասիրության, գրականագիտության և համաշխարհային լեզուների, ժուռնալիստիկայի, արևելագիտության և այլն), քոլեջ, որակավորման բարձրացման ինստիտուտ, գիտահետազոտական 7 ինստիտուտներ, 67 մասնագիտությունների գծով դոկտորական դիսերտացիաների պաշտպանության 25 դիսերտացիոն խորհուրդներ։ Համալսարանում կրթություն են ստանում ավելի քան 20 հազար ուսանողներ, մագիստրանտներ ու դոկտորներ։
Պատմություն
[խմբագրել | խմբագրել կոդը]Համալսարանը բացվել է 1934 թվականի հունվարի 15-ին։ Այն ունեցել է կենսաբանական ու ֆիզիկամաթեմատիկական ֆակուլտետներ, որտեղ սովորել են 54 ուսանողներ, և աշխատել են 25 դասախոսներ (այդ թվում՝ 5 պրոֆեսոր և 10 դոցենտ)։ 1934 թվականին համալսարանը կոչվում է Սերգեյ Կիրովի անվամբ։ Համալսարանը կայացմանն աջակցել են Մոսկվայի, Լենինգրադի, Կազանի, Ուկրաինայի բուհերը։ Այստեղ աշխատելու են եկել Ի. Մոլյուկովը, Դ. Սոկոլսկին Մոսկվայի համալսարանից, Կոնստանտին Պերսիդսկին Կազանի համալսարանից և այլ գիտնականներ[5]։
1977/78 ուսումնական տարում համալսարանն ունեցել է շուրջ 15 հազար ուսանող, մոտ 1000 դասախոս և գիտական աշխատող։ Ղազախստանի համալսարանը հրատարակել է «Գիտական տեղեկագիր» (1938 թվականից) հանդեսը։ Պարգևատրվել է Աշխատանքային կարմիր դրոշի շքանշանով (1971)[6]։
Ծանոթագրություններ
[խմբագրել | խմբագրել կոդը]- ↑ https://eua.eu/about/member-directory.html
- ↑ https://web.archive.org/web/20221123144401/https://www.auf.org/les_membres/nos-membres/
- ↑ Բաց մատչելիության ամսագրերի տեղեկատու — 2003.
- ↑ Հայկական սովետական հանրագիտարան, հատոր 7, Երևան, 1981, էջ 18:
- ↑ Алма-Ата. Энциклопедия — Гл.редактор Козыбаев М. К., Алма-Ата, Гл. ред. Казахской Советской энциклопедии, 1963
- ↑ «Путеводитель по фондам советского периода». ЦГА РК. Արխիվացված օրիգինալից 2014 թ․ հուլիսի 14-ին. Վերցված է 14 июля 2014-ին.
 | Վիքիպահեստն ունի նյութեր, որոնք վերաբերում են «Ղազախստանի համալսարան» հոդվածին։ |
|
