Հրեշ տունը

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Հրեշ տունը
անգլ.՝ Monster House
Տեսակ լիամետրաժ մուլտֆիլմ և ստերեոկինո
Ժանր սարսափ ֆիլմ[1], սարսափ ժանրի կատակերգություն, ֆենթեզի ֆիլմ, մանկական ֆիլմ և կինոկատակերգություն
Թեմա ուրվականներով տուն
Դարաշրջան 1980-ականներ
Ռեժիսոր Gil Kenan[2][1][3][4][5][6]
Սցենարիստ Dan Harmon[2][6] և Rob Schrab[2][6]
Հնչյունավորում Միտչել Մուսո[7][6], Sam Lerner[7][6], Սպենսր Լոկ[7][6], Սթիվ Բուշեմի[7][2][1][6], Նիք Քենոն[7][2][8][6], Մեգի Ջիլենհոլ[7][2][1][6], Քևին Ջեյմս[7][2][6], Ջեյսոն Լի[7][2][6], Քեթրին Օ’Հարա, Քեթլին Թըրներ և Fred Willard
Պրոդյուսեր Ջեք Ռապկե[2] և Սթիվ Ստարկի[2]
Գործադիր պրոդյուսեր Ռոբերտ Զեմեկիս
Երաժշտություն Douglas Pipes
Երկիր Flag of the United States.svg ԱՄՆ
Լեզու անգլերեն
Ընկերություն Կոլումբիա Փիքչերս, ImageMovers, Amblin Entertainment և Relativity Media
Դիստրիբյուտոր InterCom
Տևողություն 91 րոպե
Թվական 2006, օգոստոսի 24, 2006[9] և հուլիսի 21, 2006
Առաջադրում Օսկար լավագույն անիմացիոն լիամետրաժ ֆիլմի համար
Բյուջե 75 000 000 ԱՄՆ դոլար
Շահույթ 140 175 006 ԱՄՆ դոլար
sonypictures.com/homevideo/monsterhouse/

«Հրեշ տունը» (անգլ.՝ Monster House), ամերիկյան մուլտիպլիկացիոն ֆիլմ[10][11], նկարահանվել է 2006 թվականին ռեժիսոր Գիլ Կինանի կողմից: Պրոդյուսերներն են Ռոբերտ Զեմեկիսը և Սթիվեն Սփիլբերգը: Գլխավոր դերերը հնչյունավորել են Միտչել Մուսոն, Սեմ Լերները, Սպենսր Լոկը, Սթիվ Բուշեմին, Մեգի Ջիլենհոլը և Քեթլին Թըրները[12]:

Մուլտֆիլմի խորատակն է՝ «There Goes The Neighborhood»:

Սյուժե[խմբագրել | խմբագրել կոդը]

Դեռահաս Դի Ջեյ Ուոլտերսի ծնողները արձակուրդներին մեկնում են քաղաքից դուրս, իսկ Դի Ջեյը տանը մնում է դայակի հետ: Նրա ընկերոջ՝ Զագլոտիշի գնդակը ընկել էր դիմացի տան սիզամարգի վրա: Բոլորին հայտնի էր, որ տանտերը՝ պարոն Նեբբերկրյակերը, իրեն էր պահում այն ամենը, ինչն ընկնում էր այդ սիզամարգի վրա: Գնդակը վերադարձնելու փորձերը հանգեցնում են տանտիրոջ հետ տղայի հանդիպմանը: Տանտերն այնպես է բարկանում նրա վրա, որ ինֆարկտ է ստանում, և նրան տեղափոխում են հիվանդանոց:

Տունը շարունակում է ապրել իր կյանքով: Շուտով ընկերները տեսնում են, թե ինչպես է տունը փորձում ուտել Ջեննիին: Նրանց հաջողվում է փրկել աղջկան և սկսում են հետևել տանը՝ փորձելով բացահայտել, թե ինչ գաղտնիք է թաքնված նրանում։

Երեքով նրանք փորձում են դիմադրել հրեշ տանը, քանի որ առջևում Հելոուին էր: Երեխաները հուսահատ փորձեր են անում տունը վնասազերծելու նպատակով, բայց ամեն ինչ ապարդյուն էր:

Հիվանդանոցից վերադառնում է պարոն Նեբբերկրյակերը։ Նա պատմում է երեխաներին, որ տունը համակված է իր մահացած կնոջ՝ Կոնստանցիայի հոգով, ով մահացել է շատ տարիներ առաջ դժբախտ պատահարի արդյունքում: Մի ժամանակ Կոնստանցիան ելույթ էր ունենում կրկեսում, և նա «հրաշք» էր՝ «տան մեծությամբ կին», ում երեխաները միշտ ծաղրում էին, ինչի պատճառով նա ատում էր երեխաներին և վրեժ լուծում։ Դրան հաջորդում են Նեբբերկրյակերի հիշողությունները։ Նեբբերկրյակերը և Կոնստանցիան անապատում սկսում են տուն կառուցել: Հանկարծ թփերի հետևից երեխաներ են դուրս գալիս և հում ձվեր նետում Կոնստանցիայի վրա: Նա բարկանում է և գործի դնում բետոնախառնիչի լծակը, սակայն ընկնում է բետոնի համար նախատեսված փոսի մեջ: Հսկա գուռից բետոնը թափվում է և լցվում փոսի մեջ: Պարզվում է, որ իր սիզամարգից ուրիշի իրերը գողացող ծերուկի չար կերպարը ուղղակի դիմակ է։ Նեբբերկրյակերը գիտակցելով, որ կինն ատում է երեխաներին, ձևացնում է, որ ինքն էլ է ատում, որպեսզի պաշտպանի նրանց:

Ինչ-որ մի պահի տունը դուրս է գալիս վերահսկողությունից և սկսում հետապնդել Դի Ջեյին, Զագալոտիշին և Ջեննիին: Պարոն Նեբբերկրյակերը փորձում է հանգստացնել Կոնստանցիային, բայց չի ստացվում: Այդ ժամանակ բոլորով որոշում են վերացնել տունը, որպեսզի Կոնստանցիայի հոգին ազատեն: Պարոն Նեբբերկրյակերը փորձում է պայթեցնել տունը, բայց չի ստացվում: Տունը նրան նետում է գետնին: Պարոն Նեբբերկրյակերը պայթուցիկը տալիս է Դի Ջեյին, և վերջինս վազում է դեպի կռունկը, որպեսզի պայթուցիկը գցի խողովակի մեջ: Միևնույն ժամանակ Զագլոտիշը փորձում է կանգնեցնել տունը բուլդոզերի օգնությամբ, բայց նրան չի հաջողվում։ Տունը մասերի է բաժանվում, իսկ Զագլոտիշի բախտը բերում է: Նա հասկանում է, որ տունը փլվել է և ուրախությամբ ասում է, որ հաղթել է հրեշին, սակայն, քանի որ ծխնելույզը, որը տանում դեպի հրեշի սիրտը, ոչնչացված չէր, տան բեկորները հավաքում են, և տունը նորից կառուցվում է: Արդյունքում տունը պոկում է շերեփը և կուլ տալիս բուլդոզերը: Զագլոտիշը հրաշքով փրկվում է մահվանից: Բարձրանալով կռունկի վրա՝ Դի Ջեյը վախենում է վայր ընկնել, և այդ ժամանակ Ջեննին համբուրում է նրան: Դա քաջալելում է Դի Ջեյին, և նա, ուժերը հավաքելով, պայթուցիկը նետում է խողովակի մեջ: Տունը պայթում է, իսկ առաջացած ծխի արդյունքում հայտնվում է Կոնստանցիայի հոգին: Նեբբերկրյակերը վերջին անգամ բռնում է Կոնստանցիայի ձեռքը, և նրա հոգին չքանում է:

Մուլտֆիլմի ավարտին տան տեղում առաջացած փորվածքից դուրս է գալիս մի տղա, ում տունը ավելի շուտ կուլ էր տվել, իսկ պարոն Նեբբերկրյակերը երեխաներին է վերադարձնում իրենց իրերը:

Դերերի հնչյունավորում[խմբագրել | խմբագրել կոդը]

Annie Awards Monster House crew adjusted

Ռուսական կրկնօրինակում[խմբագրել | խմբագրել կոդը]

  • Բորիս Ուլիտին - պարոն Նեբբերկրյակեր
  • Վալերի Սոլովյով - հայր
  • Ելիզավետա Զախարովա - Ջեննի
  • Ալեքսեյ Գուրև - սպա Լենդերս
  • Ալեքսանդր Մաշանով - սպա Լիստեր

Ֆիլմը կրկնօրինակվել է 2006 թվականին «Невафильм» ընկերության կողմից:

  • Կրկնօրինակման ռեժիսոր - Գալենա Պիրոգովա
  • Հնչյունային օպերատոր - Տատյանա Գոժիկովա, Սվետլանա Իվանովա

Պարգևներ և անվանակարգեր[խմբագրել | խմբագրել կոդը]

Մուլտֆիլմն արժանացել է 1 մրցանակի և առաջադրվել 16 անվանակարգում՝ առանց հաղթանակի[13][14]:

Մուլտֆիլմը ներկայացվել է հետևյալ անվանակարգերում.

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 http://stopklatka.pl/film/straszny-dom
  2. 2,0 2,1 2,2 2,3 2,4 2,5 2,6 2,7 2,8 2,9 https://itunes.apple.com/movie/monster-house/id277049127
  3. http://www.allocine.fr/film/fichefilm_gen_cfilm=61645.html
  4. http://www.imdb.com/title/tt0385880/
  5. http://www.bbfc.co.uk/releases/monster-house-2006-0
  6. 6,00 6,01 6,02 6,03 6,04 6,05 6,06 6,07 6,08 6,09 6,10 https://www.siamzone.com/movie/m/4164
  7. 7,0 7,1 7,2 7,3 7,4 7,5 7,6 7,7 http://www.imdb.com/title/tt0385880/fullcredits
  8. http://stopklatka.pl/film/straszny-domhttps://www.siamzone.com/movie/m/4164
  9. Person Profile // Internet Movie Database — 1990.
  10. De Semlyen, Phil (September 24, 2010). "10 Horror Movies For Kids (Big And Small)". Empire. Retrieved August 29, 2015. But then this is a kids’ horror...
  11. Daly, Steve (July 26, 2006). "A chat with Monster House director Gil Kenan". Entertainment Weekly. Retrieved August 29, 2015. I can’t imagine a better natural setting for a horror film than adolescence.
  12. McCarthy, Todd (July 4, 2006). "Review: 'Monster House'". Variety. Retrieved January 22, 2017.
  13. Monster House (2006) — Awards and Nominations. IMDb.com
  14. «The 79th Academy Awards (2007) Nominees and Winners»։ Academy of Motion Picture Arts and Sciences։ Վերցված է March 2, 2012 
  15. Ball Ryan (December 14, 2006)։ «Golden Globes Favor Cars, Happy Feet, Monster House»։ Animation Magazine։ Վերցված է June 14, 2013 

Արտաքին հղումներ[խմբագրել | խմբագրել կոդը]