Հրաչյա Պետիկյան
| Հրաչյա Պետիկյան | |
|---|---|
 | |
| Անձնական տեղեկություն | |
| Սեռ` | արական |
| Ազգություն` | հայ |
| Մասնագիտացում` | սպորտային հրաձիգ |
| Երկիր` |  Հայաստան |
| Ծննդյան ամսաթիվ` | հունվարի 23, 1960 (60 տարեկան) |
| Ծննդավայր` |  Երևան, Հայկական ԽՍՀ |
Հրաչյա Վահանի Պետիկյան (ծն. 23 փետրվարի, 1960, Երևան, Հայկական ԽՍՀ), խորհրդային և հայ հրաձիգ, ԽՍՀՄ և Եվրոպայի բազմակի չեմպիոն, աշխարհի քառակի և օլիմպիական չեմպիոն (1992), ԽՍՀՄ սպորտի վաստակավոր վարպետ։
Կենսագրություն[խմբագրել | խմբագրել կոդը]
Հրաչյա Պետիկյանը սկսել է զբաղվել Երևանի քաղաքային մարզա-հրաձգային ակումբում՝ Հայաստանի վաստակավոր մարզիչ Ռոբերտ Հակոբյանի ղեկավարությամբ։ Երկար տարիներ եղել է ԽՍՀՄ հավաքականի անդամ, անհատական և թիմային մրցումներում դարձել է Եվրոպայի և աշխարհի չեմպիոն։
1992 թվականին Բարսելոնայի Օլիմպիական խաղերում Հայաստանը ներկայացրել է Միասնական թիմի կազմում։ Օլիմպիական խաղերի բացման արարողության ժամանակ նրան է վստահվել Հայաստանի դրոշը դուրս բերելու պատիվը։ Առավել հաջող է հանդես եկել 50 մետր տարածության վրա 3 դիրքերից հրացանով կրակելու մրցումներում, որոնք հաղթել է՝ սահմանելով օլիմպիական ռեկորդ։
Հետագայում եղել է Հայաստանի հավաքականի անդամ, մասնակցել է Ատլանտայի Օլիմպիական խաղերին։ 1977 թվականին ղեկավարել է Հայաստանի հրաձգության ֆեդերացիան, ինչպես նաև այդ մարզաձևի մանկա-պատանեկան մարզադպրոցը։ 2007 թվականին Հրաչյա Պետիկյանը մասնակցել է Համահայկական 4-րդ խաղերի կրակը վառելու արարողությանը[1]։