Հրաձգություն Չարլսթոնում

Վիքիպեդիայից՝ ազատ հանրագիտարանից
Jump to navigation Jump to search
Հրաձգություն Չարլսթոնում
The steeple of Emanuel African Methodist Church, Charleston, SC.jpg
ԱՖրիկյան մեթոդիստական եպիսկոպոսական Էմանուել եկեղեցու
Տեսակհրաձգություն
ԵրկիրԱմերիկայի Միացյալ Նահանգներ
Հարավային Կարոլինա, Չարլսթոն
ՏեղադրանքEmanuel African Methodist Episcopal Church?
Տարեթիվ2015 թվականի հունիսի 17-ին
ԶենքGlock 41?
Զոհվածներ9
Վիրավորներ1
ԿասկածյալԴիլան Ռուֆ

Հրաձգություն Չարլսթոնում՝ 2015 թվականի հունիսի 17-ին 21-ամյա ամերիկացի Դիլան Ռուֆի հարձակումը աֆրիկյան մեթոդիստական եպիսկոպոսական Էմանուել եկեղեցու վրա, որը գտնվում է քաղաքի պատմական կենտրոնում։ Հրաձգության հետևանքով զոհվել է 9 մարդ, մեկը վիրավորվել է, բոլոր սպանվածները և տուժածները աֆրոամերիկացիներ էին։

Իրադարձությունների ընթացք[խմբագրել | խմբագրել կոդը]

2015 թվականի հունիսի 17-ի երեկոյան 21-ամյա Դիլան Ռուֆն ավտոմեքենայով գնացել է աֆրիկյան Էմանուել եպիսկոպոսական եկեղեցի, որտեղ այդ պահին տեղի էր ունենում Աստվածաշնչի ուսումնասիրման շաբաթական պարապմունքներ և դրանց ներկա էր եղել մոտ մեկ ժամ՝ հովվի կողքին։ Ինչ-որ պահի նա բարձրացել է իր տեղից՝ «Ես պետք է անեմ դա։ Դուք բռնաբարում եք մեր կանանց և ցանկանում եք գրավել մեր երկիրը։ Ձեզանից պետք է ազատվել»[1], ապա 45 տրամաչափի[2] Glock 41 ատրճանակից[3] կրակ է բացել ծխականների վրա, որից հետո թաքնվել է[4]։

Տեղական ժամանակով մոտ 21։05-ին քաղաքի ոստիկանությունը ահազանգ է ստացել հրաձգության մասին[5][6][7]։ Ոստիկանությունը խնդրել է մոտակա տների բնակիչներին լքել շենքերը, դեպքի վայրին հարող փողոցները փակվել են, հայտարարվել է նաև պայթյունի վտանգ[8]։

Կասկածյալ[խմբագրել | խմբագրել կոդը]

Կասկածյալ Դիլան Սթորմ Ռուֆը (անգլ.՝ Dylann Storm Roof), ծնվել է 1994 թվականի ապրիլի 3-ին[4], տեսահսկման խցիկը ֆիքսել է այն պահը, երբ նա մտել է եկեղեցի[7]։ Ռուֆը ձերբակալվել է Շելբի քաղաքում (Հյուսիսային Կարոլինա նահանգ)[9], ձերբակալության ժամանակ նա դիմադրություն չի ցուցաբերել ոստիկաններին[10]։

ԶԼՄ-ների տեղեկություններով՝ Ռուֆը երկու անգամ ձերբակալվել է։ 2015 թվականի հունվարին նրան կալանավորել էին Կոլումբիայի առևտրի կենտրոններից մեկում՝ նրա տարօրինակ վարքի պատճառով, նա կասկածվում էր «սուբոկսոն» թմրանյութի օգտագործման մեջ, և նրան արգելվել էր մեկ տարվա ընթացքում այցելել այդ առևտրի կենտրոնը։ Սակայն արդեն ապրիլին նա կրկին վերադարձել է առևտրի կենտրոն, որից հետո արգելքը երկարացվել է երկու տարով։ Դիլանի դասընկերները հաստատել են, որ նա ավելի ծանր թմրանյութեր է օգտագործել, քան մարիխուանան է, մասնավորապես՝ Xanax տրանկվիլիզատորը[1][11]։

Կասկածյալի ծանոթ Դալթոն Թայլերի խոսքով՝ Ռուֆը ռասայական սեգրեգացիայի կողմնակից էր և ասում էր, որ ցանկանում է ԱՄՆ-ում քաղաքացիական պատերազմ սանձազերծել, իսկ հետո ինքնասպան լինել[11]։ Ռուֆի հորեղբայր Քարսոն Քոուլզը Reuters-ին հայտնել է, որ Դիլանը խորապես ներփակված է եղել ինքն իր մեջ։ 19 տարեկանում նա ո՛չ աշխատանք, ո՛չ վարորդական իրավունք ուներ, ժամանակի մեծ մասը նա փակվում էր իր սենյակում։ Քոուլզը նաև պատմել է, որ 45 տրամաչափի ատրճանակը երիտասարդը նվեր էր ստացել հորից[2]։

New York Times թերթը հայտնել է, որ Ռուֆի անունով ինտերնետ-կայք է գրանցված, որտեղ տեղադրված է ռասիստական բովանդակությամբ 2500 բառանոց մանիֆեստ։ Կայքում հրապարակված են եղել նաև լուսանկարներ, որտեղ հրաձիգը պատկերված է ստրուկների մոմե ֆիգուրներով, զենքով, 14/88[12] նեոնացիստական կարգախոսով։ Կայքի դոմենը գրանցված է ռուսական գրանցման REG.RU ծառայության կողմից[13]։

Զոհեր և վիրավորներ[խմբագրել | խմբագրել կոդը]

Հարձակման զոհ են դարձել վեց կին և երեք տղամարդ[14]։ Ութ մարդ տեղում մահացել է, երկու մարդ հոսպիտալացվել է, ավելի ուշ տուժածներից մեկը մահացել է ստացված վնասվածքից[15]։ Զոհվածների թվում են ԱՄՆ-ի Հարավային Կարոլինա նահանգի սենատի անդամ, հովիվ Կլեմենտա Փինկնին[5][16]։

Հետաքննություն և դատ[խմբագրել | խմբագրել կոդը]

Եկեղեցու հրաձգության գործով նախնական լսումները սկսվել են 2015 թվականի հունիսի 19-ին։ Ռուֆի նկատմամբ մեղադրանքներ են առաջադրվել 33 կետով, այդ թվում՝ ռասայական ատելության հողի վրա սպանություն[17]։ Նա պահվել է կալանքի տակ։ Դատարանը նաև գրավ է սահմանել ապօրինի զենք կիրառելու մեղադրանքով[18]։

Ռուֆի դատավարությունը պետք է սկսվեր 2015 թվականի նոյեմբերին՝ մեղադրանքների նախնական առաջադրումից 70 օր անց, սակայն դատարանը փաստաբանների և դատախազների խնդրանքներով երեք անգամ հետաձգել է լսումների սկիզբը[17]։

Արձագանք[խմբագրել | խմբագրել կոդը]

ՄԱԿ-ի գլխավոր քարտուղար Բան Կի Մունը ցավակցություն է հայտնել զոհվածների ընտանիքներին և տեղի ունեցածը համարել ռասայական դրդապատճառներով կատարված հանցագործություն[19]։

ԱՄՆ նախագահ Բարաք Օբաման կոչ է արել երկրի քաղաքացիներին վերաիմաստավորել զենք կրելու իրենց հայացքները[20]՝

Եկեք ազնիվ լինենք՝ մենք պետք է գիտակցենք, որ նման բռնություններ տեղի չեն ունենում այլ առաջադեմ երկրներում։ <...> Մենք գիտենք, որ կրկին անմեղ մարդիկ մահացան, մասամբ այն պատճառով, որ այն մարդը, ով ցանկանում էր վնաս հասցնել, առանց խնդիրների զենք է ձեռք բերել։

Տեղի ունեցածի որակավորում[խմբագրել | խմբագրել կոդը]

ԱՄՆ արդարադատության նախարարությունը տեղի ունեցածը դիտարկվեց որպես ահաբեկչական գործողություն[21], սակայն հետաքննությունների դաշնային բյուրոյում եկեղեցու վրա հարձակումը ահաբեկչություն չհամարեցին։ Իր հայտարարության մեջ ՀԴԲ տնօրեն Ջեյմս Քոմին հայտարարել է[22]՝

Ահաբեկչությունը բռնության ակտ է, որը կատարվում կամ հայտարարվում է որպես սպառնալիք հանրային իշխանության մարմինների կամ քաղաքացիների վրա ազդելու նպատակով, այսինքն՝ ավելի շուտ դա քաղաքական ակտ է։ Հաշվի առնելով այն հանգամանքը, որ ինձ հայտնի է, ես այն, տեղի է ունեցել Չարլսթոնում, չեմ դիտարկում որպես քաղաքական ակտ։ Սակայն դա տեղի ունեցածը ոչ պակաս սարսափելի չի դարձնում։

Հետևանքներ[խմբագրել | խմբագրել կոդը]

Լուսանկարներից մեկում, որը Ռուֆը հրապարակել է իր ինտերնետային կայքում, նա նկարվել էր Համադաշնության դրոշի ֆոնին, որից հետո հասարակայնությունն ընդվզեց Ամերիկայի Համադաշնային Նահանգների բանակի այդ խորհրդանիշի դեմ։ Ալաբամայում իշխանությունների կարգադրությամբ հանվեցին չորս նման դրոշներ, որոնք զարդարում էին ԱՀՄ–ի բանակի զոհված զինվորների հիշատակը, Վիրջինիայի նահանգապետ Թերրի Մակոլիֆը կարգադրեց նահանգում փոխարինել Կոնֆեդերացիայի խորհրդանիշով զարդարված բոլոր ավտոմոբիլային համարները, Միսիսիպիում սենատորները պահանջեցին այն հեռացնել նահանգի դրոշից[23]։

2015 թվականի օգոստոսի 26-ին Վիրջինիայում տեղի ունեցավ WDBJ7 հեռուստաալիքի լրագրողներ Էլիսոն Փարքերի և Ադամ Ուորդի սպանությունը։ Մարդասպանը՝ Լլի Վեստեր Ֆլենագանը, ով ավելի ուշ ինքնասպան եղավ, հանցագործության կատարումից մի քանի ժամ առաջ ֆաքսով ABC News հեռուստաալիքի խմբագրություն էր ուղարկել 23 էջանոց մանիֆեստ, որում հայտնել էր, որ իր արարքը արձագանքն է եղել Չարլսթոնում տեղի ունեցածին[24]։

Ծանոթագրություններ[խմբագրել | խմբագրել կոդը]

  1. 1,0 1,1 Алексей Богдановский (2015-06-18)։ «Подозреваемый в ЧП в Чарлстоне мог быть членом расистской группировки» (ռուսերեն)։ РИА Новости 
  2. 2,0 2,1 «В США полиция захватила подозреваемого в убийстве девяти человек» (ռուսերեն)։ Радио Свобода։ 2015-06-18 
  3. «Charleston church shooting: Who is Dylann Roof?»։ CNN։ June 19, 2015։ Վերցված է June 19, 2015 
  4. 4,0 4,1 «Полиция США задержала подозреваемого в стрельбе в церкви Чарльстона» (ռուսերեն)։ РБК։ 2015-06-18 
  5. 5,0 5,1 «Член сената штата Южная Каролина погиб в результате стрельбы в Чарльстоне» (ռուսերեն)։ ТАСС։ 2015-06-18 
  6. Staff (18 June 2015)։ «Nine shot, multiple fatalities reported in downtown church shooting» (անգլերեն)։ The Post and Courier։ Վերցված է 18 June 2015 
  7. 7,0 7,1 «Подозреваемый в расстреле прихожан в Чарльстоне находился в церкви в течение часа» (ռուսերեն)։ ТАСС։ 2015-06-18 
  8. «СМИ: на месте стрельбы в церкви в США ищут бомбу» (ռուսերեն)։ РИА Новости։ 2015-06-18 
  9. «Everything Known About Charleston Church Shooting Suspect Dylann Roff»։ The Daily Beast (անգլերեն)։ June 18, 2015 
  10. «Возможный "стрелок" в Чарлстоне был один и не сопротивлялся аресту» (ռուսերեն)։ РИА Новости։ 2015-06-18 
  11. 11,0 11,1 «Подозреваемый в стрельбе в церкви в Чарлстоне планировал преступление полгода» (ռուսերեն)։ Lenta.ru։ 2015-06-16 
  12. Dylann Roof: The Charleston shooter's racist manifesto
  13. «СМИ: стрелок из Чарлстона регистрировал сайт в РФ, чтобы скрыть данные» (ռուսերեն)։ РИА Новости։ 2015-06-20 
  14. «ФБР начало расследование стрельбы в церкви в Чарлстоне» (ռուսերեն)։ Интерфакс։ 2015-06-18 
  15. «Стрельба в Чарлстоне: массовое убийство на почве ненависти» (ռուսերեն)։ РИА Новости։ 2015-06-18 
  16. «Полиция: девять человек погибли при стрельбе в Чарлстоне» (ռուսերեն)։ РИА Новости։ 2015-06-18 
  17. 17,0 17,1 Кирилл Волков (2015-12-01)։ «Суд над обвиняемым в убийстве девяти человек в церкви в США отложен в третий раз» (ռուսերեն)։ ТАСС 
  18. «Суд установил залог для стрелявшего в Чарлстоне в размере $1 миллиона» (ռուսերեն)։ РИА Новости։ 2015-06-19 
  19. Ольга Денисова (2015-06-18)։ «Генсек ООН назвал события в Чарлстоне убийством по расовым мотивам» (ռուսերեն)։ РИА Новости 
  20. Алексей Богдановский (2015-06-18)։ «Обама призвал американцев переосмыслить взгляды на ношение оружия» (ռուսերեն)։ РИА Новости 
  21. «Минюст США назвал убийство 9 человек в Южной Каролине терактом» (ռուսերեն)։ РИА Новости։ 2015-06-18 
  22. Сергей Хаботин (2015-06-20)։ «ФБР не считает трагедию в церкви в Чарльстоне терактом» (ռուսերեն)։ ТАСС 
  23. Алексей Куприянов (2015-07-03)։ «Второй разгром Конфедерации» (ռուսերեն)։ Lenta.ru 
  24. «Убийца журналистов объяснил поступок местью за стрельбу в Чарльстоне» (ռուսերեն)։ РИА Новости։ 2015-08-27