Հսկա (Marvel Comics)

Վիքիպեդիայից՝ ազատ հանրագիտարանից
Jump to navigation Jump to search
Հսկա
Montreal Comiccon 2015 - Colossus (19267529469).jpg
Հրատարակման պատմություն
ՀեղինակLen Wein?
Դերակատար / ՁայնԴանիել Կադմոր և Ստեֆան Կապիչիչ
ԱշխարհMarvel Universe և Marvel-ի կինեմատոգրաֆիական տիեզերք
Ներկայացրած էGiant-Size X-Men?, Spider-Man and His Amazing Friends?, X-Men: Pryde of the X-Men?, Իքս Մարդիկ, Իքս Մարդիկ։ Էվոլյուցիա, Կուղխը և Իքս Մարդիկ, Marvel Disk Wars: The Avengers?, Իքս-մարդիկ 2, Իքս-մարդիկ։ Վերջին մարտը, Իքս-մարդիկ: Անցած ապագայի օրերը, Դեդփուլ, Դեդփուլ 2, Marvel: Ultimate Alliance? և Marvel vs. Capcom 2: New Age of Heroes
Անձնական տվյալներ
Ի ծնե անունռուս.՝ Пётр Николаевич Распутин
Տեսակմուտանտ, Սուպերհերոս, անիմացիոն կերպար, կինոհերոս և CGI character?
ԾննդավայրՍիբիր
Սեռարական
ՔաղաքացիությունFlag of the United States.svg ԱՄՆ
Զբաղմունքնկարիչ, ուսանող, ագարակապան և Սուպերհերոս
Թիմեր և կազմակերպություններ
Իքս մարդիկ, Excalibur?, Acolytes?, Պաշտպաններ և X-Force(deadpool Team)?
Հատուկ ուժեր և ունակություններ
գերմարդկային ուժ, գերմարդկային դիմացկություն և inorganic?

Հսկա (անգլ.՝ Colossus), իրական անուն՝ Պյոտր Նիկոլայևիչ Ռասպուտին (անգլ.՝ Piotr Nikolaievitch Rasputin), Marvel Comics տիեզերքում սուպերհերոսային կերպար: Ստեղծել են գրող Լեն Ուեյնը և նկարիչ Դեյվ Քոքրումը, առաջին անգամ հայտնվել է Giant-Size X-Men #1 համարի կոմիքսում (1975 թվականի մայիս): Ռուս մուտանտ է, Իքս մարդկանց թիմի անդամ և նրանց մեջ՝ ամենաուժեղ ֆիզիկական տվյալներ ունեցողը: Դեբյուտից հետո նա հաճախ է հայտնվել Իքս մարդկանց մասին կոմիքսներում: Տաղանդավոր նկարիչ է, չուզելով է օգտագործում իր ուժերը մարտի ժամանակ, զգալով, որ իր ուժերը հանուն հասարակ մարդկանց և մուտանտների բարօրության օգտագործելու պարտականություն ունի: Իքս մարդկանց մասին ֆիլմերում նրա դերը կատարել է Դանիել Կադմորը, իսկ Դեդփուլ ֆիլմում ՝ Գրեգ ԼաՍալը (հնչյունավորել է Ստեֆան Կապիչիչը):

Կենսագրություն[խմբագրել | խմբագրել կոդը]

Հսկան ծնվել է Ռուսաստանի Իրկուտսկի շրջանի Ուստ Օրդինսկ գյուղում, տեղակայված Բայկալ լճի ափին[1]: Հետո նրա ընտանիքը տեղափոխվում է Լենինգրադ: Պրոֆեսոր Իքսը գտնում է Հսկային՝ Ցերեբրոյի օգնությամբ և առաջարկում է նրան դառնալ Իքս մարդիկ թիմի անդամ, որը պետք է փրկեր գլխավոր հերոսներին՝ Կրակոա կղզուց: Հսկան համաձայնվում է: Առաքելությունից հետո նա մնում է թիմում: Ընկերություն է անում Կուղխի հետ և սիրում է Քիթի Փրայդին: Նա մահանում է Ժառանգության վիրուսից[2], իսկ հետո վերակենդանանում[3]:

Ultimate տարբերակ[խմբագրել | խմբագրել կոդը]

Պյոտր Ռասպուտինը ծնվել է Ուստ Օրդինսկում: Պյոտրի զարմանալի ունակությունները բավականին վաղ են հայտնվել: Մանկությունից սկսած նա աշխատում է օգնել իր ծնողներին: Իր յուրահատուկ ունակությունների մասին շատ արագ իմանում է ռուսական մաֆիան: Փոքր տղան առևանգվում է: Ցավոք սրտի, նրա ուժը բավակաչափ սահմանափակ է լինում: Ծառայում է որպես փորձարարական օբյեկտ «Բանշի» թմրանյութի հետազոտման համար, ինչի շնորհիվ էլ ստանում է մեծ ֆիզիկական հնարավորություններ: Ավելի ուշ ավազակները փոխանցում են նրան իրենց Ամերիկայի «բարեկամներին»: Այդպես փոքր Պյոտրը հայտնվում է Գերմանիայում

Նա ստիպված աշխատում է ռուս մաֆյոզների համար: Հսկան չի մոռանում իր ծնողներին և եղբայրներին, որոնք մնացել էին Ռուսաստանում և անընդհատ նրանց գումար է ուղարկում, որոնք նրան տալիս էին հանցագործները: Պրոֆեսոր Իքսը գտնում է Հսկային՝ Ցերեբրոյի միջոցով և առաջարկում նրան միանալ Իքս մարդկանց թիմին: Հսկան համաձայնվում է: Հանցագործները «Քինգփինի»` Մեծ Բորիսի ղեկավարությամբ, չեն ուզում բաց թողնել այդպիսի յուրօրինակ մարտիկի, ինչպիսին Հսկան է: Սակայն Կուղխը և Կիկլոպը չափավորեցնում են նրանց խանդավառությունը և «համոզում» են նրանց Պյոտրին հանգիստ թողնել: Քսավյեր դպրոցում գտնվելու ժամանակ՝ Պյոտրը ցուցադրում է իրեն որպես փակ և անխոս մարդ: Շատ քիչ է շփվում այլ Իքս մարդկանց հետ և միշտ հեռու է իրեն պահում: Հետո պարզվում է, որ Հսկան ֆիզիկապես կախված է մուտանտային ուժերը հզորացնող դեղամիջոցից, առանց այդ դեղամիջոցը ընդունելու նրա ուժերը քչանում են, որից հետո նույնիսկ չի կարողանում բարձրացնել սեփական ձեռքերը «պողպատյա» վիճակում:

Ուլտիմատումից հետո, Ջին Գրեյը, տելեպատիայի օգնությամբ տեսնում է Հսկային և Փոթորիկին գիտական լաբորատորիայում՝ աֆեկտի ազդեցության տակ:

Ուժեր և ունակություններ[խմբագրել | խմբագրել կոդը]

Հսկան կարող է տրանսֆորմացիայի ենթարկել սեփական մարմինը՝ դարձնելով այն յուօրինակ օրգանական պողպատից: Պողպատյա Հսկան կարող է բարձրացնել մինչև 200 տոննա քաշ, շատ դիմացկուն է, չունի սննդի, ջրի և օդի կարիք և կարող է դիմանալ շատ բարձր ջերմության: Հսկայի պողպատյա վիճակը և հակառակ տրանսֆորմացիան տեղի է ունենում նրա կամքով: Սակայն եթե Հսկան կորցնում է գիտակցությունը, նա միանգամից դառնում է սովորական մարդ և դա նրան խոցելի է դարձնում: Եթե նրան վնասում են և նա դարձնում է իր մաշկը պողպատից, վերքը շատ արագ է անհետանում և բացի այդ դա նաև կանգնեցնում է արյունահոսությունը:

«Բացարձակ վախի» ժամանակ ուժեր է ստանում Սիտորակից և նրա ուժերը բարձրանում են Ջագերնաութի ուժերի մակարդակին:

Կոմիքսներից դուրս[խմբագրել | խմբագրել կոդը]

Ֆիլմեր[խմբագրել | խմբագրել կոդը]

  • «Իքս մարդիկ» ֆիլմում Հսկան ունի կարճ կամեո դեր որպես դպրոցի ուսանող:
  • 2004 թվականի «Իքս մարդիկ 2» ֆիլմում Հսկայի դերը կատարել է Դանիել Կադմորը: Երբ դպրոցը հարձակման է ենթարկվում, փրկում է Սիրենային և տանում է փոքր դպրոցականներին անվտանգ վայր: Կուղխին օգնություն է առաջարկում, բայց Լոգանը նրան ասում է, որ նա հոգ տանի աշակերտների համար: Ֆիլմում Հսկան ունի ռուսական ակցենտ և քիչ է խոսում:
  • Կադմորը կատարել է Հսկայի դերը «Իքս մարդիկ: Վերջին մարտը» ֆիլմում: Անունը փոխվում է Պյոտր Ռասպուտինի անվամբ (սակայն ֆիլմի պաշտոնական կայքում նրա կեղծանունն է): Վախի սենյակում Կուղխին նետում է Պահակների վրա և ոչնչացնում թշնամուն: Նաև միանում է մյուս Իքս մարդկանց՝ Ալկատրասում Մագնետոյի դեմ պայքարի ժամանակ: Վախի սենյակի տեսարանի նման, նետում է Կուղխին Մագնետոյի վրա, որպեսզի չարագործը շեղվի Լոգանի վրա և չնկատի Գազանին, որը և ներարկում է մուտացիայի դեղը Մագնետոյին: Չնայած նրան, որ Հսկան այստեղ ունի շատ տեսարաններ, քան այլ մասերում, այստեղ շատ քիչ է խոսում:
  • Իքս մարդիկ: Անցած ապագայի օրերը» ֆիլմում Պյոտրը ապագայում միանում է մուտանտների հակամարտությանը և մահանում է, երբ նրան պահակները բաժանում են երկու մասի: Բայց Կուղխը փոխում է ապագան և բոլորը, ներառյալ նաև Հսկան ողջ են մնում: Հսկայի դերը նորից կատարում է Դանիել Կադմորը:
  • Հսկան Անդրե Տրիկոտեի կատարմամբ հայտնվում է նաև Դեդփուլ ֆիլմում: Կերպարը հնչյունավորում է Ստեֆան Կապիչիչը: Հսկան Անդրե Տրիկոտեի դերակատարմամբ ավելի նման է ստացվել կոմիքսներում՝ մուտանտի կերպարին, քան Իքս մարդկանց մասին ֆիլմերում, սակայն այստեղ նա ամբողջ ժամանակ ներկայացված է իր պողպատյա տեսքով, նույնիսկ Քսավյերի ամառանոցում քայլում է օրգանիկ զրահով: Հսկան հանդես է գալիս որպես շատ ճիշտ և կարգապահ, նույնիսկ չափից դուրս զգայուն կերպար:
  • Ստեֆան Կապիչիչը վերադառնում է Հսկայի դերին «Դեդփուլ 2» ֆիլմում: Այս ֆիլմում նույնպես ներկայացված է որպես "ճիշտ" կերպար: Սակայն, Դեդփուլին փրկելուց հետո երևում է, որ որոշել է "խախտել կանոնները":

Մուլտսերիալ[խմբագրել | խմբագրել կոդը]

  • Հսկան հայտնվել է «Իքս մարդկանց հպարտությունը» մուլտսերիալում (պիլոտային էպիզոդ): Նա Իքս մարդկանց անդամ է:
  • Հսկան հայտնվել է «Իքս մարդիկ» մուլտսերիալում: Հայտնվում է երկու սերիայում: Մեկում օգնում է Իքս մարդկանց Ջագերնաութի, մյուսում Կարմիր Օմեգայի դեմ պայքարում: Նա լավ հարաբերությունների մեջ է Ջուբիլիի հետ:
  • «Իքս մարդիկ: Էվոլյուցիա» մուլտսերիալում: Նա աշխատում է Մագնետոյի համար, քանի որ նա սպառնում էր նրա ընտանիքին: Մեկնում է Ռուսաստան, որտեղ իմանում է, որ Մագնետոն մահացել է: Վերջին սերիայում միանում է Իքս մարդկանց Ապոկալիպսիսի դեմ մարտում:
  • Հսկան հայտնվել է «Կուղխ և Իքս մարդիկ» մուլտսերիալում: Առաջին սերիայում հայտնվում է որպես Իքս մարդկանց թիմի անդամ: Պրոֆեսորի անհայտանալուց և թիմի բաժանումից հետո վերադառնում է տուն՝ Ռուսաստան: Հետո Գազանը նրան հետ է կանչում, բայց նա հրաժարվում է:

Վիդեոխաղեր[խմբագրել | խմբագրել կոդը]

  • Խաղային կերպար է «X-Men: Children of the Atom» խաղում:
  • «X2: Wolverine\'s Revenge» խաղում ներկա է որպես ոչ խաղային կերպար:
  • Հայտնվում է «X-Men Legends» և «X-Men Legends II: Rise of Apocalypse» խաղերում որպես խաղային կերպար:
  • «X-Men: The Official Game» խաղում հանդիպում է Գիշերային օձի համար առաքելություններից մեկի ժամանակ: Համաձայն կոմիքսների, Հսկան ունակ է հստակ աստիճանի դիմակայել էլեկտրականությանը, բայց խաղում նրան հեշտությամբ վնասում են էլեկտրական նիզակներով զինված զինվորները:
  • «Marvel: Ultimate Alliance» խաղում հանդիսանում է էքսկլյուզիվ կերպար DLC PlayStation 3, Xbox 360 և Wii տարբերակների համար: Մռայլ Հսկան խաղի վերջին փուլերի բղեկավարներից մեկն է Բժիշկ Դումի աշտարակում:
  • Որպես խաղային կերպար հայտնվում է MMORPGMarvel Heroes խաղում:
  • Lego Marvel Super Heroes խաղում ըստ սյուժեի շատ մասնակի է հայտնվում (փուլերից մեկում՝ Ջագերնաութի դեմ պայքարի ժամանակ): Խաղային կերպար է ազատ խաղում և հանդիսանում է մեծ LEGO-կերպարներից մեկը (Արարածի և Հալկի նման):
  • Խաղային կերպար է Marvel Contest of champions խաղում:
  • Խաղային կերպար է Marvel Future Fight խաղում:

Ծանոթագրություններ[խմբագրել | խմբագրել կոդը]

  1. «Colossus (Piotr Rasputin) - Marvel Universe Wiki: The definitive online source for Marvel super hero bios.» (անգլերեն)։ marvel.com։ Վերցված է 2018-04-27 
  2. Uncanny X-Men #390
  3. Astonishing X-Men #4

Արտաքին հղումներ[խմբագրել | խմբագրել կոդը]