Հովհաննես Կլիմակոս (հուն․՝ Ἰωάννης τῆς Κλίμακος, նաև հայտնի է որպես Հովհաննես Սանդուղք, Հովհաննես Սքոլաստիկոս և Հովհաննես Սինայեցի, մոտ 579, Սիրիա - մոտ 649, Սինայ, Հարավային Սինայ, Եգիպտոս), 7-րդ դարի քրիստոնեական աստվածաբան, փիլիսոփա, Սինայ լեռան վրա գտնվող Սուրբ Եկատերինայի վանքի վանահայր։ Նա պաշտվում է որպես սուրբ՝ Հռոմի կաթոլիկ, Հույն և արևելյան «ուղղափառ» եկեղեցիների կողմից։ Առավելապես հայտնի է որպես «Սանդուղք» երկի հեղինակ, որտեղ նա խտացված կերպով ներկայացնում է եգիպտական վանքերի հոգևոր և ասկետիկ ավանդույթները։ Այն նաև համարվում է քրիստոնեական բարոյական կատարելության հասնելու ուղեցույց։ Սկզբնապես գրված լինելով հարևան մենաստանի վանականների համար՝ «Սանդուղքը» արագորեն դարձավ բյուզանդական հոգևոր գրականության առավել ընթերցվող և սիրված գրքերից մեկը։ Ներկայումս էլ այս գիրքը լայնորեն տարածված է ուղղափառ եկեղեցիների քրիստոնյաների շրջանում։ Այն հատկապես ընթերցվում է Մեծ Պահքի շրջանում՝ նախքան Զատիկը։
John Climacus Վիքիպահեստում
