Հմայակ Քոբուլով

Վիքիպեդիայից՝ ազատ հանրագիտարանից
Jump to navigation Jump to search
Հմայակ Քոբուլով
Ծնվել է1906
ԾննդավայրԹիֆլիս, Ռուսական կայսրություն
Մահացել էփետրվարի 26, 1955(1955-02-26)
Մահվան վայրՄոսկվա, ԽՍՀՄ
ՔաղաքացիությունFlag of the Soviet Union (1924–1955).svg ԽՍՀՄ
Մասնագիտությունդիվանագետ, պետական գործիչ և զինծառայող
Քաղաքական կուսակցությունԽՄԿԿ
Պարգևներ և
մրցանակներ
Կարմիր դրոշի շքանշան Կարմիր Աստղի շքանշան II աստիճանի Կուտուզովի շքանշան Աշխատանքային Կարմիր դրոշի շքանշան «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ Պետանվտանգության պատվավոր աշխատակից ՆԳՆ վաստակավոր աշխատակից Կարմիր դրոշի շքանշան Կարմիր դրոշի շքանշան և Կարմիր դրոշի շքանշան
Ստորագրություն
Amayak Kobulov Signature 1939.png

Հմայակ Զաքարի Քոբուլով (Կոբուլով, 1906, Թիֆլիս, Ռուսական կայսրություն - փետրվարի 26, 1955(1955-02-26), Մոսկվա, ԽՍՀՄ), Խորհրդային Միության պետանվտանգության 3-րդ կարգի կոմիսար (1943), գեներալ-լեյտենանտ (1945): ՀամԿ(բ)Կ անդամ 1932 թվականից:

Բոգդան Քոբուլովի եղբայրը:

Կենսագրություն[խմբագրել | խմբագրել կոդը]

Հմայակ Քոբուլովը ծնվել է 1906 թվականին, Թիֆլիսում: 1926 թվականին ավարտել է Անդրկովկասյան կոմունիստական բուհին առընթեր կոոպերատիվ դասընթացները: 1934-1939 թվականներին եղել է Աբխազիայի ԻԽՍՀ ներքին գործերի ժողովրդական կոմիսարիատի վարչության պետ, ներքին գործերի ժողկոմի պաշտոնակատար, Ուկրաինայի ՆԳ ժողկոմի առաջին տեղակալ, ժողկոմի պաշտոնակատար: 1939-1941 թվականներին՝ Գերմանիայում ԽՍՀՄ լիազոր ներկայացուցչության քարտուղար, առաջին խորհրդական, գլխավորել է Բեռլինում ԽՍՀՄ ներքին գործերի ժողովրդական կոմիսարիատի մշտական գործակալության ցանցը: 1941-1945 թվականներին՝ Ուզբեկստանի պետանվտանգության ժողկոմ, ՆԳ ժողկոմ. 1945-1950 թվականներին ԽՍՀՄ ներքին գործերի ժողովրդական կոմիսարիատի ռազմագերիների և ներկալվածների գործերով գլխավոր վարչության օպերատիվ բաժնի պետի առաջին տեղակալ, օպերատիվ վարչության պետ, միաժամանակ՝ ատոմային ռումբի վերաբերյալ հետախուզական տվյալների կորզման գծով պետի տեղակալ, 1950-1953 թվականներին՝ ճամբարների գլխավոր վարչության պետի առաջին տեղակալ, ռազմագերիների և ներկալվածների գործերով վարչության պետ, ՆԳՆ-ին առնթեր վերահսկողական տեսչության պետի տեղակալ, Գերմանիայում ՆԳՆ ներկայացուցիչ[1][2][3]:

Ձերբակալվել է 1953 թվականի հուլիսի 27-ին՝ Լ. Բերիայի հետ ունեցած մտերմության և նրա կամայականություններին աջակցելու համար: 1954 թվականի հոկտեմբերի 1-ին ԽՍՀՄ Գերագույն դատարանի զինվորական կոլեգիայի կողմից դատապարտվել է մահապատժի և գնդակահարվել[4]:

Մահ[խմբագրել | խմբագրել կոդը]

Հմայակ Քոբուլովը մահացել է 1955 թվականի փետրվարի 26-ին:

Պարգևներ[խմբագրել | խմբագրել կոդը]

  • Կարմիր դրոշի շքանշան (չորս) (1940, 1943, 1944, 1944)
  • Կուտուզովի 2-րդ աստիճանի շքանշան (1945),
  • Կարմիր դրոշի շքանշան (1942)
  • Կարմիր աստղի շքանշան (1944),
  • Մեդալներ
  • «Պետանվտանգության պատվավոր աշխատակից» նշան (1937)
  • «ՆԳՆ վաստակավոր աշխատակից» (1948): Դատարանի վճռով զրկվել է բոլոր պարգևներից ու կոչումներից[5]:

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 663:
  2. «Кобулов Амаяк Захарович»։ www.hrono.ru։ Վերցված է 2019-05-31 
  3. «Большие братья»։ old.memo.ru (ռուսերեն)։ Վերցված է 2019-05-31 
  4. «Краткие биографии и послужные списки руководящих работников НКВД»։ old.memo.ru։ Վերցված է 2019-05-31 
  5. «Приговор Военной коллегии Верховного суда СССР от 1 октября 1954 г. в отношении А. 3. Кобулова | Проект «Исторические Материалы»»։ istmat.info։ Վերցված է 2019-05-31 

Գրականություն[խմբագրել | խմբագրել կոդը]