Հարթ մրջյուն

Վիքիպեդիայից՝ ազատ հանրագիտարանից
Jump to navigation Jump to search
Հարթ մրջյուն
Գիտական դասակարգում
Թագավորություն Կենդանիներ
Բաժին Միջատներ
Ընտանիք Երկրաչափ թիթեռներ
Տեսակ Հարթ մրջյուն
Լատիներեն անվանում
Tetramorium levigatus


Հարթ մրջյուն (լատ.՝ Tetramorium levigatus), մրջյունների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

Մանր մրջյուններ են, որոնց աշխատավոր առանձնյակների մարմնի երկարությունը 1,8-2,2 մմ է։ Գունավորումը բաց դեղնադարչնագույն է, գլուխը և կուրծքը՝ շատ բաց գույնի, փորիկը՝ փոքր-ինչ մուգ[1]:

Տարածվածություն[խմբագրել | խմբագրել կոդը]

Տարածված են Անդրկովկասում և Թուրքմենստանի հարավում (Կոպետդաղի լեռներ): Հայաստանում հայտնի է միայն Սյունիքի մարզից (Մեղրի քաղաքի և Լեհվազ գյուղի շրջակայք)[1]:

Էկոլոգիա[խմբագրել | խմբագրել կոդը]

Ապրում են գիհու նոսրանտառներում` ծովի մակարդակից 2000-2500 մ բարձրություններում: Հասարակական միջատներ են, գաղութները կարող են պարունակել մի քանի հարյուր առանձնյակ: Բները պատրաստում են քարերի տակ: Սեռական առանձնյակները հայտնաբերվել են մրջնանոցում հունիս ամսին: Սնվում են անողնաշար կենդանիներով և նրանց դիերով[1]:

Պահպանություն[խմբագրել | խմբագրել կոդը]

Հանրապետությունում խիստ սահմանափակ արեալով հազվագյուտ տեսակ է: Բնության պահպանության միջազգային միության Կարմիր ցուցակի չափորոշիչներով գնահատվում է որպես կրիտիկական վիճակում գտնվող տեսակ:

Հայտնի են եզակի գաղութներ:

Թվաքանակի փոփոխության միտումները բացահայտված չեն:

Վտանգման հիմնական գործոնները պարզված չեն:

Պահպանվում է «Արևիկ» ազգային պարկում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6