Հարալդ Օսկար Սոհլբերգ

Վիքիպեդիայից՝ ազատ հանրագիտարանից
Jump to navigation Jump to search
Հարալդ Օսկար Սոհլբերգ
Sohlberg-selvportrett.jpg
Ծնվել էսեպտեմբերի 29, 1869(1869-09-29)[1][2]
ԾննդավայրՔրիստիանիա, Նորվեգիա
Վախճանվել էհունիսի 19, 1935(1935-06-19)[3][4][5][6][7][1][8][2] (65 տարեկանում)
Մահվան վայրՔրիստիանիա, Նորվեգիա
ՔաղաքացիությունՆորվեգիա
Մասնագիտություննկարիչ
Ուշագրավ աշխատանքներWinter Night in the Mountains. Study?
Harald Sohlberg Վիքիպահեստում
Գիշեր (1904 թվական),Տրոնհեյմի գեղարվեստի թանգարան
Ռոնդանեի ձմեռային գիշերը (1914 թվական),  Օսլոյիարվեստի, ճարտարապետության և դիզայնի ազգային թանգարան

Հարալդ Օսկար Սոհլբերգ (նորվ.՝ Harald Oskar Sohlberg, սեպտեմբերի 29, 1869(1869-09-29)[1][2], Քրիստիանիա, Նորվեգիա - հունիսի 19, 1935(1935-06-19)[3][4][5][6][7][1][8][2], Քրիստիանիա, Նորվեգիա), նորվեգացի նկարիչ, որը հիմնականում հանդես է գալիս որպես բնանկարիչ: Հանդիսանում է 19-րդ դարի նորվեգական գեղանկարչության ամենավառ սիմվոլիստական բնանկարներ ստեղծող նկարիչներից մեկը: Հարալդ Օսկար Սոհլբերգի կտավները որակվել են որպես «բնանկարներ հոգու համար»[9]:

Կենսագրություն[խմբագրել | խմբագրել կոդը]

Հարալդ Օսկար Սոհլբերգը ծնվել է 1869 թվականի սեպտեմբերի 29-ին Օսլոյում՝ նախկին Քրիստանիայում: Դեռևս մանկուց նա որոշել էր, որ անպայման պիտի նկարիչ դառնա: Սկզբնական շրջանում ծնողների ճնշման ներքո Օսկարը ստանում է նկարիչ-բեմանկարիչի որակավորում: Հետո սկսում է այցելել Քրիստիանիայի (այժմ Օսլո) Արվեստի թագավորական դպրոց: 1889 թվականից հետո Հարալդը սկսում է աշխատել հիմնականում ինքնուրույն, չնայած այն հագնամանքին, որ ժամանակ առ ժամանալ ուսանել է նորվեգացի տարբեր նկարիչների մոտ, ըստ մասնավորի Էրիկ Վերենշյոլի և Էյլիֆ Պետերսենի մոտ: 1892 թվականին Հարալդ Օսկար Սոհլբերգը ուղևորվում է Դանիա և սովորում Կոպենհագենի Քրիստիան Զարտմանի գեղարվեստի դպրոցում: Սակայն նրա գեղարվեստական ոճը որոշվեց այն բանից հետո, երբ մի քանի անգամ այցելեց Պոլ Գոգենի և Յենս Ֆերդինանդ Վիլումսենի ցուցահանդեսներին:

Հարալդ Օսկար Սոհլբերգն իր մահկանացուն կնքել է Քրիստիանիայում՝ վաթսունհինգ տարեկան հասակում, 1935 թվականի հունիսի 19-ին:

Ստեղծագործական կյանք[խմբագրել | խմբագրել կոդը]

Հարալդ Օսկար Սոհլբերգի ստեղծագործությունների անդրանիկ ցուցահանդեսը տեղի է ունեցել 1893 թվականին Օսլոյում: Մեկ տարի անց նա արդեն հայտնի էր՝ շնորհիվ «Գիշերափայլ» կտավի, որը բուռն դրական արձագանք գտավ արվեստագետների ու քննադատների շրջանում: Հարալդ Օսկար Սոհլբերգը կարողացավ կրթաթոշակ ստանալ, որն օգտագործեց դեպի Փարիզ ու Բեռլին այցելությունների նպատակով: 1897 թվականին սովորեց Դրեզդենում. նա հայտնի նկարիչ Կարլ Ֆրիտյոֆ Սմիթի սանը դարձավ: Ըստ էության, հենց Դրեզդենում գտնվելու տարիների Հարալդը ծանոթացավ գերմանացի նկարիչ-ռոմանտիկների արվեստին, և առաջին հերթին Կասպար Դավիդ Ֆրիդրիխի, որի ազդեցությունը նկարչի ստեղծագործական կյանքի վրա հսկայական նշանակություն ունեցավ: Ավելին, Սոհլբերգին դասեցին նեոռոմանտիզմի ժանրի նկարիչների շարքին: 1897 թվականին ֆինանսական դժվարությունների պատճառով Հարալդ Օսկար Սոհլբերգը վերադառնում է հայրենիք՝ Օսլո: Հաջորդ տարիների ընթացքում նկարիչը վրձնեց իր ամենահայտնի կտավներից որոշները: Հետո գտնելով մեկենասի, Հարալդը մեկնում է Ռոնդանեի լեռները՝ Միջին Նորվեգիա: Այստեղ նա անցկացնում է երկու տարի: Որից հետո ևս երկու տարով մեկնում է քիչ ավելի հյուսիս՝ Ռյորուս: Կտավին հանձնած Ռոնդանեի բնանկարները և Ռյորուսի փողոցները դարձան Հարալդ Օսկար Սոհլբերգի այցեքարտը: 1905 թվականին ընտանիքի հետ միասին վերադառնում է Քրիստանիա: Նա կյանքի ընթացքում շատ անգամներ անդրադարձավ Ռոնդանեի բնանկարներին. վերջին տարբերակը ավարտին հասցրեց 1914 թվականին:

Ոճաբանություն[խմբագրել | խմբագրել կոդը]

Հարալդ Օսկար Սոհլբերգի կտավներում լույսը գլխավոր բաղադրիչն է համարվում. այն հիանալի կերպով հպատակեցրել է նկարիչը իր վրձնին: Հարալդը զարմանալի կերպով երկարատև մշակում էր իր ստեղծագործությունները: Երբեմն նրա բնանկարները հիշեցնում են ճապոնական փորագրությունններ[9]:

Անձամբ նկարիչը շատ անգամ է հերքել, թե ինչ-որ մեկի ազդեցությունը կա իր ստեղծագործություններում[10]: Իր արվեստի մասին Հարալդ Օսկար Սոհլբերգն այսպես է արտահայտվել.

Aquote1.png Ըստ էության իմ աշխատանքները հարուցում էին բոլորի հիացմունքը շատ պարզ ու միամիտ պատճառով: Սակայն ես պնդում եմ, որ դրանք երբևիցե ճիշտ չեն հասկացվել ու ընկալվել իրենց իրական գեղարվեստական ու հոգևոր արժանիքների համար, որոնց վրա ես աշխատել եմ հընթացս երկարուձիգ տարիների:
- Հարալդ Օսկար Սոհլբերգ
Aquote2.png

[10]

Մեծարում[խմբագրել | խմբագրել կոդը]

  • Ռյորուսում Հարալդ Օսկար Սոհլբերգի անունով է կոչվում հրապարակը (Harald-Sohlberg-Plass): Համանուն հրապարակում տեղադրված է մեծանուն նկարչի հուշարձանը:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Internet Speculative Fiction Database — 1995.
  2. 2,0 2,1 2,2 2,3 2,4 Discogs — 2000.
  3. 3,0 3,1 3,2 data.bnf.fr: տվյալների բաց շտեմարան — 2011.
  4. 4,0 4,1 4,2 Harald Oscar Sohlberg
  5. 5,0 5,1 5,2 Benezit Dictionary of Artists — 2006. — ISBN 978-0-19-977378-7, 978-0-19-989991-3
  6. 6,0 6,1 6,2 SNAC — 2010.
  7. 7,0 7,1 7,2 KulturNav — 2015.
  8. 8,0 8,1 8,2 Norsk kunstnerleksikon
  9. 9,0 9,1 Torsten Gunnarson и другие A Mirror of Nature: Nordic Landscape Painting 1840 — 1910. — Statens Museum For Kunst (Copenhagen), 2006. — С. 296. — ISBN 8790096630
  10. 10,0 10,1 Øivind Storm Bjerke Edvard Munch, Sohlberg Harald, Landscapes of the mind. — National Academy of Design, 1995. — ISBN 1887149015; вступительная статья доступна здесь

Արտաքին հղումներ[խմբագրել | խմբագրել կոդը]