Հանս Բայմլեր

Հանս Բայմլեր
գերմ.՝ Hans Beimler
հուլիսի 2, 1895(1895-07-02) - դեկտեմբերի 1, 1936(1936-12-01) (41 տարեկան)
Ծննդավայր	Մյունխեն, Գերմանական կայսրություն
Մահվան վայր	Մադրիդ, Իսպանիա
Գերեզման	Montjuïc Cemetery
Քաղաքացիություն	Վայմարյան Հանրապետություն
Զորատեսակ	Ինտերնացիոնալ բրիգադներ
Մարտեր/ պատերազմներ	Բավարական Խորհրդային Հանրապետություն, Առաջին համաշխարհային պատերազմ և Իսպանիայի քաղաքացիական պատերազմ

Հանս Բայմլեր (նաև Բեյմլեր, գերմ.՝ Hans Beimler, հուլիսի 2, 1895(1895-07-02), Մյունխեն, Գերմանական կայսրություն - դեկտեմբերի 1, 1936(1936-12-01), Մադրիդ, Իսպանիա), գերմանացի կոմունիստ, Իսպանիայի քաղաքացիական պատերազմի մասնակից։

Կենսագրություն

Ծնվել է Մյունխենում, մասնագիտությամբ խառատ էր, 1913 թվականից եղել է մետաղագործների արհմիության անդամ։ Առաջին համաշխարհային պատերազմի ժամանակ ծառայել է ռազմա-ծովային նավատորմում։ 1918 թվականին մտել է Սպարտակ միության մեջ։ Ստեղծման պահից` 1918 թվականից, եղել է Գերմանիայի կոմունիստական կուսակցության անդամ։ 1919 թվականին մասնակցել է Բավարական խորհրդային հանրապետության պաշտպանությանը, որի համար դատապարտվել է 2 տարվա ամրոցային ազատազրկման։ 1925-1928 թվականներին եղել է ԳԿԿ Հարավային Բավարիայի օկրուգային կոմիտեի քարտուղար, 1928-1932 թվականներին ԳԿԿ Աուգսբուրգի շրջանային կոմիտեի քարտուղար, 1932 թվականին նորից ԳԿԿ Հարավային Բավարիայի օկրուգային կոմիտեի քարտուղարն էր, 1936 թվականից ԳԿԿ կենտրոնական Կոմիտեի անդամ։ Ընտրվում է բավարական լանդթագի պատգամավոր, իսկ 1932 թվականին ռեյխստագի պատգամավոր։ Նացիստների իշխանության գալուց հետո գտնվում էր անլեգալ դրության մեջ, 1933 թվականի ապրիլին ձերբակալվում և ուղարկվում է Դախաու համակենտրոնացման ճամբար։ 1933 թվականի մայիսին փախչում է համակենտրոնացման ճամբարից և արտագաղթում Չեխոսլովակիա։ Իսպանիայի քաղաքացիական պատերազմի սկսվելուց հետո 1936 թվականին Իսպանիայի հանրապետական կառավարությանը օգնելու նպատակով մասնակցում է գերմանական հակաֆաշիստական ջոկատների կազմավորմանը, դառնալով Իսպանիայի հանրապետական բանակի 11-րդ ինտերբրիգադի, Է. Թելմանի անվան 3-րդ գումարտակի կոմիսար։ 1936 թվականի դեկտեմբերի 1-ին վախճանվում է Մադրիդի տակ մղվող մարտերի ժամանակ։

Հիշատակ

• Ի պատիվ Գ. Բայմլերի, նրա անվամբ են կոչվում Հենիգսդորֆի լոկոմոտիվաշինական գործարանը, փողոցներ բազմաթիվ քաղաքներում, իսկ 1956 թվականին ԳԴՀ կառավարությունը սահմանում է Բայմլերի անվան մեդալ Իսպանիայի Ինտերնացիոնալ բրիգադների վետերաններին պարգևատրելու համար։ Պարգևատրվածների մեջ էին ապագա քաղաքական գործիչներ Հենրիխ Ռաուն և Ռիխարդ Շտայմերը, որը ըստ ասեկոսեների Բայմլերի մահվան մասնակիցներից էր։
• ԳԴՀ փոստը 1966 թվականին թողարկել է նրա պատկերով դրոշմանիշ։

Հրատարակություն

• Hans Beimler, «Four Weeks in the Hands of Hitler’s Hell-Hounds: the Nazi Murder Camp of Dachau», N.Y., 1933.
• Г.Беймлер. Лагерь смерти Дахау, М., 1933.

Գրականություն

• Helden des Widerstandskampfes gegen Faschismus und Krieg, B., 1952, S. 32-35;
• Erkampft das Menschenrecht. Lebensbilder und letzte Briefe antifaschistischer Widerstandskampfer, B., 1958, S. 59-61.
• Hugh Thomas The Spanish Civil War. — New York: Harper and Row, 1977. — ISBN 0-06-014278-2

Արտաքին հղումներ

• Советская историческая энциклопедия

Վիքիպահեստն ունի նյութեր, որոնք վերաբերում են «Հանս Բայմլեր» հոդվածին։