Ռուբեն Հայրապետյան

Ռուբեն Հայրապետյան;
Ծնվել է	մարտի 9, 1963 (61 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Հայաստանի պետական տնտեսագիտական համալսարան
Մասնագիտություն	քաղաքական գործիչ
Աշխատավայր	Հայաստանի ֆուտբոլի ֆեդերացիա
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն

Վիքիպեդիայում կան հոդվածներ Հայրապետյան ազգանունով այլ մարդկանց մասին։

Ռուբեն Ռաֆիկի Հայրապետյան (մարտի 9, 1963(1963-03-09), Երևան, Հայկական ԽՍՀ, ԽՍՀՄ), հայտնի նաև Նեմեց Ռուբո^[1] մականվամբ, հայ գործարար, Հայաստանի ֆուտբոլի ֆեդերացիայի նախագահը 2002-2018 թվականներին։

Կենսագրական տվյալներ

Ծնվել է 1963 թ. մարտի 9-ին, Երևանում, 1988 ավարտել է Երևանի ժողովրդական տնտեսության ինստիտուտը տնտեսագետի մասնագիտությամբ։ 1983-1985 թթ. ծառայել է Խորհրդային բանակում, աշխատել է տարբեր ընկերություններում։

2003, 2007 և 2012 թվականներին ընտրվել է ՀՀ Ազգային ժողովի պատգամավոր թիվ 1 ընտրատարածքից։ 2012 թ. հուլիսի 3-ին իր «Հարսնաքար» ռեստորանում տեղի ունեցած հայոց բանակի սպա Վահե Ավետյանի մահվան դեպքից հետո վայր է դրել պատգամավորական մանդատը։ Ամուսնացած է, ունի երեք երեխա։

Աշխատանքներ

1980-1982 թթ. Երևանի «Ալմաստ» գործարանում՝ էլեկտրամոնտյոր
1985-1988 թթ. Երևանի սննդի թիվ 7 միավորում՝ բանվոր
1991-1993 թթ. «Հայծխախոտ» միավորում՝ տնօրենի տեղակալ
1996-1999 թթ. Ավանի թաղապետ
1998 թ.՝ «Հայծխախոտ» ԲԲԸ նախագահ
2002-2018 թթ.` Հայաստանի ֆուտբոլի ֆեդերացիայի նախագահ
2003 թ. - մինչև 2012 թ. ԱԺ պատգամավոր։ ԱԺ ֆինանսավարկային, բյուջետային և տնտեսական հարցերի մշտական հանձնաժողովի անդամ