Հայբուսակ

Հայբուսակ
Տեսակ	համալսարան, ազատ հասանելիության հրատարակություն, մասնավոր համալսարան և կրթօջախ
Հիմնադրված է	1990
Հիմնադրիր	Լևոն Հարությունյան
Երկիր	Հայաստան
Տեղագրություն	Երևան
Կայք	haybusak.am և haybusakmoodle.am
Հայբուսակ (Հայաստան) Հայբուսակ, Հայաստան

Երևանի «Հայբուսակ» համալսարան, մասնավոր բուհ Երևանում։ Լիցենզավորվել է Հայաստանի կրթության և գիտության, առողջապահության նախարարությունների կողմից։ Համալսարանը հավաստագրված է (2000 թ) Հայաստանի կառավարության կողմից։ 2019 թ համալսարանը ստացել է ինստիտուցիոնալ հավաստագրում Եվրոպական EKKA հավատարմագրող կազմակերպության կողմից։

Պատմություն

Երևանի «Հայբուսակ» համալսարանը հիմնադրվել է 1990 թվականին ակադեմիկոս Լևոն Հարությունյանի կողմից և դարձել է անկախ Հայաստանի առաջին մասնավոր բուհերից մեկը։ 1999-2001 թթ. մասնակցել է Հայաստանում կրթության որակի գնահատման գործընթացին և ստացել պետական հավատարմագիր, ինչը թույլ է տալիս համալսարանի շրջանավարտներին ստանալ պետական դիպլոմներ՝ նրանց իրավունք վերապահելով աշխատել Հայաստանի պետական ու մասնավոր հիմնարկներում, ինչպես նաև արտերկրում (ԱՊՀ-ում, ԱՄՆ-ում, Եվրոպայում, և այլ երկրներում)։

Ֆակուլտետներ

Համալսարանում գործում են հետևյալ ‎ֆակուլտետները՝

1. Բժշկական
2. Միջազգային հարաբերությունների
3. Դիզայնի
4. Տնտեսագիտական
5. Հումանիտար
6. Իրավագիտության

Ուսման կարգ

Համալսարանում գործում է առկա, հեռակա և անհատական ուսուցում, ասպիրանտուրա, մասնագիտական վերապատրաստման թրեյնինգներ և դասընթացներ։ Ուսուցումը երկաստիճան է՝ բակալավրիատ (4 տարի), մագիստրատուրա (1-2 տարի)։ Համալսարանում ուսանում են թե՛ Հայաստանի, թե՛ արտերկրի քաղաքացիները։ Կրթությունն անցկացվում է երեք լեզուներով՝ հայերեն, ռուսերեն և անգլերեն՝ ըստ դիմորդի ընտրության։ Համալսարանի շրջանավարտներն աշխատում են Հայաստանի և արտերկրի պետական և մասնավոր հիմնարկներում և կազմակերպություններում։

Ռեկտոր

Սուրեն Լևոնի Հարությունյան

Աղբյուրներ

• http://www.academedu.org/ Արխիվացված 2012-01-07 Wayback Machine
• http://studyinarmenia.org/html/975.html Արխիվացված 2014-10-03 Wayback Machine
• http://www.education.am/english/education/academedu.htm Արխիվացված 2016-05-17 Wayback Machine