Հայաստանի ազգային նվագարանների պետական նվագախումբ

Վիքիպեդիայից՝ ազատ հանրագիտարանից
Հայաստանի ազգային նվագարանների պետական նվագախումբ
Ազգային նվագախումբ.jpg
երկիրՀայաստան Հայաստան
քաղաքԵրևան
ղեկավարՆորայր Դավթյան

Հայաստանի ազգային նվագարանների պետական նվագախումբ, հիմնադրվել է 2004 թվականին։ 2005 թվականի ապրիլին ստացել է պետական նվագախմբի կարգավիճակ։ Նվագախմբի հիմնադիրներն են Հայաստանի վաստակավոր արտիստ Արա Գևորգյանն ու Հայաստանի վաստակավոր արտիստ, պրոֆեսոր Նորայր Դավթյանը (նվագախմբի գեղարվեստական ղեկավար ու գլխավոր դիրիժոր)։

Պատմություն[խմբագրել | խմբագրել կոդը]

Նվագախմբում ընդգրկված են բարձրագույն երաժշտական կրթությամբ՝ թվով 40 երաժիշտ կատարողներ։ Կատարվում են ժողովրդական և աշուղական, ինչպես նաև ժամանակակից հեղինակների ստեղծագործություններ։ Երգացանկը բազմաբնույթ է և բազմաբովանդակ՝ նվագախմբային պիեսներից մինչև ֆանտազիա, ռապսոդիա և կոնցերտ։ Նվագախմբի կազմում ելույթ են ունենում նաև հրավիրված հայտնի և սիրված երգիչներ Վարդուհի Խաչատրյանը, Պապին Պողոսյանը, Թովմաս Պողոսյանը, Լեյլա Սարիբեկյանը, Արսեն Գրիգորյանները – Մրո և Ասո, Շուշան Պետրոսյանը, Վարդան Բադալյանը, Համլետ Գևորգյանը, Սուսաննա Սաֆարյանը, Արուս Գուլանյանը, Աննա Խաչատրյանը, Արսեն Սաֆարյանը, Սոնա Շահգելդյանը, Գոհար Հովհաննիսյանը և ուրիշներ։

Նվագախումբը բազմաթիվ համերգներ է ունեցել Երևանում, հանրապետության մի շարք քաղաքներում և մարզերում, Արցախում և ՌԴ-ում։ 2014 թվականի ապրիլի 7-ից 12-ը նվագախումբը համերգներով հանդես է եկել Թուրքմենստանի Աշխաբադ և Թուրքմենբաշի քաղաքներում, Հայաստանի Հանրապետության նախագահի պաշտոնական այցի և մշակույթի օրերի շրջանակներում[1][2]։

2009 թվականին թողարկվեց նվագախմբի առաջին՝ «Առավոտ Լուսո» ձայնասկավառակը։ Նվագախումբը մասնակցել է նաև Վարդան Բադալյանի և Համլետ Գևորգյանի ձայնասկավառակների ձայնագրման աշխատանքներին։ Նվագախումբը մասնակցել է մի շարք տեսահոլովակների ձայնագրման և նկարահանման աշխատանքներին։

Հիմնադիրներ[խմբագրել | խմբագրել կոդը]

  • Արա Գևորգյան - Հայաստանի Հանրապետության վաստակավոր արտիստ։ Կոմպոզիտոր, երաժիշտ։
  • Նորայր Դավթյան - Հայաստանի Հանրապետության վաստակավոր արտիստ, պրոֆեսոր։ Հայաստանի ազգային նվագարանների պետական նվագախմբի գեղարվեստական ղեկավար և գլխավոր դիրիժոր։

Մրցանակներ[խմբագրել | խմբագրել կոդը]

«Տարվա լավագույն ժողովրդական համույթ» - 2010 թվական Ազգային երաժշտական մրցանակաբաշխության

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]