Համբարձում Պերպերյան

Վիքիպեդիայից՝ ազատ հանրագիտարանից
Jump to navigation Jump to search
Համբարձում Պերպերյան
Ծնվել է մայիսի 25, 1905(1905-05-25)
Ադանա, Ադանա, Թուրքիա
Երկիր Flag of Armenia.svg Հայաստան
Մահացել է մարտի 13, 1999(1999-03-13) (93 տարեկանում)
Ամերիկայի Միացյալ Նահանգներ, Մասաչուսեթս
Մասնագիտություն դիրիժոր, կոմպոզիտոր, երաժիշտ, խմբագիր, ուսուցիչ և ջութակահար

Համբարձում Բաղդասարի Պերեպերյան (մայիսի 25, 1905(1905-05-25), Ադանա, Ադանա, Թուրքիա - մարտի 13, 1999(1999-03-13), Ամերիկայի Միացյալ Նահանգներ, Մասաչուսեթս[1]), հայ կոմպոզիտոր, խմբավար, մանկավարժ։

Կենսագրություն[խմբագրել | խմբագրել կոդը]

1930 թ-ին ավարտել է Աթենքի կոնսերվատորիան իբրև ջութակահար, խմբավար, կոմպոզիտոր, ծավալել բազմակողմանի երաժշտական-հասարակական գործունեություն Մերձավոր Արևելքի երկրներում, 1963 թ.՝ Ամերիկայի Միացիալ Նահանգներում։ 1970 թ-ից Ամերիկայի Միացիալ Նահանգների և Կանադայի հայ գաղթավայրերի Հայկական Բարեգործական Միության Ընդհանուր երաժշտական ղեկավարն ու տնօրենն է։ Մեծ է Պերեպերյանի ծառայությունը մանկական երգչախմբերի ստեղծման, հայ մանուկների երաժշտական արվեստին հաղորդակից դարձնելու գործում։ Հեղինակ է՝ «Շողիկ» օպերայի, «Արեգնազան», «Մեր ուխտը» օպերա-կանտատների (Հովհաննես Թումանյանի պոեմների հիման վրա), «Թիթեռ» մանկական օպերա-բալետի, «Խորհուրդ Վարդանանց», «Աղոթք վաղվա օրվա սեմին», «Եկեղեցին հայկական» օրատորիաների, «Ռեքվիեմ»-ի (Կոմիտասի հիշատակին), բազմաթիվ մեներգերի, խմբերգերի՝ Եղիշե Չարենցի, Վահան Թեքեյանի և այլոց խոսքերով, ջութակի, թավջութակի կոնցերտների և այլն[2]։ 1961 թ-ին, 1978 թվականին և 1982 թ-ին հեղինակային համերգներով եղել է Խորհրդային Հայաստանում։ Հայաստանի կոմպոզիտորների միության Կոմիտասի անվան մրցանակ (1981 թ-ին)[3]։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 278 CC-BY-SA-icon-80x15.png