Կոստանդին Աբովյան

Վիքիպեդիայում կան հոդվածներ Աբովյան ազգանունով այլ մարդկանց մասին։

Կոստանդին Աբովյան
Ծնվել է	1880
Ծննդավայր	Երևան, Հայաստան
Մահացել է	1958
Քաղաքացիություն	Ռուսական կայսրություն և  ԽՍՀՄ
Մայրենի լեզու	հայերեն
Կրթություն	Ներսիսյան դպրոց և Գևորգյան Հոգևոր Ճեմարան (1896)
Մասնագիտություն	ուսուցիչ և թարգմանիչ
Աշխատավայր	Երևանի պետական համալսարան

Կոստանդին Աբովյան (1880, Երևան, Հայաստան - 1958), հայ թարգմանիչ, մանկավարժ։

Խաչատուր Աբովյանի թոռը։

Կենսագրություն

Կոստանդին Աբովյանը ծնվել է 1880 թվականին Երևանում։ Սովորել է Թիֆլիսի Ներսիսյան դպրոցում, այնուհետև՝ Էջմիածնի Գևորգյան ճեմարանում, որը 1896 թվականին ավարտելով՝ մեկնել է Գերմանիա, սովորել Լայպցիգի, Ենայի համալսարաններում։ Կովկաս վերադառնալով՝ մինչև 1919 թվականը, որպես գերմաներենի ուսուցիչ, աշխատել է Ալեքսանդրապոլի առևտրական դպրոցում։ 1926 թվականից աշխատել է Երևանի պետական համալսարանում և Օտար լեզուների ինստիտուտում որպես գերմաներենի դասախոս։

Մեծ է եղել Կոստանդինի դերը պապի գերմաներեն ձեռագրերի վերծանման և թարգմանության գործում։ Մեծապես նպաստել է Խաչատուր Աբովյանի արխիվի պահպանմանն ու հարստացմանը։