Կոթեր
| Ավան | ||
|---|---|---|
| Կոթեր | ||
| Վարչական տարածք | Արևմտյան Հայաստան | |
| Վիլայեթ | Էրզրումի վիլայեթ | |
| Գավառակ | Դերջանի գավառակ | |
| Այլ անվանումներ | Կեթար, Կոթուր, Կոտեր, Կոտուր, Ղոթուր, Ղոյթուր, Խոթուռ, Քեթուր, Քյութուր | |
| Պաշտոնական լեզու | Հայերեն | |
| Ազգային կազմ | Հայեր (մինչև Մեծ եղեռնը) | |
| Կրոնական կազմ | Քրիստոնյա (մինչև Մեծ եղեռնը) | |
| Ժամային գոտի | UTC+3 | |
| ||
Կոթեր, գյուղ Արևմտյան Հայաստանում, Էրզրումի վիլայեթի Դերջանի գավառակում[1]։ Գտնվում էր Արևմտյան Եփրատի և նրա վտակ Դերջան (Թուզլու) գետերի միախառնման վայրում։
Պատմություն[խմբագրել | խմբագրել կոդը]
Կոթերի մասին Թոնդրակյան շարժման հետ կապված առաջին անգամ հիշատակում է Արիստակես Լաստիվերցին։
Ըստ Ն. Ադոնցի Կոթուր գյուղը կառուցվել է հին գյուղի տեղում` հին Կոթուրի կամրջի մոտ։
Բնակչությունը բռնությամբ տեղահանվել է 1915 թվականի Մեծ եղեռնի ժամանակ։ Նրանց մեծ մասը զոհվել է աքսորի ճանապարհին։
Բնակչություն[խմբագրել | խմբագրել կոդը]
1872-1873 թվականներին ուներ 38 տուն, 1890-ականներին 100-ից ավելի տուն, իսկ 1914 թվականին` 160 տուն, որից 150 տունը` հայկական` 1500 բնակչով։
Տնտեսություն[խմբագրել | խմբագրել կոդը]
Զբաղվում էին երկրագործությամբ, անասնապահությամբ և արհեստներով։
Պատմամշակութային կառույցներ[խմբագրել | խմբագրել կոդը]
Կոթերն ուներ Ս. Գևորգ անունով եկեղեցի։ Պատմական հուշարձաններից կարևոր է Կոթուրի կամուրջը (XIII դար), որն ըստ ավանդության կառուցել է մի գյուղացի։
Գյուղի մոտ էր գտնվում Ս. Սարգիս (Ս. Հովհաննես) մենաստանը։
Կրթություն[խմբագրել | խմբագրել կոդը]
Գյուղում գործում էր վարժարան, որն ուներ 90 աշակերտ[2]։
Աղբյուրներ[խմբագրել | խմբագրել կոդը]
- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Հայկական Սովետական Հանրագիտարան, 5-րդ հատոր, էջ 507, 1979 թ
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Էրզրումի նահանգ»։ Վերցված է 2015 ապրիլի 14
- ↑ «Հայաստանի և հարակից շրջանների տեղանունների բառարան», հտ 3, էջ 187
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 507)։ 
|