Կիևյան Մադոննա
| Կիևյան Մադոննա | |
|---|---|
| Պատկեր:Fecioara din Kiev resized.jpg | |
| Նկարիչ | Մարինա Սոլոմենիկովա |
| Տարի | 2022 |
| Գտնվելու վայրը | Մունյանո դի Նապոլի |
Կիևյան Մադոննան (ուկրաիներեն՝ Мадонна Київська, կամ Մադոննա մետրոյից), խորհրդանշական պատկեր է կնոջ կողմից, որը կերակրում է երեխային, ով ապաստան է գտել Կիևի մետրոյում, որպեսզի պաշտպանի իրեն 2022 թվականին տեղի ունեցած Ռուսաստանի Դաշնության զինված ուժերի կողմից Ուկրաինայի մայրաքաղաք Կիևի ռմբակոծության ժամանակ։ Համացանցում ժողովրդականություն է ձեռք բերել լրագրող Անդրաշ Ֆոլդեսի արած լուսանկարը։ Այն դարձել է ինչպես հումանիտար ճգնաժամի, այնպես էլ անարդար պատերազմի պատկեր։ Պատկերը ոգեշնչված էր Իտալիայում գտնվող Մունյանո դի Նապոլիի կաթոլիկ եկեղեցում ցուցադրված սրբապատկերով, որը դարձավ դիմադրության և հույսի գեղարվեստական խորհրդանիշ[1]։
Պատմություն[խմբագրել | խմբագրել կոդը]
Ուկրաինայում Ռուսաստանի հետ պատերազմական գործողությունների առաջին օրերին 27-ամյա Տատյանա Բլիժնյակի պատկերը, որը կրծքով կերակրում է իր երեք ամսական դստերը՝ Մարիչիկային, ով ապաստան էր գտել Կիևի մետրոպոլիտենի թունելներում՝ ռմբակոծության ժամանակ հարձակումից պաշտպանվելու համար։ Ռուսաստանի Դաշնության զինված ուժերի կողմից Կիև քաղաքը գրավել է հունգարացի լրագրող Անդրաշ Ֆոլդեսի ուշադրությունը, և նա ինքնաբուխ նկարահանել է այն։ Կինը ամուսնու և երեխայի հետ մետրոյում ապաստանել է 2022 թվականի փետրվարի 25-ից։ Թեև նրանց պետք է տարհանեին փետրվարի 26-ին, սակայն մարտական գործողությունների պատճառով նրանք չկարողացան լքել թունելները, որտեղ պատսպարվում էին[2]։ Լուսանկարը վ իրուսային տարածում է ձեռք բերել և այն, նույնիսկ, տարածել է Վատիկանի պաշտոնական կայքը։ Տարածված լուսապատկերը նկատածների թվում էր ուկրաինացի նկարչուհի Մարինա Սոլոմեննիկովան՝ Դնեպրից։ Նա օգտագործել է կնոջ խորհրդանշական կերպարը որպես ոգեշնչում Մարիամ Աստվածածնի դիմանկարի համար, որտեղ նա կերակրում է մանուկ Հիսուսին։ Նկարում ուկրաինուհու գլխազարդն օգտագործվում է որպես Մարիամի շղարշ, իսկ նրա գլուխը պատկերված է մետրոյի քարտեզի դիմաց։ 2020 թվականի մարտի 5-ին նկարիչուհին համացանցում տեղադրեց իր ստեղծած դիմանկարը[3]։
Քահանա Վյաչեսլավ Օկուի խնդրանքով «Մադոննան մետրոյից» դիմանկարի կտավի պատճենն ուղարկվել է Իտալիա՝ պահելու այն վայրում, որտեղ ծառայելու է քահանան։ Սուրբ հինգշաբթի օրը Նեապոլի արքեպիսկոպոսը օծեց նկարը որպես պաշտամունքի առարկա։ Սրբապատկերը ցուցադրվել է «Կիևի Մադոննա» մականունով Հիսուսի Սուրբ սրտի եկեղեցում, որը գտնվում է Մունյանո դի Նապոլի կոմունայում։ Սրբապատկերն օծվել է Հռոմի պապ Ֆրանցիսկոսի կողմից 2022 թվականի մարտի 25-ին[4]։
Տատյանա Բլիժնյակը հետագայում ապաստան գտավ Լվովում[5]։
Նշանակություն[խմբագրել | խմբագրել կոդը]
Պատկերը դարձել է և՛ հումանիտար ճգնաժամի, և՛ անարդար պատերազմի նկարազարդում, և՛ ուկրաինացիների հույսի և՛ լուռ դիմադրության խորհրդանիշ։ Դիմանկարը, իր հերթին, դիտարկվում է որպես Հիսուս Նազովրեցու մոր պատկեր, ով ապաստան գտավ Հերովդես I Մեծի վտանգից։ Այսօր համարվում է ժամանակակից Մարիամի խորհրդանիշը, ով պատսպարվում է պատերազմի բռնություններից և, կարծես սրբի նման կերակրում է իր երեխային[6]։ Պատկերը մարդկանց հետաքրքրեցրել է նաև նրանով, որ կարծես աստվածաշնչյան պատմությունը կրկնվի 21-րդ դարում։
Ծանոթագրություններ[խմբագրել | խմբագրել կոդը]
- ↑ Toma, Mihai. «"Madonna of Kyiv". The picture of a Ukrainian woman breastfeeding her child in a subway shelter, became an icon in a church in Italy». libertatea.ro.
- ↑ «Madona del Metro la Napoli».
- ↑ «Ukrainian mother breastfeeding during war becomes Marian icon». Aleteia.
- ↑ «"Madonna of Kyiv" icon depicted in one of the churches of Naples». risu.ua.
- ↑ «Our Lady of Kiev: Ukrainian nursing woman becomes a symbol of worship».
- ↑ Melnyczuk, Askold. «With Madonna in Kyiv». agnionline.bu.edu.