Կետա

Վիքիպեդիայից՝ ազատ հանրագիտարանից
Կետա ձուկ

Կետա (Oncorhynchus keta), սաղմոնների ընտանիքի ձուկ։ Մարմնի երկարությունը՝ մինչև 1 մ, քաշը՝ 14 կգ։ Տարածված է Խաղաղ օվկիանոսի հյուսիսային մասերում, Բերինգի ծովում, մասամբ՝ Հյուսիսային սառուցյալ օվկիանոսի ավազանի գետերում։ Կլիմայավարժեցված է Բարենցի, Սպիտակ և Բալթիկ ծովերի ավազաններում։ Սնվում է խեցգետնանմաններով, փափկամորթներով, մատղաշ ձկներով։ Սեռահասուն է դառնում 3—5 տարեկանում։ Բազմացման շրջանում դադարում է սնվելուց և մտնում է գետերը։ Բույն է փորում և ձկնկիթը թաղում տիղմի մեջ։ Զվադրող կետան խիստ կերպարանափոխվում է, մաշկը մուգ գույն է ստանում, միսը ջրակալում, ծնոտները երկարում են, կորանում, հզոր ատամներ են աճում և բերանը չի փակվում։

Հայտնի է 2 տեսակ՝

  • աշնանային
  • ամառային

Աշնանային կետան խոշոր է, պտղաբեր (3,0—4,5 հզ. ձկնկիթ), բազմանում է սեպտեմբերից մինչև դեկտեմբեր։ Ամառային Կետայի գետային միգրացիան կարճ է, ձվադրում է հուլիս-օգոստոս ամիսներին։ Ձվադրումից հետո ձուկը մահանում է։ Արդյունագործական խոշոր նշանակություն ունի, տալիս է համեղ միս և կարմիր խավիար։


Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png