Կարլ Լիբկնեխտ
| Կարլ Լիբկնեխտ գերմ.՝ Karl Liebknecht | |
|---|---|
 | |
| Ծնվել է | օգոստոսի 13, 1871 |
| Ծննդավայր | Լայպցիգ, Գերմանիա |
| Մահացել է | հունվարի 15, 1919 |
| Մահվան վայր | Բեռլին, Գերմանիա |
| Գերեզման | Սոցիալիստների հուշահամալիր |
| Քաղաքացիություն | .svg){kind=small} Գերմանիա[1] |
| Կրթություն | Լայպցիգի համալսարան, Ֆրիդրիխ-Վիլհելմի համակսարան, Հումբոլդտի համալսարան և Վյուրցբուրգի համալսարան |
| Գիտական աստիճան | դոկտորի աստիճան (1897) |
| Մասնագիտություն | քաղաքական գործիչ, փաստաբան, հեղափոխական և խմբագիր |
| Ամուսին | Սոֆյա Լիբկնեխտ |
| Ծնողներ | հայր՝ Վիլհելմ Լիբկնեխտ |
| Զբաղեցրած պաշտոններ | Գերմանական կայսրության Ռեյխստագի անդամ և Պրուսիայի Ներկայացուցիչների պալատի անդամ |
| Քաղաքական կուսակցություն | Գերմանիայի սոցիալ-դեմոկրատական կուսակցություն (1916), Գերմանիայի կոմունիստական կուսակցություն և Սպարտակ միություն (1918) |
| Երեխաներ | Robert Liebknecht? |
| Karl Liebknecht Վիքիպահեստում | |
Կարլ Լիբկնեխտ (գերմ.՝ Karl Liebknecht, օգոստոսի 13, 1871, Լայպցիգ, Գերմանիա - հունվարի 15, 1919, Բեռլին, Գերմանիա), գերմանացի սոցիալիստ, Գերմանիայի կոմունիստական կուսակցության (1918) հիմնադիրներից, երկրորդ ինտերնացիոնալի անդամ։
Բազմիցս հանդես է եկել թուրքական կառավարության և դրա հովանավոր Գերմանիայի հակահայկական քաղաքականության դեմ, պաշտպանել հայ ժողովրդի շահերը։ 1916 թվականին գերմանական ռայխստագում հարցապնդում է արել Թուրքիայի հայ բնակչության կոտորածների վերաբերյալ, պահանջել արդարացի հատուցում դաշնակից թուրքական կառավարությունից և Թուրքիայում մնացած հայ բնակչության անվտանգության ապահովում։ Հայկական հարցին Լիբկնեխտն անդրադարձել է «Ապարտակի միություն» քաղաքական նամակներում (N 12, N 13) գերմանական կառավարությանը մեղադրելով հայկական կոտորածները լռության մատնելու համար։
1916 թվականի հունիսին Բեռլինի կայսերական դատարանին ներկայացրած հայտարարության մեջ Լիբկնեխտը հիշեցրել է գերմանական կառավարության 1913 թվականի այն հայտարարությունը, թե ռուսների հնարավոր մուտքը Հայաստան առիթ կլինի պատերազմի համար։ Հայաստանի նկատմամբ գերտերությունների զավթողական ծրագրերի վերաբերյալ մի շարք դիտողությունները մտել են Լիբկնեխտի «Իմ պրոցեսը ըստ փաստաթղթերի» (1918) ժողովածուի մեջ։
Գրականություն[խմբագրել | խմբագրել կոդը]
- Դարիբջանյան Գ. Բ., Կարլ Լիբկնեխտը և Ռոզա Լուքսեմբուրգը հայ ժողովրդի մասին, ե., 1971։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|