Կարդիցա

Վիքիպեդիայից՝ ազատ հանրագիտարանից
Jump to navigation Jump to search
Քաղաք
Կարդիցա
հունարեն՝ Καρδίτσα
Улицы Кардицы.JPG
Կոորդինատներ: 39°22′0″ հս․ լ. 21°55′0″ ավ. ե. / 39.36667° հս․. լ. 21.91667° ավ. ե. / 39.36667; 21.91667
ԵրկիրՀունաստան Հունաստան
ՊերիֆերիաԹեսալիա
ՆոմոսԿարդիցա (նոմոս)
Ներքին բաժանում6 շրջան
ԴիմարխԴոմինիկոս Վերիլիս (Δομήνικος Βερίλλης)
Առաջին հիշատակում1811
Այլ անվանումներԳրադիցա
Մակերես110,086 կմ²
ԲԾՄ105 մ
Կլիմայի տեսակմիջերկրածովյան
Խոսվող լեզուներհունարեն
Բնակչություն56 747 մարդ (2011)
Խտություն88 մարդ/կմ²
Ազգային կազմհույներ
Կրոնական կազմուղղափառ
Ժամային գոտիUTC+2, ամառը UTC+3
Հեռախոսային կոդ24410
Փոստային ինդեքս43100
Փոստային ինդեքսներ43100
Ավտոմոբիլային կոդKA
Պաշտոնական կայքkarditsa-city.gr
##Կարդիցա (Հունաստան)
Red pog.png

Կարդիցա (հունարեն՝ Καρδίτσα), քաղաք Հունաստանում, Թեսալիայում: Կարդիցա նոմոսի վարչական կենտրոնը: Գտնվում է Թեսալիայի հարավ-արևմուտքում, Թեսալիական հարթավայրի կենտրոնական հատվածում, Պինիո գետի (հունարեն՝ Πηνειός, նախկինում Պինյոս) վտակներից մեկի մոտակայքում, որը կոչվում է «Կարդիցայի գետ»: Քաղաքից արևմուտք վեր է խոյանում Պինդոս լեռնազանգվածը (հին հուն․՝ և հունարեն՝ Πίνδος):

Անվան ծագումնաբանություն[խմբագրել | խմբագրել կոդը]

Քաղաքի անվանումը ծագում է հունարեն՝ καρυδίτσα բառից («հունական ընկույզ» կամ «ընկուզենի» տեղական թեսալիական բարբառով կամ հունարեն՝ καρδιά բառից, թարգմանաբար նշանակում է «սիրտ», ինչը համապատասխանում է քաղաքի՝ Հունաստանի կենտրոնում գտնվելու դիրքով:

Գոյություն ունի նաև ձևափոխված սլավոնական «Գրադիցա» անվանումը:

Պատմություն[խմբագրել | խմբագրել կոդը]

Կարդիցան համարվում է Թեսալիայի նոմոսների երեք մայրաքաղաքներից ամենաերիտասարդը, չնայած նոմոսի տարածքը բնակեցվել է դեռևս պալեոլիթի ժամանակաշրջանում:

Բնակավայրի ստեղծումը թվագրվում է թուրքական տիրապետության ժամանակաշրջանին: Այն կառուցվել է Ագրաֆայի լեռների բնակիչների հարձակումներից պաշտպանվելու համար: Առաջին անգամ նկարագրվել է 1811 թվականին անգլիացի ճանապարհորդ, ռազմածովային նավատորմի գնդապետ Ուիլիամ Մ. Լիկի կողմից (անգլ.՝ William M. Leake): 1821 թվականին քաղաքը գրեթե դատարկվել է ժանտախտի համաճարակի պատճառով, սակայն դարի կեսերին հաշվվում էր 400 կալվածք: 1882 թվականին թուրքերից ազատագրվելուց հետո, բնակավայրը ձևափոխվում է քաղաքի և դառնում Կարդիցա դիմոսի կենտրոնը: 1943 թվականի մարտի 12-ին ԷԼԱՍպարտիզանների ակտիվ գործունեության արդյունքում իտալական կայազորը ստիպված էր լքել քաղաքը:

Քաղաքացիական պատերազմ[խմբագրել | խմբագրել կոդը]

1948 թվականին Կարդիցայում տեղի է ունեցել Հունաստանի քաղաքացիական պատերազմի ամենաարյունալի ճակատամարտներից մեկը, երբ Հունաստանի դեմոկրատական բանակը հարձակվել է քաղաքի վրա: Դեկտեմբերի 11-ի լույս 12-ի գիշերը այն Կարդիցայից դեպի արևմուտք լեռնային տեղանքում կենտրոնացրել է 1-ին և 2-րդ դիվիզիաները և հեծելազորի բրիգադը Կոստաս Կարայորգիսի (հունարեն՝ Κώστας Καραγιώργης) գլխավորությամբ և առաջ շարժվել դեպի քաղաք:

Կարդիցայի անվտանգության համար քաղաքում տեղակայվել են 600 հոգուց բաղկացած կառավարական զորքեր հրետանիով և մոտ 90 ոստիկան, որոնք տեղաբաշխված են եղել հսկիչ անցագրային կետերով և քաղաքի դիմադրության այլ կետերով: Քաղաքացիական պատերազմի ժամանակ Ազգային բանակի կորուստը կազմել է 19 մարդ զոհված և 85 վիրավոր[1]:

Աշխարհագրություն[խմբագրել | խմբագրել կոդը]

Կլիմա[խմբագրել | խմբագրել կոդը]

Կլիման միջերկրածովյան է, որը բնորոշ է Հունաստանի կենտրոնական հատվածին, որն աչքի է ընկնում շոգ ամառներով և ցուրտ ձմեռներով, հաճախակի ձյան տեղումներով:

Բնակչություն[խմբագրել | խմբագրել կոդը]

2001 թվականի մարդահամարի դրությամբ բնակչության թիվը կազմում էր 32 252 մարդ՝ արվարձանների բնակիչների հետ միասին՝ 37 768 մարդ, իսկ 2011 թվականի մարդահամարի դրությամբ՝ 56 747 մարդ: Բնակչության խտությունը կազմում է 88 մարդ/կմ²:

Կարդիցայի բնակչության փոփոխության աղյուսակը
1950 1970 1980 1991 2001 2011
14 000 25 700 27 532 30 067 32 252 56 747

Հայտնի անձինք[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Νεώτερον Εγκυκλοπαιδικόν Λεξικόν Ηλίου τ. 10ος, σ.324

Արտաքին հղումներ[խմբագրել | խմբագրել կոդը]