Ծոբաձոր (համայնք, Քաշաթաղի շրջան)
Անվան այլ կիրառումների համար տե՛ս՝ Ծոբաձոր (այլ կիրառումներ)
 | |
|---|---|
| Երկիր |  Արցախի Հանրապետություն |
| Կարգավիճակ | Համայնք |
| Մտնում է | Քաշաթաղի շրջան |
| Ներառում է | Ծոբաձոր գյուղ, Որդուակ գյուղ, |
| Վարչկենտրոն | Ծոբաձոր գյուղ, |
| Հիմնական լեզու | Հայերեն |
| Բնակչություն (2015) | 66 |
| Տարածք | 5073,0 հա |
| Ժամային գոտի | +4 |
Ծոբաձոր, համայնք Արցախի Հանրապետության Քաշաթաղի շրջանում[2][3]։ Ներկայում համայնքի ամբողջ տարածքը գտնվում է Ադրբեջանի զինված ուժերի վերահսկողության ներքո[4][5][6][7] և Արցախի Հանրապետության կողմից համարվում է օկուպացված[1]։
Աշխարհագրություն[խմբագրել | խմբագրել կոդը]
Համայնքը տեղաբաշխված է Արցախի Հանրապետության հարավարյան մասում։ Ունի հարթավայրային տեղանք։ Համայնքի տարածքն 5073,0 հա է, որից 1062,2 հա-ն անտառային հողեր են։ Համայնքի սահմաններով է հոսում Արաքս գետի վտակը[2]։
Բերձոր շրջկենտրոնից հեռու է 120 կմ, իսկ մայրաքաղաք Ստեփանակերտից` 170 կմ[2]։
Վարչատարածքային բաժանում և համայնքային կյանք[խմբագրել | խմբագրել կոդը]
Համաձայն Արցախի Հանրապետության վարչատարածքային բաժանման՝ Ծոբաձոր համայնքն իր մեջ ներառում է Ծոբաձոր և Որդուակ գյուղերը[2]։
Համայնքում գործում էր գյուղապետարան, բուժկետ, միջնակարգ դպրոց[2]։
Համայնքն ապահովված էր էլեկտրաէներգիայով, հասանելի էին բջջային, ինտերնետ կապի միջոցներն ու ռադիոհեռուստատեսությամբ[2]։
Գործում էր ինքնահոս ջրամատակարարման համակարգ, որը սնվում էր 2 ակունքից։ Առկա են նաև խմելու ջրի համար պիտանի սեզոնային բնական աղբյուրներ։ Համայնքի տարածքով էին անցնում «Ծոբաձոր-1», «Ծոբաձոր-2» և «Որդուակ» ոռոգման ջրատարները[2]։
2015 թվականի դրությամբ համայնքային ճանապարհները բնահողային էին[2]։
Բնակչություն[խմբագրել | խմբագրել կոդը]
Ծաբաձոր համայնքի բնակչությունը 2015 թվականի դրությամբ կազմել է 66 մարդ, որոնք կազմել են 22 տուն։ Նույն թվականի դրությամբ Ծոբաձոր գյուղում բնակվել է 15 մարդ, որոնք կազմել են 6 տուն։ Որդուակ գյուղում բնակվել է 51 մարդ, որոնք կազմել են 16 տուն[2]։
Կրթություն[խմբագրել | խմբագրել կոդը]
Ծոբաձոր համայնքում գործում էր միջնակարգ դպրոց, որտեղ 2015 թվականի դրությամբ սովորում էր 8 աշակերտ[2]։
Տնտեսություն[խմբագրել | խմբագրել կոդը]
Համայնքի բնակչությունը հիմնականում զբաղվել է գյուղատնտեսությամբ՝ հողագործությամբ և անասնապահությամբ։ Համայնքի տարածքի 3357,4 հա-ը գյուղատնտեսական նշանակության են[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։
- ↑ «Արցախի Հանրապետության բնակավայրերի ցանկը հանրապետության Ազգային ժողովի կայքում (Արցախի Հանրապետության օրենքը երկրի վարչատարածքային բաժանման մասին, 25 մարտի 2005 թ., ք.Ստեփանակերտ, ՀՕ-178, ստորագրված նախագահ Ա․Ղուկասյանի կողմից)։». Արխիվացված է օրիգինալից 2016 թ․ մարտի 4-ին. Վերցված է 2021 թ․ մարտի 14-ին.
- ↑ Արցախի Հանրապետության այն բնակավայրերի ցանկը, որոնք գտնվում են Ադրբեջանի զինված ուժերի վերահսկողության ներքո /հրապարակված Արցախի Հանրապետության Տարածքային կառավարման և ենթակառուցվածքների նախարարության կողմից/, (արխիվացված 05․03․2021թ․)։
- ↑ «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը»։
- ↑ «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը», (արխիվացված)։
- ↑ «Ադրբեջանի վերահսկողության տակ անցած՝ Արցախի համայնքների և բնակավայրերի ցանկը»։