Ծաղկաման

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Ծաղկաման
A Vase of Flowers MET DT2131.jpg
տեսակգեղանկար
նկարիչՄարգարետա Հավերման[1]
տարի1716[1]
բարձրություն79,4 սանտիմետր
լայնություն60,3 սանտիմետր
ժանրծաղկային նատյուրմորտ
նյություղաներկ[2]
գտնվում էՄետրոպոլիտեն թանգարան[1]
հավաքածուՄետրոպոլիտեն թանգարան[1]
սեփականատերWilliam T. Blodgett?[3] և Louis Fould?

Ծաղկաման, հոլանդացի նկարչուհի Մարգարետ Հավերմանի նկարը Մետրոպոլիտեն թանգարանի հավաքածուից[4], որը նկարվել է 1716 թվականին։

Նկարի նկարագրություն[խմբագրել | խմբագրել կոդը]

Նկարի մեջ բույսերից պատկերված են Rosa × centifolia, մեխակ, վարդագույն տուղտավարդ, վաղենակ, պասիֆլորա, գնարբուկ, քնաբեր խաշխաշ, վարդակակաչ, անմոռուկ։ Պտուղներից պատկերված են դեղձենի, խաղող, ինչպես նաև՝ ադմիրալ թիթեռ, ճանճ, մրջյուն և խխունջներ[4]։ Ծաղկամանի վրա բարկայի ռելիեֆ է[4]։

Նկարը հետևում է հոլանդական և ֆլամանդական ծաղկային նատյուրմորտներին, որոնք պատկերում են ծաղկաման՝ միջատների հետ։ Նման նատյուրմորտները տարածված են եղել Հավերմանի ժամանակակից նկարիչների շրջանում, ինչի մասին վկայել է Ռաշել Ռյուիշի ստորագրությունը Օտոմար Էլիգեր Մեծի՝ նման ոճով նկարի վրա. այդ նկարը գտնվել է Բրենտանի հայտնի հավաքածուում, հետո ձեռք է բերվել Ադրիան վան դեր Հոոպի և Ռյուշի կողմից. տվյալ նկարը եղել է օրինակ, որի հիման վրա նկարչուհին ստեղծել է իր նատյուրմորտները[5]։ Հավերմանը եղել է Յան վան Հյոյսումի աշակերտուհին, որը նույնպես առավելապես նկարել է ծաղկային նատյուրմորտներ[6]։ «Ծաղկամանը» արտահայտում է Հյոյսումի ոճի ազդեցությունը. կոմպոզիցիան պատկերված է նույն քարե որմնախորշում։

Հավերմանի ժամանակակիցների նմանատիպ աշխատանքները.

Հավերմանի հնարավոր հետևորդներից գեղարվեստում եղել են Ֆրանսինա Մարգարետա վան Հյոյսումը և Կորնելիա վան դեր Միյնը, որոնց աշխատանքներում կանաչ գույնը, ինչպես Բակկերի և Հավերմանի մոտ, ժամանակի ընթացքում կապույտ երանգ է ստացել։ Դրա պատճառը համարվում է դեղին գունանյութի օգտագործումը, որը ստացվել է չիչխանից (անգլ.՝ Stil de grain yellow)[7]։

Նկարը 174 ուրիշ ստեղծագործությունների հետ գնվել է 1871 թվականին, Ուիլյամ Տիլդեն Բլոջետի կողմից, որը Մետրոպոլիտենի թանգարանի առաջին մեկենասներից և հոգեբարձուներից մեկն էր։ Նկարի վրա Margareta Haverman fecit / A 1716 ստորագրությունն է[7]։ Աշխատանքը վաճառվել է թանգարանի վրա 2100 ֆրանկով[8]։

Ծանոթագրություններ[խմբագրել | խմբագրել կոդը]