Խռնդատ մուգ մանուշակագույն
| Խռնդատ մուգ մանուշակագույն | |
| Դասակարգում | |
| Թագավորություն | Բույսեր (Plantae) |
| Վերնաբաժին | Բարձրակարգ բույսեր (Embryophytes) |
| Տիպ/Բաժին | Անոթավոր բույսեր (Tracheophytes) |
| Ենթատիպ | Սերմնավոր բույսեր (Spermatophytes) |
| Կարգ | Խուլեղինջածաղկավորներ (Lamiales) |
| Ընտանիք | Խլածաղկազգիներ (Scrophulariaceae) |
| Ցեղ | Խռնդատ (Verbascum) |
| Տեսակ | Խռնդատ մուգ մանուշակագույն (V. atroviolaceum) |
| Միջազգային անվանում | |
| Verbascum atroviolaceum | |
Խռնդատ մուգ մանուշակագույն(լատին․՝ Verbascum atroviolaceum), խլածաղկազգիների ընտանիքին պատկանող ծածկասերմ բույս։ Գրանցված է Հայաստանի Կարմիր գրքում։
Նկարագրություն
[խմբագրել | խմբագրել կոդը]25-30 սմ բարձրությամբ միամյա բույս է։ Ստորին տերևների թիթեղը երկար կոթուններով է, երկարավուն, նշտարաձև կամ երկարավուն, նեղ եռանկյուն է, հիմքում սեպաձև հատված կամ ականջուկներով, դեպի ցողունի վերևը աստիճանաբար փոքրացող է և նստադիր։ Երկարավուն ծաղկաբույլը նեղ է ողկուզանման, իսկ պսակը՝ մաքուր մանուշակագույն[1]։
Տարածվածություն
[խմբագրել | խմբագրել կոդը]Հայաստանում հանդիպում է Լոռու (Սարչապետ գյուղի շրջակայք) և Իջևանի (Բագրատաշեն, Քոբայր, Այրում, Ախթալա, Դեբեդ գյուղի շրջակայք) ֆլորիստիկական շրջաններում։ Աճում է նաև Հյուսիսային Օսեթիայում[1]։
Էկոլոգիա
[խմբագրել | խմբագրել կոդը]Աճում է ստորին և միջին լեռնային գոտիներում՝ ծովի մակարդակից 400-1400 մ բարձրությունների վրա, տափաստանացած լանջերին, շիբլյակում։ Ծաղկում է մայիս-հունիս ամիսներին, պտղաբերում՝ հունիս-հուլիսին[1]։
Պահպանություն
[խմբագրել | խմբագրել կոդը]Վտանգված տեսակ է։ Տարածման շրջանի մակերեսը 5000 կմ²-ից պակաս է։ Հայաստանի Կարմիր գրքի առաջին հրատարակության մեջ, CITES-ի և Բեռնի կոնվենցիաների հավելվածներում ընդգրկված չէ[1]։
Պահպանություն չի իրականացվում[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Խռնդատ մուգ մանուշակագույն» հոդվածին։ |
|
|