Լևոն Մատինյան
Անվան այլ կիրառումների համար տե՛ս՝ Մատինյան (այլ կիրառումներ)
 | |
|---|---|
| Ծնվել է | սեպտեմբերի 11, 1923[1] (100 տարեկան) |
| Ծննդավայր | Թիֆլիս, ԱԽՖՍՀ, ԽՍՀՄ[1] |
| Քաղաքացիություն |  ԽՍՀՄ |
| Ազգություն | հայ |
| Կրթություն | Թբիլիսիի պետական բժշկական համալսարան (1946)[1] |
| Մասնագիտություն | նյարդաֆիզիոլոգ |
| Գիտական աստիճան | կենսաբանական գիտությունների դոկտոր[1] (1971) |
| Աշխատավայր | Լևոն Օրբելու անվան ֆիզիոլոգիայի ինստիտուտ[1] |
| Անդամակցություն | Գլխուղեղի ուսումնասիրության միջազգային կազմակերպություն[1] |
| Կուսակցություն | ԽՄԿԿ[1] |
Լևոն Արշալույսի Մատինյան (սեպտեմբերի 11, 1923[1], Թիֆլիս, ԱԽՖՍՀ, ԽՍՀՄ[1]), հայ խորհրդային նյարդաֆիզիոլոգ։ Կենսաբանական գիտությունների դոկտոր (1970), պրոֆեսոր (1986)։ ՀԽՍՀ գիտությունների վաստակավոր գործիչ (1984)։
Կենսագրություն[խմբագրել | խմբագրել կոդը]
1946 թվականին ավարտել է Թբիլիսիի բժշկական ինստիտուտը։ 1947 թվականից աշխատել է ՀԽՍՀ ԳԱ Լևոն Օրբելու անվան ֆիզիոլոգիայի ինստիտուտում, 1971 թվականից՝ նյարդա-էնդոկրին փոխհարաբերության լաբորատորիայի վարիչ։ Գիտական հետազոտությունները վերաբերում են նյարդաբանության, նյարդերի ու ներզատիչ գեղձերի փոխհարաբերության, երիկամների գործունեության նյարդա-հումորալ կարգավորման, կենտրոնական նյարդային համակարգության հետ մակերիկամների և ենթաստամոքսային գեղձի փոխհարաբերության, արյունաստեղծման համեմատական-ֆիզիոլոգիական առանձնահատկությունների հարցերին։ Նյարդային վնասվածքների ֆերմենտային բուժման նրա մշակած մեթոդը ԽՍՀՄ-ում կիրառվում է նյարդաբուժության մեջ։ Մատինյանը եղել է ԱՄՆ-ի պարապլեգիական ընկերության պատվավոր գիտական խորհրդատու (1976 թվական), գլխուղեղի ուսումնասիրության միջազգային կազմակերպության անդամ (1979 թվական)[2]։
Անդամակցություն[խմբագրել | խմբագրել կոդը]
- Ուղեղի հետազոտության միջազգային կազմակերպության անդամ, 1979
- Միջազգային պարապլեգիական բժշկական ընկերության անդամ, 1993
- Նյու Յորքի ԳԱ անդամ, 1995
- Էկոլոգիայի և կենսագործունեության անվտանգության միջազգային ակադեմիայի անդամ, 1996
- ՀՀ վիրաբուժության ԳԱ ակադեմիկոս, 1998
- Հայկական ֆիզիոլոգիական ընկերության նախագահ, 2003
Մրցանակներ[խմբագրել | խմբագրել կոդը]
- 2000-ամյա փառքի մեդալ, ԱՄՆ, 1998
- ՌԴ Լոմոնոսովի անվան ոսկե մեդալ, 2003
- 20-րդ դարի գիտական նվաճումների համար միջազգային արծաթե մեդալ, Քեմբրիջ, Անգլիա, 1998
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 289)։ 
|