Լիվնո

Լիվնո
Քաղաք
	Լիվնո
	բոս․՝ Livno; սերբ.՝ Ливно; խորվ.՝ Livno
Դրոշ	Զինանշան
	43°49′37″N 17°00′29″E / 43.82694°N 17.00806°E
Երկիր	Բոսնիա և Հերցեգովինա
Համայնք	Լիվնո
Առաջին հիշատակում	892
ԲԾՄ	750 մ
Խոսվող լեզուներ	բոսիներեն
Բնակչություն	10 080 մարդ (1991)
Ազգային կազմ	բոսնիացիներ (38,68 %) խորվաթներ (34,76 %) սերբեր (15,44 %) հարավսլավներ (9,38 %)
Կրոնական կազմ	մուսուլմաններ, ուղղափառներ, կաթոլիկներ
Ժամային գոտի	UTC+1
Փոստային դասիչ	80101
Պաշտոնական կայք	livno.ba
	Լիվնո (Բոսնիա և Հերցեգովինա)
	Լիվնո (Բոսնիա և Հերցեգովինա)
	Լիվնո Վիքիպահեստում

Անվան այլ կիրառումների համար տե՛ս՝ Լիվնո (այլ կիրառումներ)

Լիվնո, Լիևնո (սերբախորվաթ․՝ Ливно/Livno, Лијевно/Lijevno, հին անվանումը՝ Հլիվնո), քաղաք Բոսնիա և Հերցեգովինայի արևմտյան մասում։ Բոսնիա և Հերցեգովինայի Դաշնության 10-րդ կանտոնի և համանուն համայնքի վարչական կենտրոնը։

Ըստ 1991 թվականի մարդահամարի տվյալների՝ բնակչությունը կազմել է 10 080 մարդ։ Գտնվում է Մոստարից 127 կմ, Սարաևոյից 212 կմ, Բանյա Լուկայից 167 կմ և Սպլիտից 96 կմ հեռավորության վրա։

Պատմություն

Լիվնոն առաջին անգամ հիշատակվել է իշխան Մունցիմիրի փաստաթղթում 892 թվականի սեպտեմբերի 28-ին։ Ավելի ուշ՝ 949 թվականին, քաղաքը հիշատակվել է Կոստանդին Ծիրանածինի «Կայսրության կառավարման մասին» տրակտատում։

1326 թվականից Լիվնոն համարվել է Բոսնիական թագավորության մի մասնիկը, որը 1463 թվականին գրավվել է թուրքերի կողմից։ Օսմանյան կայսրության տիրապետության ներքո, որը տևել է ավելի քան 400 տարի, քաղաքում կառուցվել են արևելյան ճարտարապետության շատ հուշակոթողներ։

Բեռլինի կոնգրեսի որոշմամբ ամբողջ Բոսնիա և Հերցեգովինան օկուպացվել է Ավստրո-Հունգարիայի կողմից։ 1918 թվականին կայսրության տապալումից հետո քաղաքը դարձել է սերբերի, խորվաթների և սլովենցիների թագավորության մի մասնիկը, որը 1929 թվականին անվանափոխվել է Հարավսլավիայի Թագավորության։ Պատերազմից հետո Լիվնոն նորից դարձել է Հարավսլավիայի մի մասը, իսկ վերջինիս կազմալուծումից հետո ընդգրկվել է Բոսնիա և Հերցեգովինայի կազմում։

Բնակչություն

Համայնք

Լիվնո համայնքի բնակչությունը 1971-1991 թվականներին՝

Մարդահամարի թվական	Ընդամենը	Սերբեր	Բոսնիացիներ	Խորվաթներ	Հարավսլավներ	Այլազգիներ
1991	40 600	3 913 (9,63 %)	5 793 (14,26 %)	29 324 (72,22 %)	1 125 (2,77 %)	445 (1,09 %)
1981	40 438	3 898 (9,63 %)	4 418 (10,92 %)	28 918 (71,51 %)	2 657 (6,57 %)	547 (1,35 %)
1971	42 118	4 791 (11,37 %)	5 087 (12,07 %)	31 657 (75,16 %)	434 (1,03 %)	149 (0,35 %)

2007 թվականի մարդահամրի տվյալների համաձայն՝ համայնքի բնակչությունը կազմել է 32 354 մարդ^[1]։

Քաղաք

2007 թվականի մարդահամարի տվյալների համաձայն՝ քաղաքում ապրել են 10 080 մարդ, որոնցից 3 899 եղել են բոսնիացիներ (38,68 %), 3 504-ը՝ խորվաթներ (34,76 %), 1 556-ը՝ սերբեր (15,43 %), իսկ 946-ը՝ հարավսլավներ։