Լիլլի Բեխեր

Վիքիպեդիայից՝ ազատ հանրագիտարանից
Jump to navigation Jump to search
Լիլլի Բեխեր
Bundesarchiv Bild 183-F0307-0043-001, Auszeichnung Lilly Becher mit Deutscher Friedensmedaille.jpg
Ծնվել էհունվարի 27, 1901(1901-01-27)
ԾննդավայրՆյուրնբերգ, Միջին Ֆրանկոնիա, Բավարիա, Գերմանական կայսրություն
Վախճանվել էսեպտեմբերի 20, 1978(1978-09-20) (77 տարեկան)
Վախճանի վայրԱրևելյան Բեռլին, Արևելյան Գերմանիա
Մասնագիտությունլրագրող, գրող, կենսագիր և Դիմադրության մարտիկ
ՔաղաքացիությունFlag of East Germany.svg Արևելյան Գերմանիա
ԿրթությունՀայդելբերգի համալսարան
Անդամակցություն«Ազատ Գերմանիա» ազգային կոմիտե
ԿուսակցությունԳերմանիայի կոմունիստական կուսակցություն և Գերմանական սոցիալիստական միասնական կուսակցություն
Պարգևներ
Patriotic Order of Merit և Աշխատանքի դրոշի շքանշան
ԱմուսինJohannes R. Becher?
Commons-logo.svg Lilly Becher Վիքիպահեստում

Լիլլի Բեխեր (գերմ.՝ Lilly Becher, հունվարի 27, 1901(1901-01-27), Նյուրնբերգ, Միջին Ֆրանկոնիա, Բավարիա, Գերմանական կայսրություն - սեպտեմբերի 20, 1978(1978-09-20), Արևելյան Բեռլին, Արևելյան Գերմանիա), գերմանացի գրող և լրագրող։

Յոհաննես Ռոբերտ Բեխերի կինը։

Կենսագրություն[խմբագրել | խմբագրել կոդը]

Լիլլի Բեխերը սովորել է Մյունխենի գիմնազիայում, այնուհետև լեզուներ է ուսումնասիրել Հայդելբերգի համալսարանում։ 1919 թվականին անդամակցել է Գերմանիայի կոմունիստական կուսակցությանը։ Աշխատել է Մյունխենի հրատարակչություններում և Բեռլինի Die Rote Fahne թերթում։ 1922-1923 թվականներին Բեռլինի Նյուքյոլն շրջանում ղեկավարել է KKE կանանց մասնաճյուղը։ 1924-1926 թվականներին ղեկավարել է իր կողմից հիմնադրված Die Arbeiterin կանանց ամսագիրը և աշխատել է Neuer Deutscher Verlag հրատարակչությունում` որպես սրբագրիչ և խմբագիր։ 1932-1933 թվականներին զբաղեցրել է Arbeiter Illustrierte Zeitung թերթի գլխավոր խմբագրի պաշտոնը։ 1933-1934 թվականներին ապրել է Վիեննայում, այնուհետև մինչև 1936 թվականն աշխատել է Փարիզի «Editions du Carrefour» հրատարակչությունում, որտեղ հանդիպել է իր ապագա ամուսնուն՝ Յոհաննես Բեխերին։ 1936 թվականին Լիլլի Բեխերը հրապարակել է Ազգային սոցիալիստների կողմից հրեաների հետապնդման մասին առաջին փաստաթղթերը՝ «Դեղին բիծ» խորագրի ներքո[1]։ Մինչև 1945 թվականը Լիլլի Բեխերը բնակվել է Մոսկվայում և աշխատել որպես պետական հրատարակչատան թարգմանիչ, ինչպես նաև «Ինոստրաննայա լիտերատուրա» ամսագրում, Մոսկովյան ռադիոյում և «Ազատ Գերմանիա» ազգային կոմիտեում։ Վերադառնալով Գերմանիա` ընդունվել է Գերմանիայի Սոցիալիստական Միավորված կուսակցության շարքերը։ 1945-1950 թվականներին զբաղեցրել է Neue Berliner Illustrierte-ի գլխավոր խմբագրի պաշտոնը։ 1958 թվականին ամուսնու մահից հետո ղեկավարել է Բեռլինի գեղարվեստի ակադեմիայի նրա անունը կրող արխիվը։

Երկեր[խմբագրել | խմբագրել կոդը]

  • Rote Signale. Gedichte und Lieder (Hrsg).; Berlin 1931
  • Der gelbe Fleck (Hrsg.); 1936
  • L. Becher, G. Prokop։ Johannes R. Becher. Bildchronik seines Lebens; Berlin 1963

Ծանոթագրություններ[խմբագրել | խմբագրել կոդը]

  1. Redaktion Rudolf Olden, Hrsg.: Comité des Delegations Juives, Paris 1934.

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]