Գերմանիայի սոցիալիստական միասնական կուսակցություն

Վիքիպեդիայից՝ ազատ հանրագիտարանից
Jump to navigation Jump to search

Գերմանիայի Սոցիալիստական Միասնական Կուսակցություն (ԳՍՄԿ), ստեղծվել է 1946 թվականին, Արևելյան Գերմանիայում (1949 թվականից՝ ԳԴՏ), Գերմանիայի կոմունիստական կուսակցության և Գերմանիայի ս֊դ․ կուսակցության միավորմամբ։ ԳՍՄԿ առաջին համագումարը (1946 թվականի ապրիլի 21—22) հաստատել է կուսակցության ծրագրային փաստաթուղթը՝ «ԳՍՄԿ հիմնական սկզբունքները և նպատակները», ընտրել կենտրոնական վարչություն Վ․ Պիկի և Օ․ Գրոտևոլի նախագահությամբ։ ԳՖՏ ստեղծումից (1949 թվականի սեպտեմբեր) հետո ԳՍՄԿ վարչությունը կոչ է արել հայրենասեր ուժերին միավորվել Դեմոկրատական Գերմանիայի ազգային ճակատի հետ, պայքարել հանուն դեմոկրատական անկախ Գերմանիայի։ ԳՍՄԿ գլխավորությամբ Արևելյան Գերմանիայի աշխատավորությունը կատարել է արմատական դեմոկրատական վերափոխություններ՝ 1949 թվականի հոկտեմբերի 7-ին ստեղծելով ԳԴՏ։ ԳՍՄԿ երրորդ համագումարը (1950 թվականի հուլիս) հաստատել է ԳԴՏ ժողովրդական տնտեսության հնգամյա պլանի նախագիծը։ Արդեն հինգերորդ համագումարում (1956 թվականի մարտ—ապրիլ) արձանագրվել է, որ ԳԴՏ-ում ստեղծվել են սոցիալիզմի հիմքերը, և խնդիր է դրվել պայքարել սոցիալիստական շինարարության առաջընթացի համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 54 CC-BY-SA-icon-80x15.png