Լիլիա Տեր-Մինասյան

Վիքիպեդիայից՝ ազատ հանրագիտարանից
Jump to navigation Jump to search
Լիլիա Տեր-Մինասյան
Ծնվել էմայիսի 18, 1921(1921-05-18)
ԾննդավայրՎաղարշապատ
Մահացել էմայիսի 27, 1998(1998-05-27) (77 տարեկանում)
Մահվան վայրԵրևան, Հայաստան
ՔաղաքացիությունFlag of the Soviet Union.svg ԽՍՀՄ
Flag of Armenia.svg Հայաստան
Ազգությունհայ
ԿրթությունԵրևանի պետական համալսարան և Երևանի պետական լեզվահասարակագիտական համալսարան
Մասնագիտությունթարգմանիչ և գրականագետ
ԱշխատավայրՌոմանոս Մելիքյանի անվան երաժշտական ուսումնարան և Երևանի պետական համալսարան
Ծնողներհայր՝ Երվանդ Տեր-Մինասյան
Քաղաքական կուսակցությունԽՄԿԿ
ԱնդամությունԽՍՀՄ Գրողների միություն

Լիլիա (Լիլի) Երվանդի Տեր-Մինասյան (մայիսի 18, 1921(1921-05-18), Վաղարշապատ - մայիսի 27, 1998(1998-05-27), Երևան, Հայաստան), հայ թարգմանիչ, գրականագետ: ՀԽՍՀ վաստակավոր ուսուցիչ (1967): ԽՍՀՄ գրողների միության անդամ (1968): ԽՄԿԿ անդամ 1956 թվականից[1]:

Երվանդ Տեր-Մինասյանի դուստրը, Մարգարիտ Տեր-Մինասյանի քույրը[2]:

Կենսագրություն[խմբագրել | խմբագրել կոդը]

Լիլիա Տեր-Մինասյանը ծնվել է 1921 թվականի մայիսի 18-ին Վաղարշապատում: 1943 թվականին ավարտել է Երևանի պետական համալսարանը, 1971 թվականին՝ Երևանի ռուսաց և օտար լեզուների մանկավարժական ինստիտուտը: 1943-1980 թվականներին դասավանդել է Երևանի Ռոմանոս Մելիքյանի անվան երաժշտական ուսումնարանում, 1967-1975 թվականներին՝ Երևանի պետական համալսարանում: Նրա թարգմանությամբ հայերենից ռուսերեն լույս են տեսել Ա. Սահինյանի, Ժ. Ավետիսյանի, Վ. Արամյանի, ռուսերենից, գերմաներենից հայերեն՝ Ֆեոդոր Դոստոևսկու, Յուրի Նագիբինի, Բ. Վասիլևի, Յոհան Վոլֆգանգ ֆոն Գյոթեի, Ֆրանց Վերֆելի, Լ. Ռեննի, Էդգար Հիլզենրաթի և այլ դասական ու ժամանակակից գրողների ստեղծագործություններից[3]: Տեր-Մինասյանը բազմաթիվ գրականագետ-արվեստաբանական հոդվածներով հանդես է եկել մամուլում: Հեղինակ է «Թումանյանը երաժշտության մեջ» (անտիպ) աշխատության[2]:

Մահացել է 1998 թվականի մայիսի 27-ին Երևանում[2]:

Թարգմանություններ[խմբագրել | խմբագրել կոդը]

  • Պատմվածքներ, 1958 թ.: Տիտղթ. (Կ. Պաուստովսկի, թարգմ.՝ Լիլիա Տեր-Մինասյան)
  • Շահինյան Մ., Ուլյանովների ընտանիքը, Երևան, Հայպետհրատ, 1961, 179 էջ:
  • Ռենե Լյուդվիգ, Նոբի, Երևան, Հայպետհրատ, 1964, 86 էջ:
  • Դիտրիխ Ալեքսանդր, Սպիտակով սևի վրա, Երևան, «Հայաստան», 1970, 150 էջ:
  • Անդրեև Լ., Պատմվածքներ և վիպակներ, Երևան, «Սովետական գրող», 1978, 285 էջ:
  • Պաուստովսկի Կ., Հյուսիսային պատմվածք, Երևան, «Սովետական գրող», 1978, 274 էջ:
  • Լավ մարդկանց բարի լույս (ժողովածուի մեջ մտնող Յու. Նագիբինի «Արձագանք» և Վ. Ժելեզնիկովի «Լավ մարդկանց բարի լույս» գործերը թարգմանել է Լ. Տեր-Մինասյանը), Երևան, «Սովետական գրող», 1979:
  • Սլավին Լ., Արդենյան չարչարանքներ, Երևան, «Սովետական գրող», 1979, 290 էջ:
  • Գյոթե Վ., Ռայնեկե աղվեսը (վերապատմում կրտսեր տարիքի դպրոցականների համար), Երևան, «Սովետական գրող», 1979, 56 էջ:
  • Ալեքսին Ա., Գործող անձերն ու դերակատարները, Երևան, «Սովետական գրող», 1979, 218 էջ:
  • Տոկարևա Վ., Դաշնամուրի վրա քայլում էր մի շուն, Երևան, «Սովետական գրող», 1980, 230 էջ:
  • Ֆալլադա Հ., Այն ժամանակ մեր տանը, Երևան, «Սովետական գրող», 1980, 330 էջ:
  • Դեռահասը, 2003 թ.: Տիտղթ. (Ֆ. Մ. Դոստոևսկի, թարգմ.՝ Լ. Տեր-Մինասյան)
  • Жажда: Роман, 1956: т.л. (А. Саинян, Пер. с арм. Л. Е. Тер-Минасян и В. Д. Острогорской)

Գրականություն[խմբագրել | խմբագրել կոդը]

  • Խաչատրյան Հ. Հ. Գրական տեղեկատու, 1986 թ. :

Ծանոթագրություններ[խմբագրել | խմբագրել կոդը]

  1. Տեր-Մինասյան, Լիլի Երվանդի, 1921-1998
  2. 2,0 2,1 2,2 «Ով ով է: Հայեր» հանրագիտարան, հատոր երկորդ, գլխավոր խմբագիր՝ Հ. Այվազյան, Հայկական հանրագիտարան հրատ., Երևան, 2007:
  3. Գրական կատալոգ, Տեր-Մինասյան, Լիլի Երվանդի