Լեսթեր Բենքս
| Լեսթեր Բենքս | |
|---|---|
| Ծնվել է | դեկտեմբերի 13, 1948[1][2] |
| Ծննդավայր | Escondido, Սան Դիեգո շրջան, Կալիֆոռնիա, ԱՄՆ |
| Մահացել է | ապրիլի 30, 1982[1][3][2][…] (33 տարեկան) |
| Մահվան վայր | Նյու Յորք, Նյու Յորք, ԱՄՆ |
| Քաղաքացիություն |  ԱՄՆ |
| Կրթություն | Grossmont College? |
| Մասնագիտություն | երաժիշտ, լրագրող, գրող և երաժշտական քննադատ |
Լեսլի Քոնվեյ Բենքս (անգլ.՝ Leslie Conway Bangs,դեկտեմբերի 13, 1948[1][2], Escondido, Սան Դիեգո շրջան, Կալիֆոռնիա, ԱՄՆ - ապրիլի 30, 1982[1][3][2][…], Նյու Յորք, Նյու Յորք, ԱՄՆ), ավելի հայտնի է որպես Լեսթեր Բենքս (անգլ.՝ Lester Bangs), ամերիկացի լրագրող, երաժշտական քննադատ, գրել Է Rolling Stone և Creem ամսագրերի համար։ Ի թիվս այլ բաների, նրան է վերագրվում «հևի մետալ» և «փանկ» տերմինների ներմուծումը։
Կենսագրություն[խմբագրել | խմբագրել կոդը]
Լեսթերը ծնվել է Էսկոնդիդոյում (Կալիֆոռնիա, ԱՄՆ)։ Մեծացել է առանց հոր, մոր ազդեցության տակ, որը Եհովայի վկաներ շարժման անդամ էր։ Եղել է հիփսթերների ենթամշակույթի անդամ, հոգեմետ ֆանտաստ Ուիլյամ Բերրոուզի մեծ երկրպագու։
Առաջին անգամ հրատարակվել է Rolling Stone-ում 1969 թվականին։ Նրա ակնարկները կտրուկ էին և հաճախ քննադատական։ 1973 թվականին Լեսթերին հեռացրել են Rolling Stone-ից՝ երաժիշտների մասին անհարգալից արտահայտվելու համար։ Լեսթերը տեղափոխվել է Creem ամսագիր, որտեղ էլ աշխատել է իր կարիերայի մեծ մասի ընթացքում։ Բացի այդ, գրել է The Village Voice-ի, Penthouse-ի, Playboy-ի, New Musical Express-ի և այլ ամսագրերի համար։ Բենքսը վաստակել է կոնֆլիկտային և սկանդալային լրագրողի և կտրուկ լեզու ունեցողի համբավ։ Նրա անվան հետ է կապված «գոնզո-լրագրող» տերմինը։
Լեսթերն իր ուժերը փորձել է նաև երաժշտության մեջ։ Միկի Լիի (Ջոյ Ռամոնի եղբայրը) հետ խաղացել է Birdland անսամբլում։ 1980 թվականին Տեխասում՝ Օսթինում, Լեսթերը Delinquents փանկ ռոք խմբի հետ ձայնագրել է «Jook Savages on the Brazos» ալբոմը։
Բենքսը մահացել է 1982 թվականի ապրիլի 30-ին Նյու Յորքում, 33 տարեկան հասակում։ Զբաղվել է գրիպի ինքնաբուժմամբ և պատահաբար գերդոզավորել է պրոպոքսիֆենը (օփիոիդային անալգետիկ), դիազեպամը (բենզոդիազեպին) և նայքվիլը[4][5]։ Լեսթերի կյանքի պատմության նկարագրությունը պատկերված է Բրյուս Սթերլինգի «Դորի Բենքս» պատմվածքում (Dori Bangs, 1992)։ Ֆիլիպ Սեյմուր Հոֆմանի դերակատարմամբ Լեսթեր Բենքսը նաև նկարահանվել է «Գրեթե հայտնի» ֆիլմում[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Internet Movie Database — 1990.
- ↑ 2,0 2,1 2,2 2,3 2,4 Internet Speculative Fiction Database — 1995.
- ↑ 3,0 3,1 3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Wallace, Amy; Manitoba, Handsome Dick. The Official Punk Rock Book of Lists. Hal Leonard. p. 56.
- ↑ Kent, Nick (2002 թ․ ապրիլի 12). «The Life and Work of Lester Bangs». The Guardian. Արխիվացված օրիգինալից 2022 թ․ սեպտեմբերի 9-ին. Վերցված է 2014 թ․ հուլիսի 31-ին.
- ↑ «Almost Famous (2000)». IMDb. Արխիվացված օրիգինալից 2020 թ․ նոյեմբերի 8-ին. Վերցված է 2015 թ․ նոյեմբերի 8-ին.