Jump to content

Լա ան դեր Տայն

Վիքիպեդիայից՝ ազատ հանրագիտարանից
Բնակավայր
Լա ան դեր Տայն
գերմ.՝ Laa an der Thaya
Զինանշան

ԵրկիրԱվստրիա Ավստրիա
ԵրկրամասՍտորին Ավստրիա
Մակերես72,91 կմ²
ԲԾՄ183 մետր
Պաշտոնական լեզուգերմաներեն
Բնակչություն6280 մարդ (հունվարի 1, 2018)[1]
Ժամային գոտիUTC+1 և UTC+2
Հեռախոսային կոդ02522
Փոստային դասիչ2064 և 2136
Ավտոմոբիլային կոդMI
Պաշտոնական կայքlaa.at
Լա ան դեր Տայն (Ավստրիա)##
Լա ան դեր Տայն (Ավստրիա)

Լա ան դեր Տայն (գերմ.՝ Laa an der Thaya), քաղաք Ավստրիայի Ստորին Ավստրիա նահանգի Միստելբախ շրջանում։ Բնակավայրը զբաղեցնում է 72.89 կմ² մակերես։ 2016 թվականի դրությամբ քաղաքն ունի 6224 բնակիչ[2][3][4]։

Աշխարհագրություն[խմբագրել | խմբագրել կոդը]

Լա ան դեր Տայն քաղաքը տեղակայված է Ստորին Ավստրիայի հայտնի գինեգործական շրջանի հյուսիսում։ Քաղաքի ընդհանուր տարածքը կազմում է 72.89 կմ², որից 2.87 %-ը ծածկված է անտառներով։ Քաղաքը գտնվում է Տայա գետի մոտ, սակայն գետը չի հոսում քաղաքի միջով։ Միայն արհեստականորեն ստեղծված Տայամբլբախ ջրանցքն է անցնում քաղաքի միջով։

Քաղաքական դրությունը[խմբագրել | խմբագրել կոդը]

2015 թվականի հոկտեմբերի 7-ին ընտրությունների տվյալների արդյունքների համաձայն Լա ան դեր Տայն քաղաքի քաղաքապետն է Բրիջետ Ռիբիսչը[5]։

Համայնքի ներկայացուցիչների խորհուրդը (գերմ.՝ Gemeinderat) ունի 29 տեղ, որոնք 2015 թվականի ընտրությունների հետևանքով բաշխված են հետևյալ կերպ՝

Տնտեսություն և ենթակառուցվածք[խմբագրել | խմբագրել կոդը]

Տեղական ձեռնարկություններ[խմբագրել | խմբագրել կոդը]

Շրջանի ամենախոշոր արդյունաբերական ձեռնարկությունը համարվում է «Jungbunzlauer»-ը, որը զբաղվում է կիտրոնաթթվի արդյունաբերությամբ և համարվում է աշխարհում այդ ոլորտի ամենամեծ արդյունաբերական ձեռնարկությունը։ Բավականին հայտնի է նաև տեղական Hubertus Bräu գարեջրագործական ընկերությունը, որը հիմնադրվել է դեռևս 1454 թվականին[6]։

Քաղաքային իշխանությունների ծրագրի համաձայն հաջողությամբ փրվել են հորեր, որոնցով սկսել է հոսել տաք ջուր։ Արդեն 2002 թվականին բացվել է «Տերմի Լաա» տաք ջրերի համալիրը, որը յուրաքանչյուր տարի ընդունում է շուրջ 400.000 այցելու։ 2005 թվականին տաք ջրերի համալիրի մոտ կառուցվել է «Therme Laa - Hotel & silent SPA» չորս աստղանի հյուրանոց, որը տաք ջրերի համալիրին է միացված փակ կամրջով[4][7]։

Տրանսպորտ[խմբագրել | խմբագրել կոդը]

1869 թվականին Լա ան դեր Տայն քաղաքը միացվել է հյուսիսային երկաթուղային գծին, որը Լա ան դեր Տայնն ու մայրաքաղաք Վիեննան միացրել է իրար։ Վիեննայից դեպի Լա ան դեր Տայն քաղաք է մեկնում S2 գծի էլեկտրական գնացքը և ետ վերադառնում S9 գծով։ չեխական Հեվլին և Բռնո քաղաքների հետ երկաթուղային կապը կտրվել է դեռևս Երկրորդ համաշխարհային պատերազմի ժամանակ։ Ներկա դրությամբ նախատեսվում է վերականգնել Լա ան դեր Տայն և չեխական Հեվլին ու Բռնո քաղաքների միջև երկաթուղային կապը։

Մշակույթ և տեսարժան վայրեր[խմբագրել | խմբագրել կոդը]

Թանգարաններ[խմբագրել | խմբագրել կոդը]

Լա ան դեր Տայն քաղաքում գործում են մի շարք թանգարաններ, որոնցից են[4]՝

  • գարեջրի թանգարանը,
  • Հարավային Մորավիայի գավառական թանգարան,
  • կառքերի թանգարան,
  • զինվորական համազգեստի թանգարան (մասնավոր հավաքածու)։

Շինություններ[խմբագրել | խմբագրել կոդը]

Պատմական շինություններից պահպանվել է քաղաքային ամրոցը, քաղաքային պարսպի որոշ հատվածներ, ծխական եկեղեցին և եկեղեցական բակը, հոսպիտալն ու հին ռատուշան։

Լաարյան ամրոցն առաջին հերթին ծառայել է որպես վտանգի ժամանակ նահանջի վերջին կետ, այլ ոչ թե որպես բնակվելու վայր։ 1400-ական թվականից կառուցվել է աշտարակը, իսկ ավելի ուշ բնակելի և տնտեսական շինությունները։ Շուրջ հարյուրամյակներ շարունակ ամրոցը պատկանել է տարբեր ազնվական տոհմերի։ Մինչև 2007 թվականը այն ամրոցը եղել է Անրեաս Հոֆերի սեփականությունը։ Երկարատև դժվարություններից հետո քաղաքային իշխանությունները կարողացան գնել ամրոցը, որը հանդիսանում է հին քաղաքի խորհրդանիշը։ Ներկա դրությամբ ամրոցում տեղակայված է գարեջրի ավստրիական առաջին թանգարանը։

Քաղաքային պարսպի մնացորդները գտնվում են քաղաքի հյուսիս-արևմուտքում։ Այսպես կոչված «ձգված աշտարակի» պատի մեջ եռևս շվեդական պաշարման ժամանակվանից մինչև մեր օրեր պահպանվել է շվեդական արկը։

Լա ան դեր Տայն քաղաքի ռատուշան կառուցվել է Ավստրո-Հունգարական կայսրության կայսր Ֆրանց Յոզեֆ I-ի 50-ամյա հոբելյանի առթիվ 1898-1899 թվականներին։ Շինարարության համար ծախսվել է 140.000 ավստրիական կրոն։ 1899 թվականի հոկտեմբերին նորակառույց ռատուշայում կայացավ մագիստրի առաջին նիստը։ Ներկայում ռատուշայում տեղակայված է քաղաքային վարչակազմը, գեոդեզիական վարչակազմը և բանկը։

Կանոնավոր միջոցառումներ[խմբագրել | խմբագրել կոդը]

Յուրաքանչյուր տարի օգոստոսին Լա ան դեր Տայն քաղաքում անցկացվում է սոխի փառատոնը, իսկ դեկտեմբերին՝ Սուրբ Նիկոլայի շքերթը։ Միջազգային ռադիոցուցահանդեսը տեղի է ունենում երկու տարին մեկ անգամ և գրավում է այցելուների մբողջ Կենտրոնական Եվրոպայից։

Քույր քաղաքներ[խմբագրել | խմբագրել կոդը]

Լա ան դեր Տայն քաղաքի քույր քաղաքներն են՝

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Einwohnerzahl 1.1.2018 nach Gemeinden mit Status, Gebietsstand 1.1.2018Statistics Austria.
  2. Statistik Austria - Bevölkerung zu Jahresbeginn 2002-2016 nach Gemeinden (Gebietsstand 1.1.2016) for Laa an der Thaya.(գերմ.)
  3. Լա ան դեր Տայն քաղաքի պաշտոնական կայք:(գերմ.)
  4. 4,0 4,1 4,2 Laa an der Thaya.(անգլ.)
  5. Herzlich willkommen 21.11.2014.(գերմ.)
  6. Ein Bier mit Geschichte.(գերմ.)
  7. Therme Laa - Hotel & silent SPA.(գերմ.)