Իվան Շոպեն

Իվան Շոպեն; Иван Шопен
Ծնվել է	1798, 1787 կամ 1795; Ֆրանսիա
Մահացել է	օգոստոսի 3 (15), 1870; Սանկտ Պետերբուրգ, Ռուսական կայսրություն
Քաղաքացիություն	Ռուսական կայսրություն
Մասնագիտություն	պատմաբան
Գործունեության ոլորտ	պատմություն և ազգագրություն

Իվան Իվանովիչ Շոպեն (ռուս.՝ Иван Иванович Шопен, ֆր.՝ Chopin, 1798^[1], 1787^[2] կամ 1795, Ֆրանսիա^[3] - օգոստոսի 3 (15), 1870, Սանկտ Պետերբուրգ, Ռուսական կայսրություն^[3]), ֆրանսիական ծագմամբ ազգագրագետ, պատմաբան և պետական գործիչ

1825 թվականին Ֆրանսիայից տեղափոխվել է Ռուսաստան, երկար տարիներ ծառայել Անդրկովկասում (Հայկական մարզի վարչության խորհրդական, եկամուտների և պետական տուրքի վարչության պետ)։ Ռուսաստանի ցարական կառավարության հանձնարարությամբ կատարել է վիճակագրական հետազոտություններ («Վրացա-իմերեթական նահանգի մեջ մտնող Արաքսի հովտամասի տնտեսական ուրվագծեր», 1843, «Ոռոգման ցանցի և դաշտերի արհեստական ոռոգումը Ռուսաստանում լայնորեն տարածելու օգտակարության մասին», 1845)։

Շոպենի արժեքավոր աշխատություններից է համարվում «Պատմական հուշարձան Հայկական մարզի կացության մասին՝ այն Ռուսական կայսրությանը միացնելու ժամանակաշրջանում» (1852) գործը, որը վիճակագրական հարուստ տվյալներ է պարունակում Արևելյան Հայաստանի վարչատնտեսական համակարգի, մշակույթի, բնակավայրերի, բնակչության (թիվը, ազգային և սոցիալական կազմը, կենցաղը), դպրոցների, ճանապարհների, արհեստների, առևտրի, հարկերի, բնական հարստությունների վերաբերյալ^[փա՞ստ]։

Հեղինակի մեկնաբանություններն ու վերլուծությունները տրված են Ռուսաստանի ցարական կառավարության գաղութային քաղաքականության դիրքերից, իսկ Հայաստանի հին պատմությանն ու աշխարհագրությանը վերաբերող հատվածները գիտական արժեք չունեն։ Գիրքը 1840 թվականին (ձեռագիր վիճակում) արժանացել է Ռուսաստանի գիտությունների ակադեմիայի դեմիդովյան մրցանակի։ Այն Արևելյան Հայաստանի XIX դարի 1-ին կեսի պատմության կարևոր աղբյուր է։ 1840 թվականից Շոպենը ծառայել է Պետական գույքերի նախարարությունում (Պետերբուրգ)։^[փա՞ստ]

Մատենագրություն[խմբագրել | խմբագրել կոդը]

Իվան Շոպեն։ ««Исторический памятник состояния Армянской области в эпоху ее присоединения к Российской Империи», И. Шопен - антикварное издание (1852 г.) в кожаном переплете»։ www.libourge.ru։ Վերցված է 2021-06-06 («Պատմական հուշարձան Հայկական մարզի կացության մասին՝ այն Ռուսական կայսրությանը միացնելու ժամանակաշրջանում») Կարդալ առցանց (ռուս.)
Իվան Շոպեն (2014-08-07)։ «Azerbaijan — History and Ethnography: И. Шопен — Татары Армянской Области (1829-1832)»։ Azerbaijan — History and Ethnography։ Վերցված է 2021-06-06

Ծանոթագրություններ[խմբագրել | խմբագրել կոդը]

↑ ^1,0 ^1,1 Հայաստանի գրադարանների համահավաք գրացուցակ
↑ ^2,0 ^2,1 https://fr.wikipedia.org/wiki/Jean-Marie_Chopin
↑ ^3,0 ^3,1 ^3,2 ^3,3 ^3,4 ^3,5 Шопен Иван Иванович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Իվան Շոպեն կատեգորիայում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 542)։

[_2c5ec73b017e9e4c-1] 1,0 ^1,1 Հայաստանի գրադարանների համահավաք գրացուցակ

[_3abf23250edbe8cb-2] 2,0 ^2,1 https://fr.wikipedia.org/wiki/Jean-Marie_Chopin

[_ae67a6c864cabdd4-3] 3,0 ^3,1 ^3,2 ^3,3 ^3,4 ^3,5 Шопен Иван Иванович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[1]

[2]

[3]