Իսթիքլյալ պողոտա

Վիքիպեդիայից՝ ազատ հանրագիտարանից
Jump to navigation Jump to search
Իսթիքլյալ պողոտա
Istiklal Street.jpg
ԵրկիրFlag of Turkey.svg Թուրքիա
Գտնվում էԲեյօղլու
Ստամբուլի Իսթիքլյալ պողոտան

Իսթիքլյալ պողոտա (թուրք.՝ İstiklâl Caddesi), Ստամբուլի ամենահայտնի պողոտաներից մեկը, որը գտնվում է քաղաքի եվրոպական հատվածում` Բեյօղլու թաղամասում։ Այն սկսվում է Թաքսիմ հրապարակից և ձգվում է մինչև Ոսկեղջյուր: Այն ունի մոտ 1,4 կիլոմետր երկարություն։ Իսթիքլյալ պողոտան ունի բումերանգի տեսք։ Պողոտայի վրա է գտնվում Գալաթասարայի վարժարանը:

Փողոցի պատմությունը[խմբագրել | խմբագրել կոդը]

Սուրբ Անտոնիոս Պադուանցու տաճարը

Փողոցի պատմությունը սկսվում է XV դարից, երբ Իսթիքլյալ պողոտայի տեղանքում սկսեցին հայտնվել առաջին մուսուլմանական բնակավայրերը։ Այս ընթացքում արդեն կառուցվել էր Գալաթայի աշտարակը և շրջանում էին գտնվում Կ.Պոլսի դարպասները։ Մինչ այս, տեղանքում` բլրի վրա, եղել է փոքրիկ անտառ։ Հաջորդ դարասկզբին` Սուլեյման I-ի կառավարման օրոք Իսթիքլյալի տարածքում սկսեցին կառուցվել իսլամական շինություններ։ Այս տարածքը սկսեց մեծապես հետաքրքրել եվրոպացիներին, ովքեր սկսեցին այստեղ կառուցել իրենց տները, բացեցին արհեստանոցներ և խանութներ։ Աստիճանաբար փողոցը, որը այդ ժամանակ կրում էր Cadde-i Kebir (Գլխավոր պողոտա) անվանումը, դարձավ առևտրի և արհեստների կենտրոն։ 1628 թվականին ֆրանսիացի կաթոլիկները այս տեղանքում ստացան տարածք` եկեղեցի կառուցելու համար։ Հիմա այստեղ է գտնվում Սուրբ Լյուդովիկ Ֆրանսիացու տաճարը, որը հայտնի է որպես Բեյօղլուի առաջին լատինական եկեղեցի[1]:

XX դարի 50-ական թվականներին Բեյօղլուն սկսեց մեծապես բնակեցվել և վերակառուցվել, որը անմիջականորեն կապված էր բարեփոխումների հետ։ 1955 թվականի սեպտեմբերին Իստիկլյլալը եղել է ցույցերի կարևոր տեղամասերից մեկը[2]:

Իսթիքլյալն այսօր[խմբագրել | խմբագրել կոդը]

Տրամվայ Իսթիքլյալ պողոտայում

XXI դարում Իսթիքլյալը համարվում է զբոսաշրջիկների կողմից ամենաայցելվող վայրերից մեկը Ստամբուլում: Պողոտայի վրա տեղակայված են մի շարք հանրահայտ հագուստի, զարդերի, աքսեսուարների բրենդների խանութներ, սրճարաններ, թուրքական և եվրոպական խոհանոցների մասնագիտացմամբ ռեստորաններ։ Պողոտայով ընթանում է հայտնի Ստամբուլի տրամվայը: Մի շարք կառույցներ, որոնք տեղակայված են պողոտայի վրա, համարվում են ճարտարապետական գլուխգործոցներ։ Պողոտայի վրա են գտնվում նաև մի շարք երկրների հյուպատոսություններ` Ֆրանսիայի, Հունաստանի, Նիդեռլանդների, Ռուսաստանի, Իսպանիայի, Շվեդիայի և Մեծ Բրիտանիայի:

Իսթիքլյալը համարվում է նաև ցույցերի և բողոքի ակցիաների անցկացման վայր։ Ամենահայտնին 2013 թվականի ցույցերն էին, որոնք այնուհետև Ստամբուլից անցավ նաև Թուրքիայի այլ քաղաքներ։

Ծանոթագրություններ[խմբագրել | խմբագրել կոդը]

  1. «Paroisse Saint-Louis des Français Istanbul» (ֆրանսերեն)։ st-louis-des-francais-istanbul.org։ Վերցված է 2015-03-23 
  2. Binnaz Tugba Sasanlar (2006)։ «A Historical Panorama of an Istanbul Neighborhood: Cihangir from the Late Nineteenth Century to the 2000s» (անգլերեն)։ www.levantineheritage.com։ Վերցված է 2015-03-23 

Հղումներ[խմբագրել | խմբագրել կոդը]