Իգոր Մոսկվին
Իգոր Մոսկվին | |
---|---|
Անձնական տեղեկություն | |
Սեռ՝ | արական |
Բնօրինակ անուն՝ | ռուս.՝ Игорь Борисович Москвин |
Մասնագիտացում՝ | գեղասահորդ և գեղասահքի մարզիչ |
Երկիր՝ | Ռուսաստան |
Ծննդյան ամսաթիվ՝ | օգոստոսի 30, 1929 |
Ծննդավայր՝ | Բեժիցա, Bryansk Governorate, ՌԽՖՍՀ, ԽՍՀՄ[1] |
Մահվան ամսաթիվ՝ | նոյեմբերի 10, 2020 (91 տարեկան) |
Մահվան վայր՝ | Սանկտ Պետերբուրգ, Ռուսաստան[1] |
Մոսկվին Իգոր (ռուս.՝ Игорь Борисович Москвин, օգոստոսի 30, 1929, Բեժիցա, Bryansk Governorate, ՌԽՖՍՀ, ԽՍՀՄ[1] - նոյեմբերի 10, 2020, Սանկտ Պետերբուրգ, Ռուսաստան[1]), գեղասահքի խորհրդային և Ռուսաստանի մարզիչ[2]։ ԽՍՀՄ սպորտի վարպետ։ ԽՍՀՄ վաստակավոր մարզիչ։ IX Ձմեռային օլիմպիական խաղերի (1964 թվական) փակման արարողությանը ԽՍՀՄ օլիմպիական թիմի դրոշակակիրը։
Մարզել է այնպիսի մարզիկների, ինչպիսիք են Թամարա Մոսկվինան (ԽՍՀՄ-ի հնգակի չեմպիոն և ականավոր մարզիչ), Իգոր Բոբրինը (1981 թվականին` Եվրոպայի չեմպիոն), Յուրի Օվչիննիկով (ԽՍՀՄ չեմպիոն և 1975 թվականին Եվրոպայի չեմպիոնատում` բրոնզե մրցանակակիր), Վլադիմիր Կոտին (Եվրոպայի չեմպիոնատում` քառակի արծաթե մրցանակակիր, ապա` մարզիչ) և այլոց։
Կարիերա[խմբագրել | խմբագրել կոդը]
Նախկինում գեղասահորդը հանդես է եկել զուգասահքում և երեք անգամ հաղթել է ԽՍՀՄ առաջնությունում (1952, 1953, 1954 թվականներ)` Մայա Բելենկայի հետ։ Առաջին խորհրդային գեղասահորդն է, ով 1956 թվականին (Մայա Բելենկայի, այլ սպորտային զույգ ներկայացնող Լիդիա Գերասիմովա-Յուրի Կիսելյովի, մենասահորդներ Իգոր Պերսիանցևի, Լև Միխայլովի և Վալենտին Զախարովի հետ) մասնակցել է գեղասահքի միջազգային մրցույթների։ Դա Եվրոպայի առաջնությունն էր։ Մարզվել է Պյոտր Օռլովի և Նինա Լեպլինսկայայի ղեկավարությամբ։
Բացի գեղասահքից նա լրջորեն զբաղվում էր նաև առագաստանավային սպորտով։ 1950-ական թվականներին մի քանի առագաստանավային ռեգատների հաղթող էր։ 1962 թվականին Նորվեգիայում մասնակցել է «Ոսկե գավաթին»` փաստացի։ Սա «Ֆինն» դասի յախտ-միայնակների աշխարհի առաջնություն է, որտեղ 133 մասնակիցներից զբաղեցրեց 27-րդ տեղը[3]։ Նա եղել է «Ֆինն» դասի օլիմպիական չեմպիոն Անդրեյ Բալաշովի առաջին մարզիչներից մեկը[4]։
Սպորտային կարիերայի ավարտից հետո որպես գեղասահքի մարզիչ աշխատել է Կենտրոնական խորհրդի ֆիզիկական կուլտուրայի և սպորտի «Դինամո» (Լենինգրադ) ընկերությունում, այնուհետև` «Բուրեվեստնիկում» (Լենինգրադ), «Տրուդում» (Լենինգրադ)։
Զուգասահքում առաջին հայրենական օլիմպիական չեմպիոնների` Լյուդմիլա Բելոուսովայի և Օլեգ Պրոտոպոպովի անձնական մարզիչն է[5]։
1957 թվականից մարզել է Թամարա Բրատուսին, ով նրա ղեկավարությամբ դարձավ ԽՍՀՄ-ի հնգակի չեմպիոն, ինչպես նաև երկու անգամ` Ալեքսեյ Միշինի հետ։ 1964 թվականին նրանք ամուսնացել են։
15 տարի` 1965-1980 թվականներին, մարզել է Իգոր Բոբրինին։
Աշխատել է որպես մարզիչ-դուետ կնոջ` Թամարա Նիկոլաևնա Մոսկվինայի հետ, եղել է նրա կոնսուլտանտը։ Զբաղվել է երիտասարդ սպորտային զույգերով, օրինակ, Քսենյա Օզերովայի և Ալեքսանդր Էնբերտի հետ[6]։ Ներկա պահին (2016 թվականին) թոշակառու է։
Ընտանիք[խմբագրել | խմբագրել կոդը]
Առաջին կինը` Մայա Բելենկայան է։ Կինը` Թամարա Նիկոլաևնա Մոսկվինա։ Աղջիկները` Օլգա (ծնվ.` 1970 թվական) և Աննան (ծնվ.` 1974 թվական)։
Պարգևներ և կոչումներ[խմբագրել | խմբագրել կոդը]
- ԽՍՀՄ սպորտի վարպետ
- ԽՍՀՄ վաստակավոր մարզիչ
- «Պատվո նշան» շքանշան
- 2009 թվականին` 80-ամյակի կապակցությամբ Ռուսաստանի Օլիմպիական կոմիտեն Իգոր Մոսկվինին պարգևատրել է «Ռուսաստանում օլիմպիական շարժման զարգացման գործի համար» պատվավոր պարգևով[7]
- Ռուսաստանում գեղասահքի ֆեդերացիայի պատվավոր անդամ
Սպորտային ձեռքբերումներ[խմբագրել | խմբագրել կոդը]
Մրցումներ | 1950 | 1952 | 1953 | 1954 | 1955 | 1956 |
---|---|---|---|---|---|---|
Գեղասահքի Եվրոպայի առաջնություն | 11 | |||||
Գեղասահքի ԽՍՀՄ առաջնություն | 2 | 1 | 1 | 1 | 2 | 2 |
Սաներ[խմբագրել | խմբագրել կոդը]
- Բալաշով Անդրեյ Վասիլևիչ
- Թամարա Մոսկվինա
- Յուրի Օվչիննիկով
- Իգոր Բոբրին
- Իգոր Լիսովսկի
- Վլադիմիր Կոտին
- Լյուդմիլա Բելոուսովա և Օլեգ Պրոտոպոպով
- Ալեքսեյ Միշին
- Լյուդմիլա Սմիռնովա
- Մարինա Ելցովա
- Անդրեյ Բուշկով
- Լարիսա Սելեզնյովա
- Օլեգ Մակարով
Ի. Բ. Մոսկվինի մասին[խմբագրել | խմբագրել կոդը]
- Ե. Վայցեխովսկայա. Մոսկվինններ-Սառույց երկուսի համար, Ամֆորա-2011, սերիա «Ամֆորա-սպորտ», 3000 օրինակ
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 Энциклопедия ТАСС (ռուս.)
- ↑ Поздравление к юбилею от Председателя Правительства РФ В. В. Путин(չաշխատող հղում)
- ↑ Архив Международной Ассоциации класса "Финн"
- ↑ "Слово о выдающемся яхтсмене"
- ↑ Золотые коньки с бриллиантами (Белоусова Л. Е. Протопопов О. А.)
- ↑ К.Озерова и А.Энберт(անգլ.) Չմշկորդների միջազգային միության պաշտոնական կայքում
- ↑ Поздравления с юбилеем на сайте ФФКР