Եգոր Ժուկով

Վիքիպեդիայից՝ ազատ հանրագիտարանից
(Վերահղված է Ժուկով Եգորից)
Եգոր Ժուկով
Դիմանկար
Ծնվել էհուլիսի 28, 1998(1998-07-28) (25 տարեկան)
ԾննդավայրՄոսկվա, Ռուսաստան
Քաղաքացիություն Ռուսաստան
ԿրթությունԷկոնոմիկայի բարձրագույն դպրոց
Մասնագիտությունքաղաքական գործիչ, ուսանող, վիդեո բլոգեր և հեռուստատեսային պրոդյուսեր
Ծնողներհայր՝ Sergey Zhukov?
 Yegor Zhukov Վիքիպահեստում

Եգոր Սերգեյի Ժուկով (ռուս.՝ Жуков, Егор Сергеевич, հուլիսի 28, 1998(1998-07-28), Մոսկվա, Ռուսաստան), ռուս ուսանող, քաղաքական ակտիվիստ, բլոգեր, 2019 թվականից «Էխո Մոսկվի» (ռուս.՝ Эхо Москвы) ռադիոկայանի համահաղորդավար և տեսաբան[1] և «Նովայա Գազետա» (ռուս.՝ Новая газета) լրագրի թղթակից[2]։

Կենսագրություն[խմբագրել | խմբագրել կոդը]

Եգորը ծնվել է տիեզերագնացների ջոկատի անդամ Սերգեյ Ժուկովի ընտանիքում։ Դպրոցական տարիներին դարձել է դպրոցականների հասարակագիտության օլիմպիադայի համառուսաստանյան փուլի մրցանակակիր։ 2016 թվականից նա «Քաղաքագիտություն» ծրագրով Տնտեսագիտության բարձրագույն դպրոցի (ՏԲԴ, ռուս.՝ ВШЭ, Высшая школа экономики) ուսանող է։ Լայն ճանաչում է ստացել 2019 թվականի Մոսկվայում բողոքի ակցիաների ընթացքում, ինչպես նաև դարձել Է «Մոսկովյան գործի» ամենահայտնի ֆիգուրանտը[3]։

2019 թվականի օգոստոսի 1-ին նա ձերբակալվել և մեղադրվել է Մոսկվայում չարտոնված հանրահավաքի ժամանակ անկարգությունների մեջ[4]։ 2019 թվականի դեկտեմբերի 6-ին նա դատապարտվել է երեք տարվա փորձաշրջանի։ Դատավճիռը հասարակական լայն քննարկումներ է առաջացրել[5][6][7]։ Ժամկետի նվազեցմանը ուղեկցել է հասարակական լայն աջակցությունը[8][9]։ Դատավճռի կայացումից առաջ նա կոչ է արել ստեղծել հասարակություն, որը «լցված է պատասխանատու և սիրող մարդկանցով»[10]՝ այդ իդեալները հակադրելով ռուսական կառավարության ավտորիտարիզմին և դրա քաղաքացիների դեհումանացմանը[11]։ Ռեփեր Օքսիմիրոնը միացել է Ժուկովի բազմաթիվ երկրպագուներին և նրա համար գրավի դիմաց 2 միլիոն ռուսական ռուբլի է առաջարկել[10]։

2019 թվականի դեկտեմբերին Եգոր Ժուկովը հայտարարել է քաղաքական կարիերա անելու մտադրության մասին[12][13]։

Ռուսաստանում COVID-19 համավարակի ժամանակ Ժուկովը ոչ պաշտոնական կամավորական շարժում է կազմակերպել՝ սննդի և տնտեսական ապրանքների կարիք ունեցողներին օգնելու համար[14]։

2017 թվականից նա ալիք է վարում ՅուԹյուբ տեսահոսթինգում[15]։ 2020 թվականի հուլիսի դրությամբ այն ավելի քան 200 հազար բաժանորդներ ունի։

Մոսկովյան գործ[խմբագրել | խմբագրել կոդը]

Ժամանակագրություն[խմբագրել | խմբագրել կոդը]

Օգոստոսի 2-ի գիշերը Եգոր Ժուկովի տանը խուզարկություններ են անցկացվել[16][17], իսկ առավոտյան Եգորին հարցաքննության են տարել քննչական կոմիտե, որտեղ նրան մեղադրանք է առաջադրվել ՌԴ Քրեական օրենսգրքի 212-րդ հոդվածի 1-ին մասով (զանգվածային անկարգությունների կազմակերպում, ժամկետ՝ մինչև 15 տարի ազատազրկում)։ Օրվա երկրորդ կեսին տեղի է ունեցել դատական նիստ, որտեղ որոշվել է նրան կալանավորելու հարցը։ Դատարանում հայտնի է դարձել Եգոր Ժուկովի դեմ գործի միակ մանրամասնությունը՝ տեսանյութը գործի նյութերից, որտեղ հուլիսի 27-ին տեղի ունեցած բողոքի ակցիայի ժամանակ ինչ-որ «նշված անձինք ժեստեր են անում դեպի աջ»։ Տեսահոլովակը չի հրապարակվել։ Ժուկովի ձերբակալությունից հետո ՏԲԴ-ի ուսանողները, շրջանավարտները և աշխատակիցները բաց նամակ են հրապարակել բուհի ղեկավարներին ու դասախոսներին՝ կոչ անելով աջակցել և դատարանում երաշխավորել նրան, ինչպես նաւ «պետական իշխանության բոլոր մարմիններում, որտեղ դա տեղին է, բարձրացնել քրեական գործ հարուցելու հիմնավորվածության և որպես մեղադրյալ Եգոր Ժուկովին ներգրավելու հարցը»։ Եգորի աջակցության խումբը Տելեգրամում հատուկ զրուցարաններ է ստեղծել, որտեղ համակարգել է մարդկանց գործողությունները Եգորի օգնության համար։

  • Օգոստոսի 5-ին Ժուկովի կողմնակիցները մի շարք միայնակ պիկետներ են սկսել՝ ի պաշտպանություն Եգորի, ներքին գործերի նախարարության Մոսկվայի վարչության շենքի և ՏԲԴ շենքի մոտ։ Պիկետներին մասնակցող 4 մարդ ձերբակալվել է։
  • Օգոստոսի 15-ին կայացել է երկրորդ դատական նիստը, որի ընթացքում քննարկվել է պաշտպանության բողոքը՝ տնային կալանքի կամ երկրից չհեռանալու մասին ստորագրությունը փոխելու խնդրանքով, սակայն դատարանը մերժել է բողոքը։ Ընդ որում Եգորի համար երաշխավորվել է ավելի քան 600 մարդ, այդ թվում՝ հայտնի երգիչ Օքսիմիրոնը, դերասանուհի Չուլպան Խամատովան, քաղաքական գործիչ Լյուբով Սոբոլը, «Էխո Մոսկվի» ռադիոկայանի գլխավոր խմբագիր Ալեքսեյ Վենեդիկտովը, Մոսկվայի քաղաքային դումայի գրանցված թեկնածու և ՏԲԴ-ի պրոռեկտոր Վալերի Կասամարան[18]։
  • Սեպտեմբերի 3-ին Ժուկովին նոր մեղադրանք է առաջադրվել ՌԴ Քրեական օրենսգրքի 280-րդ հոդվածի 2-րդ մասով (ծայրահեղական գործունեություն համացանցում, ժամկետ՝ մինչև 5 տարի ազատազրկում), ավելի ուշ Քննչական կոմիտեն փակել է նրա դեմ հարուցված «զանգվածային անկարգությունների» մասին հոդվածի գործը։ Այս պահին Ժուկովը տնային կալանքի տակ է[19]։
  • Նոյեմբերի 19՝ նախնական դատական նիստ Կունցևի շրջանային դատարանում[20]։ Ժուկովի տնային կալանքը երկարաձգել է կես տարով՝ մինչև 2020 թվականի մայիսի 5-ը[21]։
  • Դեկտեմբերի 2՝ Մոսկվայի քաղաքային դատարանը քննել է պաշտպանության՝ գործի նյութերին ծանոթանալու ժամկետների սահմանափակման վերաբերյալ բողոքը և ուժի մեջ է թողել առաջին ատյանի դատարանի որոշումը[22]։
  • Դեկտեմբերի 3՝ առաջին բաց նիստ Կունցևի շրջանային դատարանում[23]։
  • Դեկտեմբերի 4՝ երկրորդ բաց նիստ Կունցևի շրջանային դատարանում[24]։ Եգոր Ժուկովի՝ դատարանի նիստում վերջին խոսքը հրապարակվել է մամուլում[25]։ Պետական մեղադրանքը 4 տարի ազատազրկում է պահանջել[26]։
  • Դեկտեմբերի 6՝ Կունցևի շրջանային դատարանը Ժուկովին դատապարտել է երեք տարվա պայմանական ազատազրկման՝ երկու տարվա ընթացքում համացանցային ռեսուրսները տնօրինելու արգելքով[27]։
  • Ներկայումս նա «Էխո Մոսկվի» ալիքի ռադիոհաղորդավարն է և վարում է «Պայմանականորեն ձերը» հաղորդումը[28]։
  • 2020 թվականի փետրվարի 13-ին Մոսկվայի քաղաքային դատարանն օրինական է ճանաչել Եգոր Ժուկովի պայմանական ժամկետը ծայրահեղականության կոչերի համար, իսկ պաշտպանության բողոքը մերժվել է։

Ծանոթագրություններ[խմբագրել | խմբագրել կոդը]

  1. ↑ Егор Жуков на «Эхо Москвы»
  2. ↑ Егор Жуков стал корреспондентом «Новой газеты»
  3. ↑ Частное лицо года – студент Егор Жуков // Ведомости
  4. ↑ Приговор самим себе. Почему государство боится 21-летнего Егора Жукова // Forbes
  5. ↑ Кремль отказался комментировать приговор студенту ВШЭ Жукову
  6. ↑ Masha Gessen. «A Powerful Statement of Resistance from a College Student on Trial in Moscow» (անգլերեն). The New Yorker. Վերցված է 2020 թ․ մայիսի 2-ին.
  7. ↑ Студент ВШЭ Егор Жуков обжаловал приговор // Deutsche Welle.
  8. ↑ Я/Мы Егор Жуков: как дело о массовых беспорядках объединило московских студентов
  9. ↑ Nechepurenko, Ivan (2019 թ․ դեկտեմբերի 6). «Russian Court Bans Politically Active Student From Blogging». The New York Times. 0362-4331. Վերցված է 2020 թ․ մայիսի 2-ին.
  10. ↑ 10,0 10,1 «Young symbol of Russian opposition avoids jail». BBC News. 2019 թ․ դեկտեմբերի 6. Վերցված է 2020 թ․ մայիսի 2-ին.
  11. ↑ Masha Gessen. «A Powerful Statement of Resistance from a College Student on Trial in Moscow» (անգլերեն). The New Yorker. Վերցված է 2020 թ․ մայիսի 2-ին.
  12. ↑ «Страна уходит» Первое интервью политика Егора Жукова // Новая газета
  13. ↑ Телеканал Дождь (2019 թ․ դեկտեմբերի 7). ««Я хочу стать президентом страны». Егор Жуков — о своих политических планах». YouTube.
  14. ↑ BBC News - Русская служба (2020 թ․ ապրիլի 28). «Как я пробовала быть волонтером у «Единой России» и Егора Жукова». YouTube.
  15. ↑ «Команда Жукова» (ռուսերեն). YouTube. Վերցված է 2020 թ․ մայիսի 2-ին.
  16. ↑ «Проходит обыск у видеоблогера, пытавшегося выдвинуться в Мосгордуму».
  17. ↑ «Со Всероса в изолятор» (ռուսերեն). Новая газета - Novayagazeta.ru. 2019 թ․ օգոստոսի 3. Արխիվացված է օրիգինալից 2019 թ․ դեկտեմբերի 8-ին. Վերցված է 2019 թ․ դեկտեմբերի 8-ին.
  18. ↑ «"Россия неминуемо стремится к свободе". Егор Жуков оставлен в СИЗО» (ռուսերեն). Радио «Свобода». Վերցված է 2019 թ․ հոկտեմբերի 8-ին.
  19. ↑ «С Егора Жукова сняли обвинения по делу о "массовых беспорядках". Теперь его обвиняют в экстремизме» (ռուսերեն). Настоящее Время. Վերցված է 2019 թ․ հոկտեմբերի 8-ին.
  20. ↑ «Информация по делу № 01-0492/2019 | Информация по уголовным делам первой инстанции | Информация по судебным делам | Сервисы | Кунцевский районный суд | Официальный портал судов общей юрисдикции города Москвы». www.mos-gorsud.ru. Վերցված է 2019 թ․ նոյեմբերի 19-ին.
  21. ↑ TV Rain Inc (2019 թ․ նոյեմբերի 19). «Егору Жукову продлили домашний арест на полгода». tvrain.ru. Վերցված է 2019 թ․ նոյեմբերի 19-ին.
  22. ↑ «Суд признал законным ограничение в ознакомлении с делом Егора Жукова. Ему дали на это один день» (ռուսերեն). mbk-news.appspot.com. Վերցված է 2019 թ․ դեկտեմբերի 2-ին.
  23. ↑ ««Московское дело». Суд над Егором Жуковым. День первый» (անգլերեն). Медиазона. Վերցված է 2019 թ․ դեկտեմբերի 4-ին.
  24. ↑ ««Московское дело». Суд над Егором Жуковым. День второй» (անգլերեն). Медиазона. Վերցված է 2019 թ․ դեկտեմբերի 4-ին.
  25. ↑ ««Мы стали нацией, разучившейся любить». Последнее слово Егора Жукова на суде». Ведомости. 2019 թ․ դեկտեմբերի 4. Վերցված է 2019 թ․ դեկտեմբերի 8-ին.
  26. ↑ «Гособвинение запросило 4 года лишения свободы для студента ВШЭ Егора Жукова». Znak.com. 2019 թ․ դեկտեմբերի 4. Արխիվացված է օրիգինալից 2019 թ․ դեկտեմբերի 4-ին. Վերցված է 2019 թ․ դեկտեմբերի 8-ին.
  27. ↑ «Егор Жуков получил три года условно за призывы к экстремизму» (ռուսերեն). Ведомости. Վերցված է 2019 թ․ դեկտեմբերի 6-ին.
  28. ↑ «Интервью / Дмитрий Быков, Егор Жуков» (ռուսերեն). Эхо Москвы. Վերցված է 2020 թ․ փետրվարի 5-ին.
Վիքիպահեստն ունի նյութեր, որոնք վերաբերում են «Եգոր Ժուկով» հոդվածին։
Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Եգոր_Ժուկով&oldid=9509401» էջից