Ժերար Սվազլյան

Վիքիպեդիայից՝ ազատ հանրագիտարանից
Jump to navigation Jump to search
Ժերար Սվազլյան
Ծնվել էօգոստոսի 31, 1946(1946-08-31)[1] (76 տարեկան)
Ալեքսանդրիա, Եգիպտոս
ԵրկիրFlag of the United States.svg ԱՄՆ
Մասնագիտություներաժշտության ուսուցիչ և ջութակահար
Գործիքներջութակ
ԱշխատավայրՍան Ֆրանցիսկոյի երաժշտական կոնսերվատորիա
ԿրթությունԵրևանի Կոմիտասի անվան պետական կոնսերվատորիա

Ժերար Ժիրայր Սվազլյան (անգլ.՝ Gerard Jirayr Svazlian, օգոստոսի 31, 1946(1946-08-31)[1], Ալեքսանդրիա, Եգիպտոս), ամերիկահայ ջութակահար։

Կենսագրություն[խմբագրել | խմբագրել կոդը]

Ժերար Սվազլյանը ծնվել է Եգիպտոսի Ալեքսանդրիա քաղաքում հայ ծնողներից։ Երկրորդ համաշխարհային պատերազմից հետո նրա ընտանիքը տեղափոխվել է Հայաստանի Խորհրդային Սոցիալիստական Հանրապետություն, որտեղ 44 տարեկանում մահացել է նրա հայրը։ Քանի որ հայրն արտիստիկ անձնավորություն էր, նա երազում էր, որ իր հինգ երեխաներից երեքը դառնան երաժիշտ։ Սվազլյանի մայրը Ժերարի համար ընտրել է ջութակը, եղբոր համար՝ թավջութակը, իսկ քրոջ համար՝ դաշնամուրը։ Նրա երկու ավագ քույրերը դարձել են գիտնականներ։

Ժերարը ջութակ սկսել է նվագել յոթ տարեկանից և ուսումը շարունակել է Ռոմանոս Մելիքյանի անվան հեղինակավոր երաժշտական ուսումնարանում և Կոմիտասի անվան կոնսերվատորիայում[2][3]։ Դպրոցական տարիներին նա ջութակ է դասավանդել և նվագել է Երևանի պետական օպերային նվագախմբում։ Իր եղբոր և քրոջ հետ նա ստեղծել է եռյակ և համերգներ կազմակերպել նախկին խորհրդային հանրապետություններում, Արևելյան Եվրոպայում և Միացյալ Նահանգներում։ Ժերար Սվազլյանը ժամանել է Նյու Յորք 1975 թվականին, որտեղ նվագել է տարբեր նվագախմբերում, այդ թվում՝ Մետրոպոլիտեն օպերայի նվագախմբում։ 1978 թվականին նա տեղափոխվել է Սան Ֆրանցիսկո, որտեղ սկսել է շատ բուռն և բեղմնավոր կարիերա։ Նույն թվականին նա ամուսնացել է Անահիտի հետ։ Նրանք ունեն երկու երեխա՝ Մոնիկ և Ռոզի Սվազլյանները[4]։

Սան Ֆրանցիսկոյի երաժշտական կոնսերվատորիայում դասավանդելու ընթացքում Ժերարը միացել է Սան Ֆրանցիսկոյի օպերայի, բալետի, սիմֆոնիկ և կամերային նվագախմբերին։ 1981 թվականից Սան Ֆրանցիսկոյի օպերային նվագախմբի մշտական անդամ էր[5]։ 1992-2002 թվականներին Սվազլյանը զբաղեցրել է Սան Ֆրանցիսկոյի երաժշտության ուսուցիչների ասոցիացիայի նախագահի պաշտոնը[6]։ Պարգևատրվել է քաղաքապետ Ուիլլի Բրաունի պատվոգրով և Կալիֆոռնիայի երաժշտության ուսուցիչների ասոցիացիայի (Սան Ֆրանցիսկո) մրցանակով՝ անձնազոհ առաջնորդության համար։

Ժերարը ղեկավարել է հայկական առաջին դասական օպերայի՝ «Արշակ Բ»-ի համաշխարհային պրեմիերան[7] բեմադրելու ջանքերը՝ 2001 թվականի ներկայացումների համար հայ համայնքից հավաքելով մեկ միլիոն դոլար[8]։

Ծանոթագրություններ[խմբագրել | խմբագրել կոդը]

  1. 1,0 1,1 Jirayr G Svazlian SF, age 76
  2. Manoogian Claire։ «Strings by the Bay»։ Article։ Վերցված է September 27, 2008 
  3. «Armenian Reporter»։ 30 November 2020 
  4. http://www.rosyanoush.com/
  5. «San Francisco Opera - Gerard Svazlian»։ sfopera.com։ Արխիվացված է օրիգինալից 2011-05-20-ին 
  6. «Information - Music Teachers' Association of California»։ www.mtac.org։ Արխիվացված է օրիգինալից 2006-12-14-ին 
  7. Arsaces II «Arsaces II Opera»։ Armenpedia 
  8. Stevens David։ «An Armenian Opera: First Take»։ Article։ NY Times։ Վերցված է 17 October 2001 

Արտաքին հղումներ[խմբագրել | խմբագրել կոդը]