Ժաննա Բոլոտովա

Ժաննա Բոլոտովա
Ծնվել է	հոկտեմբերի 19, 1941(1941-10-19) (81 տարեկան)
Ծննդավայր	Q23837609?, Q19631978?, Չանովսկի շրջան, Նովոսիբիրսկի մարզ, ՌԽՖՍՀ, ԽՍՀՄ
Կրթություն	Մոսկվայի Գերասիմովի անվան կինեմատոգրաֆիայի ինստիտուտ (1964)
Քաղաքացիություն	ԽՍՀՄ և  Ռուսաստան
Մասնագիտություն	դերասանուհի
Ծնողներ	հայր՝ Անդրեյ Իվանովիչ Բոլոտով
Ամուսին(ներ)	Նիկոլայ Դվիգուբսկi և Նիկոլայ Գուբենկո
Պարգևներ և մրցանակներ	և

Ժաննա Անդրեևնա Բոլոտովա (հոկտեմբերի 19, 1941(1941-10-19), Q23837609?, Q19631978?, Չանովսկի շրջան, Նովոսիբիրսկի մարզ, ՌԽՖՍՀ, ԽՍՀՄ), կինոյի և թատրոնի խորհրդային ռուս դերասանուհի։ ՌԽՖՍՀ ժողովրդական արտիստ (1985): 1977 թվականին դարձել է ԽՍՀՄ Պետական մրցանակի դափնեկիր, 1985 թվականին՝ Ռուսաստանի Դաշնության ժողովրդական արտիստ։

Կենսագրություն

Ժաննա Բոլոտովան ծնվել է 1941 թվականի հոկտեմբերի 19-ին, Ռուսաստանի Նովոսիբիրսկի մարզում, Խորհրդային Միության հերոս Անդրեյ Իվանովիչ Բոլոտովի և Զինաիդա Յուրևնա Բոլոտովայի ընտանիքում։ 1964 թվականին ավարտել է Կինեմատոգրաֆիայի համամիութենական պետական ինստիտուտը, Սերգեյ Գերասիմովի և Տամարա Մակարովայի դասարանը։ Եղել է Կինոդերասանի պետական թատրոնի դերասանուհի։ Տասնվեց տարեկանում հրավեր է ստացել ռեժիսորներ Լև Կուլիջանովից և Յակով Սեգելից նկարահանվելու «Տունը, որտեղ ապրում եմ ես» կինոնկարում (1957): Այս կինոերկում իր հասակակցի՝ Գալյա Վոլինսկայայի կերպարը Բոլոտովան վերամարմնավորել է ոչ դպրոցականի վեհերոտությամբ, այլ վստահ, վարպետորեն ու համոզիչ։ Նկարահանվել է նաև ռեժիսորներ Սերգեյ Գերասիմովի «Մարդիկ և գազաններ» (1962), «Ժուռնալիստը» (1967), «Սիրել մարդուն» (1972), Յուրի Եգորովի «Եթե դու ճիշտ ես» (1963), Լարիսա Շեպիտկոյի «Թևեր» (1966), Վլադիմիր Յանչևի «Առաջին սուրհանդակը» (1967), Ալոիզ Բրենչի «24-25-ը չի վերադառնում» (1968), Միխայիլ Շվեյցերի «Կարուսել» (1970) և «Միստր Մակ-Կինլիի փախուստը» (1975), Նիկոլայ Գուբենկոյի «Եթե ուզում ես երջանիկ լինել» (1974) և այլ կինոնկարներում։ 1973 թվականին Բոլոտովան նկարահանվել է անվանի ռեժիսոր Բուդիմիր Մետալնիկովի «Դոկտոր Իվենսի լռությունը» կինոժապավենում, որը 1974 թվականին մեծ հաջողությամբ ցուցադրվել է Իտալիայի Տրիեստ քաղաքում կայացած գիտաֆանտաստիկ կինոնկարների 12-րդ միջազգային կինոփառատոնում և դերասանուհին արժանացել է կանացի լավագույն դերակատարման համար սահմանված մեծ մրցանակին։

Անձնական կյանք

Կինեմատոգրաֆիայի համամիութենական պետական ինստիտուտում սովորելու տարիներին ամուսնացել է Ֆրանսիայից եկած նկարիչ Նիկոլայ Դվիգուբսկու հետ։ 1960-ական թվականների վերջին երկրորդ անգամ ամուսնացել է կինոռեժիսոր և սցենարիստ Նիկոլայ Գուբենկոյի հետ։ Երկու ամուսնություններից էլ երեխաներ չի ունեցել։

Ֆիլմագրություն

Տարի	Ռուսերեն անվանում	Հայերեն անվանում	Դեր
1957	Дом, в котором я живу	«Տունը, որտեղ ես ապրում եմ»	Գալյա Վոլինսկայա
1962	Люди и звери	«Մարդիկ և գազաններ»	Տանյա Սոբոլևա
1963	Если ты прав…	«Եթե դու ճիշտ ես»	Գալյա
1965	Западня	«Ծուղակ»	Իմոդժին
1966	Крылья	«Թևեր»	Տանյա Պետրուխինա
1967	Журналист	«Ժուռնալիստը»	Նինա
1967	Первый курьер	«Առաջին սուրհանդակը»	Կոնկորդիա
1968	24-25 не возвращается	«24-25-ը չի վերադառնում»	Մառա
1969	Суровые километры	«Դաժան կիլոմետրեր»	Տանյա Սավիցկայա
1969	На пути к Ленину	«Լենինի ճանապարհով»	Լենա Վասիլևա
1970	Судьба резидента	«Ռեզիդենտի ճակատագիրը»	Յուլյա
1970	Карусель	«Կարուսել»	Յուլյա Վասիլևնա
1972	Любить человека	«Սիրել մարդուն»	Տանյա Պավլովա
1973	Молчание доктора Ивенса	«Դոկտոր Իվենսի լռությունը»	Օրանտե
1974	Если хочешь быть счастливым	«Եթե ուզում ես երջանիկ լինել»	Տատյանա Ռոդիոնովա
1975	Бегство мистера Мак-Кинли	«Միստր Մակ-Կինլիի փախուստը»	միսս Բեթլ
1976	Подранки	«Վիրավորները»	Կենսաբանության ուսուցչուհի Ալլա Կոնստանտինովնա
1976	Дни хирурга Мишкина	«Վիրաբույժ Միշկինի օրերը»	Իննա Միշկինա
1977	Встреча на далёком меридиане	«Հանդիպում հեռավոր միջօրեականում»	Ռուլֆ Կրեին՝ Ռեննետ Խանդիպվումի նախկին կինը
1977	Рудин	«Ռուդին»	Ալեքսանդրա Պավլովնա Լիպինա
1980	Из жизни отдыхающих	«Հանգստացողների կյանքից»	Նադեժդա Անդրեևնա
1980	Сергей Иванович уходит на пенсию	«Սերգեյ Իվանովիչը թոշակի է անցնում»	Լենա՝ հարսնացու
1981	Опасный возраст	«Վտանգավոր տարիք»	Մարիա Վասիլևնա
1981	Чёрный треугольник	«Սև եռանկյունի»	Ռոզա Շտերն
1982	Кто стучится в дверь ко мне...	«Ո՞վ է թակում իմ դուռը»	Սոնյա
1983	И жизнь, и слёзы, и любовь	«Եվ կյանք, և արցունքներ, և սեր»	Վարվառա Դմիտրիևնա Վոլոշինա
1988	Запретная зона	«Արգելված գոտի»	Տրետյակովա
2005	Жмурки	«Աչքակապուկ»	մանկավարժ

Հետաքրքիր փաստեր

Բուլատ Օկուջավան Ժաննա Բոլոտովային է նվիրել իր երգերը՝ «Старый пиджак», «По Смоленской дороге», «Горит пламя, не чадит», «Маленькая женщина»:

Պարգևներ և մրցանակներ

• ԽՍՀՄ Պետական մրցանակ, 1977
• ՌԽՖՍՀ ժողովրդական արտիստ
• ՌԽՖՍՀ վաստակավոր արտիստ
• Կանացի լավագույն դերակատարման համար մեծ մրցանակ (Իտալիայի Տրիեստ քաղաքում կայացած գիտաֆանտաստիկ կինոնկարների 12-րդ միջազգային կինոփառատոն)

Արտաքին հղումներ

• Ժաննա Բոլոտովայի մասին «Родоводе» կայքում։ Նախնիների և ժառանգների ծառը

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ժաննա Բոլոտովա կատեգորիայում։