Jump to content

Թռչունների արկղ (ֆիլմ, 2018)

Վիքիպեդիայից՝ ազատ հանրագիտարանից
Թռչունների արկղ
անգլ.՝ Bird Box
Երկիր ԱՄՆ
Ժանրդրամա, սարսափ ֆիլմ, ֆանտաստիկ ֆիլմ, թրիլեր, վեպի էկրանավորում և հետապոկալիպսիսյան ֆիլմ
Թեմազանգվածային ինքնասպանություն
ՀիմքԹռչունների արկղ
Թվականդեկտեմբերի 21, 2018
Լեզուանգլերեն
ՌեժիսորՍյուզաննա Բիր
ՊրոդյուսերՔրիս Մորգան և Քլեյթոն Թաունսենդ
Սցենարի հեղինակԷրիկ Հայսերեր
ԴերակատարներՍանդրա Բուլոք[1], Թրևանթե Ռոդս[1], Ջոն Մալկովիչ[1], Սառա Փոլսոն[1], Ջեքի Ուիվեր[1], Ռոզա Սալազար[1], Դանիել Մաքդոնալդ[1], Լիլ Ռել Հաուերի[1], Թոմ Հոլանդեր[1], Մըշին Գան Քելլի[1], Բրեդլի Դերիլ Վոնգ[1], Փրուիթ Թեյլոր Վինս[1], Փարմինդեր Նագրա[1], Ռեբեկա Փիջոն[1], Էմի Գամենիք[1], Թեյլոր Հանդլի[1], Հեփի Անդերսոն[1], Դևիդ Դասթմալչյան[1], Քեյթ Ջարդին[1], Քրիստոֆեր Լոգան[1], Ֆրենկ Մոթեք[1], Ջոնաթան Չեյզ[1], Դենիս Քեյֆեր[1] և Էշլի Էնն Ալվարադո[1]
ՕպերատորՍալվատորե Տոտինո
ԵրաժշտությունԹրենթ Ռեզնոր
ՄոնտաժԲեն Լեսթեր
Պատմվածքի վայրԿալիֆոռնիա
Նկարահանման վայրԼոս Անջելես, Սանտա Կլարիտա, Սկրիփս քոլեջ, Լա Պուենտե և Սմիթ Ռիվեր
ԿինոընկերությունՆեթֆլիքս
Տևողություն124 րոպե
Պաշտոնական կայքէջ

«Թռչունների արկղ» (անգլ.՝ Bird Box), ռեժիսոր Սյուզան Բիրի հետապոկալիպտիկ սարսափ ֆիլմը, որը թողարկվել է 2018 թվականին։ Սցենարը գրել է Էրիկ Հայսերերը[2]։ Սյուժեն հիմնված է Ջոշ Մալերմանի՝ 2014 թվականին հրատարակված համանուն գրքի վրա։

2018 թվականի նոյեմբերի 12-ին Կինոարվեստի ամերիկյան ինստիտուտի փառատոնում տեղի է ունեցել ֆիլմի համաշխարհային պրեմիերան[3], դեկտեմբերի 14-ին ԱՄՆ-ում ֆիլմը սահմանափակ վարձույթի է դուրս եկել։ 2018 թվականի դեկտեմբերի 21-ից ֆիլմը հասանելի է դարձել Netflix հարթակում։

Սյուժե

[խմբագրել | խմբագրել կոդը]

Հինգ տարի առաջ աշխարհն ընկղմվել էր քաոսի մեջ. տեսնելով ինչ-որ մի բան՝ մարդիկ ինքնասպան էին լինում։ Երկու հնգամյա երեխաներ ունեցող կինը, ռադիոյով լսելով անվտանգ վայրի մասին, գնում է փրկված համայնքը որոնելու և իր հետ տուփի մեջ թութակներ է տանում։ Այս նոր աշխարհում կյանքը պահպանելու համար ամենակարևորն այն է, որ կողմերը չտեսնեն և չլսեն, թե ինչպես են թռչունները արձագանքում մոտեցող վտանգին։ Գլխավոր հերոսուհին Մելորին է (Սանդրա Բուլոկ)՝ ամուսնալուծված հղի նկարչուհին։ Նրան վիճակված է անցնել վտանգի, բարեկամության, հավատարմության և դավաճանության շատ երկար ճանապարհ։ Այդ ճանապարհին Մելորին իր երեխաներին պետք է պահպանի այնպիսի էակներից, որոնց չի կարելի նայել, քանի որ դա մարդկանց մեջ ինքնասպանության հակում կառաջացնի[4]։

Դերերում

[խմբագրել | խմբագրել կոդը]
  • Սանդրա Բուլոք՝ Մելորի
  • Թրևանթե Ռոդս՝ Թոմ
  • Ջոն Մալկովիչ՝ Դուգլաս
  • Սառա Փոլսոն՝ Ջեսիկա
  • Ջեքի Ուիվեր՝ Շերիլ
  • Ռոզա Սալազար՝ Լյուսի
  • Դանիել Մաքդոնալդ՝ Օլիմպիա
  • Լիլ Ռել՝ Չարլի
  • Թոմ Հոլանդեր՝ Գարի
  • Մաշին Գան Քելլի՝ Ֆելիքս
  • Բրեդլի Վոնգ՝ Գրիգ
  • Պրուիտ Թեյլոր Վինս՝ Ռիկ
  • Պառմինդեր Նագրա՝ բժիշկ Լապեմ
  • Էմի Գամենիկ՝ Սամանտա
  • Թեյլոր Հենդլի՝ Ջեյսոն
  • Դավիթ Դաստմալչյան՝ կողոպտիչ

Արտադրություն

[խմբագրել | խմբագրել կոդը]

Էկրանավորման իրավունքները ձեռք են բերվել 2013 թվականին Universal Studios-ի կողմից՝ մինչև գրքի թողարկումը[5][6]։ Ռեժիսորի դերին հավակնել է Անդրես Մուսկետին, որը նկարահանել է նաև «Մամա» և «Այն» ֆիլմերը։ Սակայն 2017 թվականին Netflix սթրիմինգ ծառայությունը գնել է էկրանավորման իրավունքը, և ռեժիսոր է դարձել Սյուզաննա Բիրը։

2017 թվականի հոկտեմբերին սկսվել են ֆիլմի նկարահանումները[7]։ 2018 թվականի հոկտեմբերի 25-ին Netflix ծառայությունում հրապարակվել է ֆիլմի թրեյլերը[8]։ 2018 թվականի դեկտեմբերի 21-ին ֆիլմը հայտնվել է համաշխարհային վարձույթում։

Քննադատություն

[խմբագրել | խմբագրել կոդը]

2019 թվականի հունվարին լրագրողները ֆիլմում հայտնաբերել են իրական աղետի կադրեր։ Պարզվել է, որ Netflix-ը օգտագործել է Լաք-Մեգանթիք (Քվեբեկ) նավթով գնացքի վթարի պատկերները[9]։ Սկզբում Netflix-ում պնդում էին, որ չեն կարող փոփոխություններ կատարել արդեն նկարահանված ֆիլմերում, բայց հետո ներողություն են խնդրել Լաք-Մեգանթիկի բնակիչներից և խոստացել փոխարինել կադրերին մի քանի շաբաթվա ընթացքում։

Ֆիլմը կինոքննադատների կողմից արժանացել է խառը գնահատականների։ Rotten Tomatoes կայքում ֆիլմն ունի 64% վարկանիշ՝ 159 քննադատների գրախոսության հիման վրա՝ 10-ից 5,9 միջին գնահատականով[10]։ Metacritic կայքում ֆիլմը 26 գրախոսությունների հիման վրա ստացել է 100-ից 51 գնահատական, ինչը համապատասխանում է «խառը կամ միջին գնահատականներ» կարգավիճակին[11]։

Ընդունում

[խմբագրել | խմբագրել կոդը]

2019 թվականի հոկտեմբերին Netflix-ի հրապարակված տվյալների համաձայն՝ «Թռչունների արկղ» ֆիլմը դարձել է ամենադիտվողը բոլոր ֆիլմերի և սերիալների մեջ։ 80 մլն դիտորդի արդյունքում ֆիլմն առաջ է անցել «Առեղծվածային սպանություն» ֆիլմից (73 միլիոն դիտորդ) և «Տարօրինակ դեպքեր» հեռուստասերիալից (64 միլիոն դիտորդ[12])։

Ծանոթագրություններ

[խմբագրել | խմբագրել կոդը]
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 1,22 1,23 Internet Movie Database — 1990.
  2. ↑ «Eric Heisserer In Talks To Adapt 'Bird Box' For Universal».
  3. ↑ «AFI Fest Adds Gala Screenings 'Green Book', 'Widows', World Premiere Of Sandra Bullock's 'Bird Box' And 'The Kominsky Method' TV Series».
  4. ↑ Малерман Джош — «Птичий короб» — описание книги // Best book ever | Издательство АСТ
  5. ↑ DETROIT PROUD: Josh Malerman « CBS Detroit
  6. ↑ 'Mama' Director Helming 'Bird Box' Adaptation (Exclusive) | Hollywood Reporter
  7. ↑ «Susanne Bier Begins Filming Netflix Movie Bird Box – NORDIC DRAMA». Արխիվացված է օրիգինալից 2019 թ․ մայիսի 29-ին. Վերցված է 2020 թ․ դեկտեմբերի 8-ին.
  8. ↑ «Вышел эффектный трейлер хоррора "Птичий короб" с Сандрой Буллок». rg.ru. Արխիվացված է օրիգինալից 2020 թ․ հոկտեմբերի 22-ին. Վերցված է 25.10.2018-ին. {{cite web}}: More than one of |accessdate= and |access-date= specified (օգնություն)
  9. ↑ Дамир Камалетдинов (2019 թ․ մարտի 15). «Netflix удалит кадры с настоящей катастрофой из «Птичьего короба». Сначала в компании говорили, что это невозможно — Кино и сериалы на TJ». TJ. Վերցված է 2020 թ․ մայիսի 3-ին.
  10. ↑ «Bird Box (2018)». Rotten Tomatoes.
  11. ↑ «Bird Box Reviews». Metacritic.
  12. ↑ Benjamin Lee (2019 թ․ հոկտեմբերի 22). «What Netflix's biggest reveal tells us about what works and what doesn't». // The Guardian.

Արտաքին հղումներ

[խմբագրել | խմբագրել կոդը]
 ⛭ 
  Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Թռչունների_արկղ_(ֆիլմ,_2018)&oldid=9800027» էջից