Թութակով կինը (նկար, Դելակրուա)

Թութակով կինը;
տեսակ	գեղանկար
նկարիչ	Էժեն Դելակրուա
տարի	1827
բարձրություն	24,5 սանտիմետր
լայնություն	32,5 սանտիմետր
ժանր	նյու
նյութ	կտավ և յուղաներկ
գտնվում է	Լիոնի Գեղեցիկ արվեստների թանգարան
հավաքածու	Լիոնի Գեղեցիկ արվեստների թանգարան
	պատկերված են
	https://www.wga.hu/html/d/delacroi/2/202delac.html կայք
	Ծանոթագրություններ;
	Woman with a Parrot (Delacroix) Վիքիպահեստում

«Թութակով կինը» կամ «Թութակին շոյող կինը» (ֆր.՝ Femme au perroquet; Femme caressant un perroquet), ֆրանսիացի գեղանկարիչ, Եվրոպական կերպարվեստում ռոմանտիզմի ուղղության հիմնադիր Էժեն Դելակրուայի նկարներից։ Այս ստեղծագործությունը հեղինակը վրձնել է 1827 թվականին^[2]։ Յուղաներկով կտավի չափերն են 24,5 × 32,5 սմ։

Այսօր «Թութակով կինը» ստեղծագործությունը պահպանվում և ցուցադրվում է Լիոնի գեղարվեստի թանգարանում (Լիոն, Ֆրանսիա)։

Պատմություն[խմբագրել | խմբագրել կոդը]

1825 և 1827 թվականների միջև ընկած ժամանակահատվածում Էժեն Դելակրուան սենտիմենտալ կամ զգացական ճգնաժամ է ապրել, որի արդյունքում ստեղծել է էրոտիկ բնույթի աշխատանքներ։ Նկարի համար կեցվածք ընդունած մոդելը կարող էր լինել օրիորդ Լոռան, որը նկարվել էր նաև «Սարդանապալի մահը» և Հունաստանը Մեսոլոնգիոնի ավերակների վրա նկարներում^[3], սակայն կարող էր լինել նաև Ռոզան, նկարչի մյուս մոդելը։

Նկարագիր[խմբագրել | խմբագրել կոդը]

«Թութակով կինը» ստեղծագործությունում պատկերված է երիտասարդ մերկ կին, որը ոտքը ոտքին է գցել։ Նա կիսապառկած վիճակում է։ Գլխանոցը փայլում է։ Պարանոցին մանյակ կա։ Նա երկնագույն մահճակալին է, որը պատված է վարդագույն ծալազարդարանքով։ Կինը ձախ ձեռքով շոյում է թութակին, որը գետնին է նստած։ Մերկ կնոջ աջ ոտքը ոսկեգույն-նարնջագույն բարձին է դրված։ Նկարի որոշ դետալներ վերաբերում են օրիենտալիզմին։